Colossians 3:16 - Ohiatonhseratokénti

¹⁶ Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

Colossians 3:16 ပူးပေါင်းရင်းမြစ်များ

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

1 Chronicles 25:7

Ratiʼkwé꞉kon kí꞉ken ne tewáhsen kaiéri nihá꞉ti kwáh rotirenhnáʼon: tánon ne ronhtenrosónhas Leviró꞉nons ronateweiénstons nahonterenhnó꞉ten. Né tiokwék꞉ton 288 nihá꞉tiʼkwe.

Nehemiah 12:46

Asè꞉ken ne shiiorihwakáhion, ne shiotenhniseraténionskwe ne Táwit ó꞉ne ne Asaph, kentiokwahién꞉takwe ne Tehatirihwá꞉kwa nohén꞉ton iehonetónhkwe tánon ne karenhnaʼshón꞉as ne tehiontenonweratónhkwa ó꞉ni tsi tahonwanonwerá꞉ton ne Ní꞉io.

Job Tánon ne Raoronhiakensera 23:12

Akwé꞉kon thóh niwatiéren tsi nihakerihwathá꞉ti; wakenorónston ne raowenhnaó꞉kons ne tsi rasakà꞉ronte sénha tsi ní꞉ioht ne kákhwa tsi natahonkatonhontsó꞉nike.

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 119:54

Tsi nikaríwes wakenataré꞉nenh kí kénʼen ionhontsáte wahkerenhnarastánion ne saianerénhseras aorihwáke.

Psalms 138:1

Tekatenonhwerátons, Ó Saiá꞉ner, kwáh akerhiasakwékon; raotihénton ne niʼiohokónhas watkeríhwaʼkwe ne kanonhweratónhtseras sarenhnaókons;

Psalms 28:7

Né Roiá꞉ner rahónha nakeshaststénhsera í꞉ken tánon rahónha rakatrenhóstha; kwáh akerhiasakwékon tsi thiʼiethákwen; ká꞉ti raʼtiataké꞉nas, tánon tiatakwékon waʼtiatánaʼne natsenhnonniátsera, tánon né nakerénhnake tsi waʼthinonweráton.

Psalms 32:7

Í꞉seʼke nónwe nikatasehtákwah; í꞉seh teskénes nó꞉nen thén꞉nen tekanikónrahʼre. Ioʼwènhthe tsi kerénʼnothe tsi nó꞉kwa ne sahiatakenátsera, tsoʼríhwah tsi í꞉seh teskénes. Selah

Psalms 71:23

Né tsi kónnhe kwáh tewatkénhrete natsenhnonniátshera nó꞉nen thenkonrihwá꞉kwahse; tioríhwa tsi í꞉se sestsiatákwen.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Song of Songs 1:1

Ne kí꞉kens ne kwáh tkarenní꞉io tsi níkons ne karennasón꞉ahs, ne ne Solomon rorennarakwenhátons.

Isaiah 10:2

ne nehrenhakahawítonke ne raotiʼianerénhseras ne teionkʼkárias tsi nahó꞉ten ne ronón꞉ha raonáwenk, tánon nashenénsko nakonkwetashón꞉has ne rotítenh raotiʼianerénhsera, nètho ionaterèhons nahón꞉ton ashenenskwenháton, tánon né nahón꞉ton ne asehiaterhiotónhniaʼte ne tehiontonhnakárias!

Isaiah 26:1

Né éhʼtho entewenniseráteʼke kí꞉ken karénhna kwáh thenkarihwá꞉kwenh ne tsi watonhontsáien ne Judah: Kashátste nonkwahnáta; rakétskwas natesenhniétshera tsi ní꞉ioht ne wathenhenró꞉tons tánon ne kanikató꞉tons.

Isaiah 30:29

Kwáh ensahrenhnaiéntake tsi ní꞉ioht nokarasnéha nó꞉nen ne iotokénti tsi neteiontenonhwerátons iakahonhniseranorónston; tánon iakotonhnáhere nakaweriá꞉ne, kwáh tsi ní꞉ioht nónkak wahióntsien wahontahónsathate tsi nikawenhó꞉te nohorótha ionterenhnotákwah niáhien tsi thotenontáhere ne Roiá꞉ner, né nahosthénra í꞉ken NʼIsrael.

