Colossians 3:15 - Ohiatonhseratokénti

¹⁵ Tsi nihtatʼkáwas ne skén꞉non ne Kerístos neh naisaié꞉nawahse tsi ahisáhawe tsi ní꞉ioht tsi tensiatoretánion; asè꞉ken ne kí꞉ken ne skén꞉non ne Rawenni꞉io tsi skát꞉ke ietsisewaná꞉ton enkat ieiotón꞉on noierón꞉ta. Tánon tesewahtenonweratónsek.

Colossians 3:15 ပူးပေါင်းရင်းမြစ်များ

Psalms 100:4

Tehshatenonhweráhthon tsi iensatawehiatánion ne tsi rothenhenrakaróntons; tesatenonweráton tsi iashatáhwehiat ne raotenhénrahkon. Tetʼtienonhweráhton tánon tsénhnaien.

Psalms 107:22

Tánon áhnion ne iehatítat tsi tenhontenonweráton tsi enkonhwateskónten katʼtsénen, tánon ne rontrórhiat ne raohiothénhseras né tsi thenhatiríhwaʼkwe natʼtsenhnoinhniátshera.

Psalms 116:17

Kwáh entkónhion ne kariwiʼiosehokónhas tsi tenhkonhnonweráton tánon ienkenáton ne raosénhna Roiá꞉ner,

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Isaiah 26:3

Tsi nihiákon ne rotiʼnikonrató꞉ken seiatienawast ne skénnon í꞉ken— né꞉ne skénnon tsioríhwa tsi tsesehtákwen.

Isaiah 27:5

Kes serí꞉hon naonkatsatanenhtát꞉ten ne nahontakene, kwáh kí skennon tionhni tsi nòkwah ní꞉ih, kwáh kí skennon tionhni tsi nòkwah ní꞉ih.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 57:19

Skénnonk, skénnonk, né nahinónsons nió꞉re ít꞉kens tánon naktatsiesónhas í꞉ken, ratónhnions ne Roiá꞉ner; tánon kí enshekhétienʼte.

Jonah 2:9

Nok tenkonrihwáhkwaʼse ne atonhnharáhtshera ne sonhá꞉ke. Ne entkónion enkatienʼkwarón꞉niaʼte tsi tenkonnonhwerá꞉ton tánon eʼtho nén꞉tiere tsi niwakahrharátston. Ne kaʼniakénhtshera Roiá꞉ner nón꞉we nitewé꞉tha!”

John 14:27

Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

John 16:33

Aseken iakenikȣekon ne Rakeniha.

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

1 Corinthians 10:17

Tsioríhwa tsi skanátarak khók, tewahkwékon, thóh sáh꞉ne kentiokowáhnen, kíʼ skaieróntak khók, kíʼ tewahkwékon tentewahiákon né꞉ne sahkanátara.

1 Corinthians 7:15

Nók kíʼ, tsi nikáien ne iáh tetiakawetákwen ionskáneks nahonsahonwahtewénteʼthe ne rohriwiʼióston thohnatenróʼon, thóh kíʼ niʼiáwenh. Ne thóh ní꞉ioht ne roriwiʼióston tenatenróʼon, tóhkaʼ kén rónkwe tóhkaʼ ó꞉ni tsiotonwísen akénhake, iatatewenní꞉io tsi naní꞉iere. Rawenni꞉io iehianáton né skénnon tsi aʼshónʼnheke.

2 Corinthians 4:15

Orihwakwé꞉kon í꞉se sewarihwà꞉ke tsi niiá꞉wenʼen, eh naontá꞉we sénha iakotiohkowá꞉nen aiakoterién꞉taraʼne tsi nithorihwaié꞉ri ne Rawenni꞉io, ne káti nahonwahsén꞉naien tánon ó꞉ni ahonwakweniénste.

2 Corinthians 9:11

Kwáh tsik nitiotierá꞉ton tsi ensaiá꞉nerahse, sók sénha ensatehsenní꞉iohse ne aonsahsheié꞉nawase. Thó꞉ne nonkweʼshón꞉a tenhonwanonhwerá꞉ton ne Rawenni꞉io tsi teniakhiiareniá꞉ten ne sakweniáhtshera.

Ephesians 4:16

Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Ephesians 4:4

Énskat khók noierónta ó꞉ni énskat khók nonikónra, kwáh nesáka énskat khók naskanéktsera ne tsi ní꞉ioht ne Rawenni꞉io tsi ietsisewanáton.

Ephesians 5:1

Tsi í꞉se neh kwáh Rawenni꞉io rahoksáta íken, ónenk tsi kwáh ensateniénten nahonsatiérenke.

Ephesians 5:20

Thoʼraosénnakon ne Roiá꞉ner Ié꞉sos Kerístos, kwáh tiotʼkonʼónwe tsík nahoténsons tsi tetsisewanonwerathónsek ne Rawenni꞉io tsi rahónha ne Kaníhsera.

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

1 Thessalonians 5:18

tesewahtenonweratónsek kwáhk tsík nahiorihoténhake. Thóh kíʼ natehotonwentsió꞉ni thóh náshiere ne Rawenni꞉io tsi nishón꞉ne ne tsi tetiaterihwahshón꞉tere ne Kerístos Ié꞉sos.

1 Timothy 2:1

Ne tiotierentákwen, nekáti, wák꞉re nètho kariwahnonthóntsheras, aterénnaient, tsi nathehionkwatonwentió꞉ni, ó꞉ni ne kanonwehratóntsera Rawenniʼióke ietewátat nonkwetaʼkwékon akoriwáhke;

1 Timothy 6:12

Iatesatátʼtsahak tsi skát꞉ke tsi nathesaréron ne tewetákwen, tánon ne teshaténtsa ne ionnheʼónwe atónnhets ne iateshiá꞉ti; Asèken ne kí꞉ken ne iónnhe nètho Rawenni꞉io iahianáthon nónen kwáh thóh kén꞉en sahserihwanírathe tsi tisetákwen tsi nihiakotsiokowánen iakotahónsathekwe.

Hebrews 13:15

Ánion tewahtátʼrek, káti, tiotkonʼhónwe ietewáhtat ne kanonwerahtóntshera rahonháke ne Rawenni꞉io né꞉ne onkwahtaʼtewenhniʼiótshera tsi nòkwah ne Ié꞉sos, né꞉ne iewatʼkáwenh tsi nitiawénon ne tsi ieshakáronthe tsi nihiákon ne iakoriwahniráhton tsi rahónha ne Roiá꞉ner.

Revelation 7:12

teotiriwákwen, “É꞉tho niiá꞉wen! Kaiatateríhtshera ó꞉ni kaiatanerakwáhtshera ó꞉ni kanikonró꞉wanatsera tánon kanonwaratónhtsera ó꞉ni kakwenienstensera tánon kakwenient ó꞉ni kaʼshatsténhsera raonhà꞉ke nonkwáh Ní꞉io tsi nienhén꞉we ó꞉ni tsi nén꞉we enkénhake! É꞉tho niiá꞉wen.”