Colossians 3:1 - Ohiatonhseratokénti

¹ Tiesakétskwen tiesonnhéton skátke ne Kerístos, káti thóh nón nasewáhien ne sewé꞉ris ne karonhiakékha aoriwahsónha, tsi nón꞉we ne Kerístos tenskwáhereh ne raonitskwaratsheratokéntike né꞉ne saweientetákwen nokwá꞉ti ne Ní꞉io.

Colossians 3:1 ပူးပေါင်းရင်းမြစ်များ

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 16:11

Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Ecclesiastes 10:2

Kwáh nènʼne sahoiénhren ne ronhtenikonhratʼthó꞉kha né thóh nahatí꞉iere ne tkariwahiéri ók ne thonathónnokʼthe thóh né nenhatíhiere nahó꞉ten ne iáh tetkariwaiéri.

Matthew 22:44

Roianer raȣenni ne Rakianer tsi keȣeientetakon satien tsiniiore ienkheiarasitokeȣate ne iesasȣens.

Matthew 26:64

Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.

Matthew 6:20

Neh tanon seȣatateroroks Karonhiake tiostsokoȣatsera, nʼiah othenon tekontiierha notsinonȣasonha, iah oni ne ratinenskȣas.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

St. Mark 12:36

Aseken raȣen ne Taȣit Rotkon Roiatatokenti sahonikonrata: Roianer raȣenni nʼAkianer tsi keȣeientetakon satien tsiniiore iatakheniarorarake oni asheiarasitokeȣatake ne iesasȣens.

St. Mark 14:62

Tahenron ne Iesos: II; nok henstsken nonkȣe Roienha tsi raȣeientetakon ne Niio henhenstskȣarake, oni nonen otsikerakeson natenthaȣenonhatie.

St. Mark 16:19

Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

Luke 12:33

Seȣatenninon, tsini seȣaien, nok ietsitenrat; seȣatȣistonni nonȣa ne iah teȣakaions; Karonhiakekha astsokoȣastsera, tsinonȣe ne iah kenh tiiahatiiere ne sakonasetha, iah oni notsinonȣa takontitaksate.

Luke 20:42

Aseken akȣa raonha ne Taȣit raȣen raoiatonserakon teieriȣakȣatha: Roianer raȣenhni nʼAkianer; satien tsi keȣeientetakȣen.

Luke 22:69

Iatekakonte ki nonkȣe Roienha tsi ienshenstskȣarake tsi thaȣeientetakon oni raosastenserakon ne Niio.

Acts 2:34

Asèken iáh Táwit ne karonhiáke tsehawénon; okhèkenk wahénron, ‘Ne Roiá꞉ner wahoróri natiáner: Kénʼen shátien tsi keweientetákwen

Acts 7:55

Nók ne Stephen, kwáh rahiatanánon ne Ronikonratokénti, karonhiáke hiatatʼkáneren tánon wahatʼkátho ne Rawení꞉io rahohiatanerakwátsera ó꞉ni ne Ié꞉sos tsi raweientethákwen ne Rawení꞉io í꞉rahte.

Romans 8:34

Ónhka káti ónhte, ahiekwéni nahonwathiríwente? Kwáh iáh ónhka taiekwéni nahonwathiríwente, Kerístos Ié꞉sos rahónha neh rawenhéionʼne, tánon kíʼ áhre, tsi nikáien neh sonwakhétskwen tsi srónʼne tánon tsi raweientethákwen ne Rawenni꞉io ísrhes. Í꞉i onhkwariwáke tsi roniténthaʼse neh Rawenni꞉io rahohénton!

Romans 8:6

Tóhka nek khók ensanonthonʼniónseke tsi nitewaskáneks ne tiéronke neh ensaʼrhióte, nók kíʼ tòhka nek khók ensanonthonʼniónseke ne Rawenni꞉io rahoriwasónhas kwáh nen꞉ne oriwihioʼónwe ensónʼnheke tánon ensaiéntake ne skén꞉nen.

2 Corinthians 4:18

Tsi nahoʼténhshon ne taieká꞉nerake iáh nen꞉ne thaʼtekahwíhsatste, nok tsi nahoʼténhshon ne iáh tetewatkáhthos ionhnheʼón꞉we nen né꞉ʼe. Ne káti aorì꞉wa tho nón꞉we niionkwaʼnikonhranentá꞉kon tsi nahoʼténhshon ne iáh tetewatkáhtos.

Ephesians 4:10

Ne káti tsi nikáien ne thotsnénton kwáh kíʼ neh sahahiáta ne shotʼtaratháton, neh꞉ne éhneken tánon neh ihsehʼnhokwátis nakaronhiátis, neh ahkananókthon tsi nihotenésthon.

Ephesians 5:22

Ne tsiʼsewatʼthonwísens ne sewaniákʼkons, ietsiwenhnarakwak ne tesewénterons tsi ní꞉ioht tsi entsisewakwenhnarakwah ne Roiá꞉ner.

Colossians 2:20

Skátke senihé꞉ion ne Kerístos tánon áhre tsi satatewenhniió꞉on tsi nihiorihoʼténhsons tsi nokwáh ne tsi ionwentsá꞉te. Nontié꞉ren, káti, thóh ní꞉ioht tsi sonhnhétie tsi sí꞉ken ní꞉ioht ne tsi ionwentsá꞉te ní꞉se ahonkwè꞉ta? Nontié꞉ren tsi satewenhnaráhkwa ne nikaianerenhseró꞉ten

Colossians 3:2

Sewahtenikonraserón꞉ni ne thóh nón꞉we tioriwahsónhas, iáh ne tsi nahorihoʼténhsons ne kén꞉en onwentsiá꞉ke.

Hebrews 1:13

Ne Rawenni꞉io iáh nonwénton tsi niháti teshakoróri ne raoronhiakerónons: “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 10:12

Nók kíʼ, Kerístos, ieokháwenh énskak ne karonhiakénshera ne kariwáhneren ahorihwáhke, né shakówi ne nénhne tsi niénhwe enkátahke, tánon ethò꞉ne saweientethákwen nokwáti ne Rawenni꞉io wahátien.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Hebrews 8:1

Ne kwáh kaiatakweʼní꞉io tsi nahóten iakwáhton tsi nió꞉re tsi ionkwentsihenstowáhnen, tsi nikáien né saweientethákwen nonʼnitskwahrahtsherá꞉ti renskwáhere ne Rawenni꞉io Ronontí꞉io ne karonhiáke.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.