Isaiah 5:1

Thó teirihwákwas ne rinorón꞉kwa nakerénhna ne aorihwàke ne tsi rohnenharaiéntʼton: Né kwáh riʼnoronkwahkówa rohentaiéntakwe ne kanenharaiéntʼthon né kwáh tsi nón꞉we tionhontsí꞉io ne tsi ionhniáhere.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Matthew 26:30

Nok nonen sahatirennokten, Olivier Onontoharake niiahonne,

Luke 2:51

Onen kati sahonne, Nazareth ionsahonneȣe; Sakoȣennarakȣakȣe. Kenh kaien ne ronistenha akȣekon taioteȣeientontie aȣerientakon tsinikon tsi oni nikaȣennotens ȣaronkas.

John 15:7

Ne toka enteȣakȣekonhake nok enseȣahaȣake nakeȣenna, tsi ok nahoten seȣariȣanonton eh se nenhiaȣenne.

Romans 10:17

Nekáti wáhi, thóʼnon nitewétha ne tewethákwen tsi ionrónkas nateriwanhothátsera, tánon nateriwanhothátsera thóhʼnon natewatohétstha tsi Kerístos ronwateriwanhotáni.

Romans 15:14

Tewatenroshónhas: kwáh iaʼtetiáti keriwanírats ne tionhakésons kwáh íken tsi sewathonkwetakwaríshons, akwékon niesewáhaʼwe natʼthokhátsera, tánon ó꞉ni sewakwénion ne taisewataterihónnien.

1 Corinthians 14:15

O ónhthe náhtiereh, káti? Akeshatstenserakwékon nón nenkaterénnaien, tánon kíʼ ó꞉ni akenikónrahke nón nenkaterénnahien; akeshatstenserakwékon nón nahtekeríhwahkwe, tánon kíʼ ó꞉ni akenikónrahke nón nahtekeríwahkwe.

1 Corinthians 14:26

Kén nahóten kíʼ kítons, tewatenroʼshónʼa. Nónen skátʼke ensewáhton naisewahterénnaien, tiehiáta tenʼieríwahkwe, tionkwéta né nènʼne ne ashakorihónnien, nó꞉ia né nenʼne enharihotáshion tsi nahóten ne Rawenni꞉io totkáwen, nó꞉ia né nènʼne enhateriwahnóten ne ó꞉ia ní꞉ioht owénna, tánon shé꞉kon thiʼhahiátathe enhanikonrahiéntathe tsi nahóten wahónronke. Ónenk tsi kwáh kanenrahkwékon enhiakoiénahwahse.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 5:17

Tóhsa tasewathonʼnókʼtat, nók satheniénten naseriwatʼtsénri nahóten tehonthohontió꞉ni ne Roiá꞉ner ahisahióten.

Ephesians 5:19

Nónen skátne ensewáton tesewariwakwánion, karennasónhas, orennathokéntis; tetsiʼsewariwáhkwas norennahʼthokentiʼokónhas ne Roiá꞉ner, kwáh seweriasaʼkwékon tsi sewathonʼnáhrak.

Ephesians 5:26

Ne aoríwa thóh nihoiéren nehne ahononsathokentísten ne Rawenni꞉io ne tsi nihiosatsʼténsera ne rahowénʼna, tánon kwáh ahóskon sarón꞉ni ne tsi onékanos wahanohárethe,

Colossians 1:28

Káti kwáh onkweʼtakwé꞉kon tsi iakhiiateriwahnotánis tsi nokwáh ne Kerístos. Nahiotónʼon ne kariwahkwarisióntsera nahiakironkáten ó꞉ni nahiakirihónnien nahiontón꞉on nahontahiakihiaténhawe rahohénton ne Rawenni꞉io nahatiriwahienterí꞉hake tsi tehonateriwahsóntere ne Kerístos.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

Colossians 4:6

Nensewahtá꞉ti tehiotonwentió꞉on ne tió꞉konte aionwesénhake ó꞉ni aiontaiakonikonratihéntʼto, tánon tesatonwentió꞉ni naisaterientá꞉rake tsi ní꞉ioht tsi tenseriwaserákwase.

