Colossians 3:11 - Ohiatonhseratokénti

¹¹ Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Colossians 3:11 ပူးပေါင်းရင်းမြစ်များ

Psalms 117:2

Asèken tsi nikowáʼnen ne iorihwaʼtóken raonoronhkwáhsera nontionháke, tánon ne iakorihwaʼtóken rahonháke ne Roiá꞉ner tsi nénhwe enkénhake. Tehonwaʼnonweráton ne Roiá꞉ner!

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Ezekiel 47:22

Né꞉ne sawenkónhwe enhkénhake. Né thihononhontsátes né skátke sewanáhkere tánon ne rothiwirahientáhon kénʼen ronahnakeráhton ónenk nonhnéʼe tsi enhothihiatáheste nohóntsa nó꞉nen teshiá꞉kon. Kwáh thóh nenhonwanahtiérahse tsi sí꞉ken ní꞉ioht ne ahatihiathanánonhke Israerʼró꞉non í꞉ken tánon entʼthontihéntʼto nonhóntsas skátke ne Israerʼró꞉nons.

Hosea 2:23

Tánon kwáh í꞉i entsienthó꞉serons nohontsá꞉ke. Tánon kwáh enkithénren ne Lo-ruhamah, tánon kwáh enhiiénhase ne Lo-ammi, “í꞉se nakonkwè꞉ta í꞉ken”; tánon kwáh enhénron, “í꞉se nakení꞉io í꞉ken.”

Amos 9:12

ne nahónton nahatiié꞉na ne niatehonathaténhron ne Edom tánon nakahontsakwé꞉kon ne ienhiená꞉ton natsénhna, rá꞉ton ne Roiá꞉ner tsi raónha kí꞉ken thóh nihaié꞉ra.

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Zechariah 2:11

Ne thóh nenhkahá꞉wike iakotiohkowá꞉nen rahonhà꞉ke ne Roiá꞉ner niénhien tánon rahonkwè꞉tah enhiónton. Skátke entewenterontake, tánon ensehwaterienʼtá꞉rahne tsi raónha thakató꞉rion ne tionhá꞉ke.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 15:5

Ii ne kanenharakȣeniio, nok ise nʼonnhatasonha. Eso enhotonnien nenhiakenikȣekon, aseken nʼehren nonȣe iah othenon taeseȣateiaronhase.

John 17:23

Takȣakȣekon, nok nise ii tenikȣekon; aiaȣens enskatne tsi iahatiȣeiennentane, nok nonkȣeokon aieriȣaienterene tsi ise teskatorion, nok shenoronkȣa, tsiki nii niskenoronkȣaon.

Acts 15:17

Tánon akwékon ne thiʼhiakotiokwaténion nonkwesónhas akonháke nentʼthónne, rathikwékon ne iáh tehatiʼsitaeʼró꞉nons neh iekhenáton I꞉i akonkwéta enhónton.

Acts 28:2

Neh thóh rathinákere kwáh íken tsi wahonkhiʼiatheroserónnien. Thontásawen wahokénʼnore tánon wahkawísthote, sók kíʼ wahontʼtsenhónni ó꞉ni wationkiʼiaróton.

Acts 28:4

Ne thóh rathinákere wakonwáken nóniare iohiaténton ne Kór ratsianáke wathontaténhase, “Kí꞉ken rónkwe kwáh ónhte thó꞉ka tsi sohʼteriwatewáthon, nók Natesénna iáh tahoríʼon narónnheke, iawerohátsien tsi shoniakén꞉en ne kaniatarakekówane.”

Romans 1:14

Asèken kwáh tsi niatehionkwétakes tsi wakateriwaiénʼni, tsi nòkwati ne rothiʼianerenserí꞉ios ó꞉ni ne karakonróhnons, tsi nòkwati neh rathihiatonseraientéris tánon ne iáh tehonatheriéntare.

Romans 10:12

Kwáh tsik ónhka kíʼ iakóthons, Asèken kwáh iáh thènen thateontʼthíhen neh Sitaeró꞉nons tánon ne iáh tehotiriwiʼióstons; Rawenni꞉io kwáh ónhkwe takwékon tsi Sakoiánere ó꞉ni kwáh wahtsokowatserowánen sakohiataterísta tsi niháti ne ienhonwanáthon.

