Colossians 3:20 - Ohiatonhseratokénti

²⁰ Sewaksaokónhas, tsi sewariwiióstons kwáh sewateriwaié꞉ni ne tiótʼkonhón꞉we aieʼtsiwenhnaráhkwake ne iaʼní꞉ha ó꞉ni ne saʼnisténha, asè꞉ken ne rawerentihióstha ne Rawenni꞉io.

Colossians 3:20 ပူးပေါင်းရင်းမြစ်များ

Genesis 28:7

tánon ne Jacob rowennaráhkwen ne roʼníha ó꞉ni ne roʼnisténha tánon Paddan-aram niehawé꞉non.

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Proverbs 20:20

Tókaʼ enhshekenhrenʼsenón꞉ni iesaién꞉ʼa, tsi sónhnhe enwató꞉kten tsi ní꞉ioht ne oháhsera aón꞉swa nó꞉nen tetió꞉karas.

Proverbs 30:11

Ótiaʼke nón꞉kwe enhshakotikenhrenʼserón꞉ni ne kaʼníhsera tánon iáh tehshakotikweniénhstha ne kaʼnisténhsera.

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Proverbs 6:20

Konién꞉ʼa eʼthó ná꞉tsehr tsi nahò꞉ten iaʼníha iahró꞉ris tánon tóhsa sasaʼnikónhrhen tsi nahò꞉ten saʼnisténha iesarihonnién꞉ni.

Jeremiah 35:8

Kwáh akwékon hionkwahʼtewenhnahráhkwen tsi nihorihwahtáton ne Jonadab theʼsonkwáhwi. Ne iatehiakwahiáti iáh nonhwénhton tehionkwahnekíren notsítsa, ó꞉ni ne hionkwahniákʼkhons, ó꞉ni ne iakihiohokónhas.

Ezekiel 22:7

Kwáh iáh tsi nítsion ne kanatowahnénhʼne sehwanáhkere teietʼtsikweniénstha ne iesaiénha. Sehnikonhrahténhnis ne thihononhontsátes tánon tesehiatotʼthakwénhnis ne ionateréhons ó꞉ni ne tehonthonhnakárhias ratitsahokónhas.

Leviticus 19:3

Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Matthew 19:19

Shekonnienst ne iesaienha; nok, shenoronkȣak nonkȣe tsinise nisatatenoronkȣa.

Ephesians 5:24

Ne káti ne iothiniákons ónenk tsi kwáh thokénʼen enhonwathikweʼniénstake ne tehathíteron kwáh tsi ní꞉ioht ne ononsatokénti tsi nihiotatatkáwen rahonháke ne Kerístos.

Deuteronomy 27:16

“‘Rawenni꞉io shakorewá꞉tha nónhka iáh thashakotikwénienste ne ronwatihioʼokón꞉as.’ “Tánon kwáh onkweʼtakwé꞉kon tsi tenhieriwaʼserá꞉ko, ‘É꞉tho niʼiáwen!’

Deuteronomy 5:16

“‘Sheʼkwénienst ne iaʼníha ó꞉ni ne sanisténha, tsi Í꞉i, ne Watiá꞉ner sewaNí꞉io wakwahró꞉ri, ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te ne tkonhiawí꞉re.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 3:22

Sewahnáskwas, kwak tsi nahorihoʼténhsons tsi ieʼtsiwenhnarákwak ne ronónkwes ne ieʼtsí꞉nas, iáh nek khók nó꞉nen ieʼtsinikónrare tiorì꞉wa tsi í꞉sewehre taisewahténtia ne rahotiriwahniratʼtshera; kwáh sewehriasihióhat tsi nensewá꞉hiere tiorì꞉wah tsi eʼtsisewariwahkweniénstha ne Roiá꞉ner.

Titus 2:9

Ne ratináskwas ónenk tsi enhonwahtiwénnarakwe ne ratihiatakwení꞉ios ó꞉ni ahontahonwatinikonraiérite tsi nahorihoténsons. Iáh tehioteriwíson nahontahonwatiwennóko

Ruth 3:5

Ruth tontaieriʼwaserá꞉ko, “Akwé꞉kon tho néntiere tsi nahò꞉ten waʼshekhró꞉ri.”