Colossians 3:24 - Ohiatonhseratokénti

²⁴ Sewehiá꞉rak tsi Roiá꞉ner then tsi sewahriwaserá꞉kwase tsi nisakorahratstén꞉ni ne rahonkweʼtashón꞉a. Asè꞉ken Kerístos ne kwáh rahiatakweʼní꞉io neh tsioténse.

Colossians 3:24 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Matthew 10:41

Onka rotokense tenhorhoton tsiniiot tsi rotokense; eh ki niiot tsi tenhonȣariȣaserakȣase tsiniiot ne rotokense, nok ne thoriȣaieri enhokonnienste, eh ki nenhonȣatonraseronse tsiniiot ne thoriȣaieri.

Matthew 5:12

Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Matthew 5:46

Nahoten ensatonnrakȣate neneok ashenoronkȣake ne iesanoronkȣa? iah oni kenh naha oh tehatiierha ne ionkȣetaksen okonha?

Matthew 6:16

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha.

Matthew 6:5

Nok nʼonen ensaterennaien; tosa shenakeren ne kaianeren rona tkonȣarorokton, ratinonȣe nahatitake nʼonen ronaterennaien, aontonkȣeneste oni tsi tekanatokenhaton ahonȣatiken nonkȣesonha. Oriȣiio tsi kȣarori tsi iah othenon teshotirhare nʼonakenke.

Luke 14:14

Ensataskastston tsi iah teiakoien naonsaiesaieristse; entsiesaieritse tsi nentsiontonnhete ne tiakoriȣaieri.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

Acts 20:32

“Tánon nonakènkha nateriwanothátsera ne tsi nithoriwaiéri ne Rawenni꞉io ne shonháke ne ensatenʼnikonráren, neh enkakwéni naisahsasténseron ó꞉ni enthíson ne kahiataterítseras tsi nitesakówis ne Rawenni꞉io rahonkwetaʼsónhas.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

1 Corinthians 11:23

Asèhken tsi nitahkáwi ne Roiá꞉ner ne karihonnienníhtshera tánon tsi níhtiohensténni: nètho Roiá꞉ner Ié꞉sos, ne sihiokaráhtsera ne shahonwahtennínon, wahtanáhtarahkwe,

1 Corinthians 3:8

Kwáh iáh thènen thahʼtetiatʼtíhen tsi nikáien ne raiéntʼthos tánon tsi nikáien ne shahkonekanóntens; Rawenni꞉io tiehiatát꞉tion tenshahkoriwahserákwahse né entiohianénhawe ne tiehiatát꞉tion tsi nihiakohiotén꞉en.

1 Corinthians 7:22

Asèhken ne rahnáskwah ne Roiá꞉ner shiahonáton rahonháke kíʼ ne Roiá꞉ner non nishohtatewenniʼióʼon; kwáh né ská꞉ka ne iontathewenní꞉io ne Kerístos ieskakonáton rahónha kíʼ rahonkwéta íken.

Galatians 1:10

Éhʼken ní꞉ioht tsi shí꞉ken ní꞉ioht ne kateniéntʼtha nakʼkwéni nónkwe ahionkeriwaníratʼtse? Kwáh iáh! Nahóten tewakathonwentió꞉ni nehne Rawenni꞉io ahakeriwaníratʼtse! Kateniéntʼta kén naksennowanénhake nonkwétake? Tóhkaʼ shékon ne kateniéntʼta neh naiáwenne, Iáh kíʼ tahihiotenséhake ne Kerístos.

Ephesians 6:6

Kén kíʼ nasewáier ne tóhsa thokàken tsík ahietʼtsiʼiateróron, nók ne kíʼ tsi ísere ahonthasenikonraiérithe; nók kwáh kíʼ seriahsakwékon thóh nátsiere ne tsi natehothonwentió꞉ni ne Rawenni꞉io, tsi kwáh senáskwa rahonháke ne Kerístos.

Ephesians 6:8

Sehʼiárat nétho Roiá꞉ner kwáh tsi tewaiatʼtátʼtion tensonkwariwaserákwaʼse, thokàken ahitewanáskwa ahkénhake tóhkaʼ ó꞉ni ahionkwatatewenʼniʼiohatiéseke, neh tsi nikahiotenserí꞉io ionkwahióthe.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Hebrews 10:35

Tósa sewahnikonrokten, ne káti, tioríhwa né entʼkáhawe ne kowahnen teshewahteriwahserakwáh꞉se.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.

Hebrews 9:15

Asèken ne kí꞉ken aoríhwa raónha Kerístos sarihwahserónnis náse aterihwahseronniátshera, né꞉ne tsi nihiákon ne Rawenni꞉io iesakonáton nahónton naieʼiéna ne ionhnheʼón꞉we kaiatateríhtshera tsi nihorahrátsʼton ne Ní꞉io. Ne kí꞉ken enwáhton ne thóh nakaiéren tsoríhwah tsi iekenʼhéion né tiakohiatotaríshions nonkweshónha tsi naʼtehonaterientawenhré꞉on tsi nikaríwes ne tiotierénton ateriwahserionniátshera katáh꞉kwe.

1 Tiér 1:4

Neh káti kí꞉ken ionkwárare naitewaiéna natsokowátsera kaiataterítsera ne Rawenni꞉io sakotheweientónnis ne rahonkwetaʼsónhas. Karonhiáke nónwe iehiateweientónnis, tsi nónwe ne iáh tahonhétʼkenne iáh ó꞉ni tahiótʼken iáh ó꞉ni tahonkáhionne.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”