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

Romans 3:29

Káthon ken ne Rawenni꞉io nek khók ne Sitaeró꞉nons Rahotiní꞉io? Iáh kén raónha ó꞉ni tesakoní꞉io ne iáh tehatisitaeronons? Kwáh seh raónha ó꞉ni.

1 Corinthians 12:13

Kwáh ne sáka, tewahkwékon, tóhkaʼ Sitaeró꞉nons tóhkaʼ ó꞉ni iáh tehatiʼsitaeʼró꞉nons, tóhkaʼ ienáskwah tóhkaʼ ó꞉ni iontatewenhní꞉io, iontatenekwahéston eh skátʼke ne skaierónta né꞉ne sakanikónrat, tánon énskak khók nonikónra tionkihiáwi nahitewahnekíra.

1 Corinthians 14:11

Onk tóhkaʼ iáh tahonkateriéntarahke nahronkhátshera ne iakotaráhkwen, tsi niʼiákon né꞉ne iónstha kwáh thiʼhiakahontsiáte nahkerihwáhke tánon ní꞉i kwáh nònʼne thiʼwahkonhontsiáte tsi nòkwah ne ronónha.

1 Corinthians 7:19

Asèhken tóhkaʼ ahotewahrakwétaronke ne rónkwe tóhkaʼ ó꞉ni iáh, iáh nenʼné꞉e thènen teʼkéntons; nahóten kariwahkweʼní꞉io né꞉ne ahiontewénhnaraʼkwe ne Rawenni꞉io raotiawenráhtseras.

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 1:23

Nononsatokénti ne neh Kerístos raierónke íken, ne tsi iehoweienʼnentáʼon ne tsi rahonhatsíwa rohiotenseríson noriwakwékon kwáh tsikʼnonwéson.

Ephesians 2:14

Asèken raʼhonhatsíʼwa ne Kerístos shonkwahriwahsehronhniénhni ne skén꞉nen akénhake ne ne skentió꞉kwaht akenhá꞉ke tsi nahtehón꞉tereh ne Sitaeró꞉nons tánon ne iáh tehatisitaeʼró꞉nons. Kwáh rahónha roshontienénton ne teiaʼkokʼkhá꞉shionsʼkwe ó꞉ni ne ionnís꞉kwe ne tahontát꞉tson.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Ephesians 3:6

Ne kariwaséton nètho kariwíʼios, iokwénion thetsaron ne iáh thehathisitaerónons ó꞉ni ne Sitaeró꞉nons nahathiʼiéna ne Rawenni꞉io rahohiathateríhtsera; rahthikwékon neh sakaierónta nónwe nihathihiátare tánon satehonáwenk tsi nihorahráston ne Rawenni꞉io tsi tehahonkóton rahonháke ne Kerístos Ié꞉sos.

Ephesians 6:8

Sehʼiárat nétho Roiá꞉ner kwáh tsi tewaiatʼtátʼtion tensonkwariwaserákwaʼse, thokàken ahitewanáskwa ahkénhake tóhkaʼ ó꞉ni ahionkwatatewenʼniʼiohatiéseke, neh tsi nikahiotenserí꞉io ionkwahióthe.

Colossians 2:10

tánon tiesáwi nakanahnónhake tsi ahsónnheke tsi natetiateriwahsóntere. Raónha ne rahiatakwení꞉io ne kwáh tsík nahoʼténhsons ne ionhnheʼón꞉we ó꞉ni ne kaianerénsera.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

2 Sawátis 1:9

Nónhka ne iáh teiésere ne Kerístos rahorionhnienní꞉tsera, nok ienhiontóhetste, iáh tenikwé꞉kon ne Rawenni꞉io. Nok nónhka ahiontié꞉nawatste ne karihonnienní꞉tsera tenitiáron kih ne Kaʼní꞉sera ó꞉ni ne Roiénha enhatikwekónhake.