Colossians 3:25 - Ohiatonhseratokénti

²⁵ Tánon ratikwé꞉kon ne ratihiotenserátsens ensonatʼkharátse tsi natehonaterentawenré꞉on tsi nihonatié꞉ren, tiorì꞉wah ne Rawenni꞉io kwáh nénhne satetiotʼthe tsi tesakohiatorétha.

Colossians 3:25 ပူးပေါင်းရင်းမြစ်များ

2 Samuel 14:14

Ónenk tsi tewakwé꞉kon entewénheʼie; kwáh thóh nitewahiatóten tsi ní꞉iot niʼionekaweronhtáon ohontsá꞉ke, tsi iáh thahón꞉ton nahonshaienekaróroke. Ók ne Ní꞉io kwáh iáh éhren tahahá꞉wite natónnhets; ne raónha kwáh enhatenikonrónhni káti tó꞉sa ne átste iehonwatiʼiatónhtion ne iahontkóntakwe tsi éhren ahónhnete ne raohén꞉ton.

2 Chronicles 19:7

Tsi sheʼwakwé꞉niensts ne Roiá꞉ner tánon sewathatenhnikonhrá꞉ren, tsioríhwa ne Roiá꞉ner onhkwahʼNí꞉io iáh tehatenikonhriʼióstha ne kanikonhráton shé꞉kon ne kenknakónhake khés né tahiontatwistároʼse.”

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Job Tánon ne Raoronhiakensera 37:24

Ne kí aorì꞉wa nonkweshón꞉as ronwatsá꞉nis; iáh tesakokweniénstha ónhka í꞉ienre ionteʼnikonraʼtókha.”

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

Luke 20:21

Kenh kati nahatiiere tsi ȣahonȣaȣennarane, ȣahonniron; Seȣenniio! ionkȣaterientare tsi neok ne kaȣennanorons teseȣenninekens, neok oni ne tkariȣaieri serionnienni, nok oni tsi iah tatosonkȣetaiestasions akȣa oni neok noriȣiio tsinisherionnienni ne Niio raoriȣasonha.

Acts 10:34

Tiér tahathásawen wahatʼretáron: “Ónen kíʼ wakenikonraiéntas tókensʼke ne Rawenni꞉io kwáh akwékon satetʼtiót꞉te tsi nisakotiéraʼse.

Romans 2:11

Ne Rawenni꞉io akwékon kwáh satetiót꞉te tsi tesakoiatorétha.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Ephesians 6:8

Sehʼiárat nétho Roiá꞉ner kwáh tsi tewaiatʼtátʼtion tensonkwariwaserákwaʼse, thokàken ahitewanáskwa ahkénhake tóhkaʼ ó꞉ni ahionkwatatewenʼniʼiohatiéseke, neh tsi nikahiotenserí꞉io ionkwahióthe.

Ephesians 6:9

Sewahiatakweʼníʼios, kwáh tasewatheweienthónha tsi nòkwati ne shenaskónʼni tánon sátʼkaf tsi tesehionʼnaríkʼkons. Sewehiáhrak í꞉se tánon ne tsi nikáien ne ietʼtsinaskónʼnis neh sahahiáta tetsisewaniarótaron ne karonhiáke tahiatakweʼní꞉io, kwáh akwékon ne sáka tsi nitiótʼte tsi tesakohiatorétha.

Deuteronomy 1:17

Tó꞉sa sewè꞉nest nahontesewarihwarè꞉kwen tsi tensewahiató꞉rehte; tsi teieʼtsihiatorè꞉tase kwáh akwé꞉kon ne shakaʼnónhkwa akénhake, iáh tewatsterístha ónhka akénhake. Tó꞉sa ónhka ietsitsaʼnísek, asè꞉ken ne sewahiatoreʼtá꞉tshera Rawenní꞉ioke nitewétha. Ne thé꞉nen shótsi ahioriwaní꞉ronhke ne sewariwà꞉ke, akónhake nonhtasewáhaf, tánon í꞉i tetiaʼtó꞉rehte.’

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Colossians 4:1

Ne sewahiatakweʼní꞉ios, tkaié꞉rik tánon ioianeréhat tsi ieʼtsihiatié꞉rase ne ieʼtsihiò꞉tenhse. Seweiá꞉rak í꞉se ó꞉ni tihsewáhien ne Rahiatakweʼní꞉io ne karonhiá꞉ke.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

2 Thessalonians 1:6

Rawenni꞉io ehnenháiere nahóten ne ioiánere: ensakoronhiákente ne iesaroniakéntha,

Philemon 1:18

Tó꞉ka thé꞉nen ianikonrahtén꞉ni tó꞉ka ó꞉ni thé꞉nen skharotáhni, I꞉i tatʼkarahiénhas.

Hebrews 2:2

Naʼterihwahnotátshera tonwahnáwi ne ietʼtisoʼthonkonhkén꞉en iawené꞉on norihwí꞉io akénhake, tánon tsi niháti ne iáh tehotísheron tóhka ó꞉ni ahonatewennarákwen rotiʼiená꞉on ne karewahtátshera tsi naʼtehonathéntion.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

Jude 1:16

Ki nonkwesónhas tió꞉konte rothiriwakaténhen ó꞉ni akorénson tesakotiráwi né rathísere ne kariwáksen tsi nihonskáneks; tehonathaterensáron ó꞉ni sakotinikonrotákwas nakorénsons né꞉ne rononhak khók ahontahonnónthon.