1 Thessalonians 1:8

Asèken iáh nek khók tèken nateriwanotatsera tsi nòkwah ne Roiá꞉ner niakaiakenhne tsionhake oni tsik nonhweson ne Macedonia oni Achaia, ók ne oriwasheses tsi nòkwah ne sewethakwenhtshera rahonhà꞉ke ne Rawenniio eh nieʼiawénon tsik nonhwésons. Kwáh ki iáh othenen teskaien, noia, tahiotonhontiohonhke nahonsahiakwenhron.

1 Thessalonians 4:18

Ne káti, tesewahtatenikonranírat tsi natesewáhtereh kí꞉ken nakawennótens.

2 Thessalonians 3:15

Nók tóhsa ietsiʼieteweienʼnaksáten tsi síken ní꞉ioht ne taisewahtatʼtiónseke; khèkhok, ietsihiaronkáten tsi tisewetákwenh níse.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

2 Timothy 3:15

tánon iehiárak kwáh siseksáhak, sisateriéntare ne Orihwatokéntis, neh kakwénies tisáwis natʼthokát꞉tseras tsi nithewétha ne kahiatakenátsera ne tewetákwen rahonháke ne Kerístos Ié꞉sos.

Titus 3:6

Rawenni꞉io kwáh iókwas tsi tahothéniethe ne Ronikonratokénti nontionháke tsi nontáre rahonháke ne Ié꞉sos Kerístos Sonkwaiatákwas,

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Ne꞉ne Sák Rohiaton 3:17

Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken.

Ne꞉ne Sák Rohiaton 5:13

Ónhka kén tsi nítsion ne thènen tesewanikónrahre? Tehiothonwentióʼon nahisewatherénʼnaien. Ónhka kén tsi nítsion nahisewatʼtsennonníhake? Tehiothonwentióʼon ne tahisewariwaʼkwánion.

1 Sawátis 2:14

Iakwahiátonse kwaienokónha, ne tioríwa tsi ehtsisewaientéri ne Kanísera. Iakwahiátonse í꞉se ne kaníseras, tioríwa tsi ehtsisewaientéri tsi nikáien ne rónnhekwe tsi tiotásawe. Iakwahiátonse nithisewahiónsa, ne aoríwa ne tsi sewasátste; tionháke nón nihiónnhe ne Rawenni꞉io rahowénna, tánon ehtsisewasénnion ne Ranikonráksen.

1 Sawátis 2:24

Kwá kíʼ oriwí꞉io kénhak, sewatienawasthónhak ne sewerianésons noriwasónhas tsi nisewarónken tsi tiotásawe. Tóhka ensewateweiénton thíken oriwasónha, nekáti tiókonte tsi thesewateriwasóntereke ne Roiénha tánon ne Kanísera.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

2 Sawátis 1:2

asè꞉ken ne kariwakwarishóntsera i꞉ih iakwáhawe tanon ó꞉ni tsi nén꞉we eniakwaháwake.

Revelation 14:3

Tánon wahthatirihwàkwe orenhná꞉se ohén꞉ton tsi wanitskwaratseró꞉te tánon raotihénton ne kaié꞉ri nihá꞉ti ne ronhnonʼnheón꞉we ratironhiakeró꞉nons ó꞉ni raotihén꞉ton ne rotitstonhonkónha. Iáh ónhka thaónton nahieweientè꞉tane né꞉tho karén꞉na ne khók ne énska tewenhniá꞉we kaiéri-niwáhsen kaié꞉ri nateonenhiawehetseráhsen ronónha ne shonwahtiiatákwen ne tsi ionhontsá꞉te.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;