Colossians 2:8 - Ohiatonhseratokénti

⁸ Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

Colossians 2:8 ပူးပေါင်းရင်းမြစ်များ

Song of Songs 2:15

Ietiʼiéna thíʼken tsíthos, Óni ne kenihonhnáses tsístsos Ne tsi nihatihenténtos ne watenenharíseres, Asèken nonhkwanénhares ó꞉nen iotsitiónton.

Jeremiah 29:8

Í꞉i, ne Watiá꞉ner, ne kheʼNí꞉io ne Israerʼró꞉nons, kwahtokaténni ne tó꞉sa sehwahthóntat naʼietʼtsinikonhráhten ne rotitokénse ne skátne sewahnáhkere tó꞉ka ó꞉ni nakorénsons ne rotró꞉ris enhathikwéni ne iahathiriwáhken tsi niaʼhawenonhátie. Kwáh tó꞉sa thènen karíhwah tsiónni ne rahonatetʼtshénsehras.

Matthew 10:17

Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhontennhane oni aiotsisokȣaȣeson tsi ronterennaientakȣa.

Matthew 16:6

Nok ȣasakaȣenhase ne Iesos: neh ȣahi enskat seȣatatenikonrarak ne Sadusean raonathenkȣatha.

Matthew 7:15

Seȣatatenikonrarak kati, enhietsiiatorenne ne rotitokensetseraksens, teiotinakarontonha enhohnatiatontakȣenhatie, nese naoskon Okȣaho oni tsini hatinenskȣas.

Acts 17:18

Tóhka niháti ne Epicurean ó꞉ni ne Stoic sakothirihonniénnis ronónha ó꞉ni watathiriwatirónten. Tóhkarah niháti wahatiriwanónton, “Ki꞉ken tekásʼtsias rotheriéntare kén tsi nahóten ráhton?” Ótsiake wahtatiriwaseráko, “Thóh ní꞉ioht tsi wéh꞉ne knakariwiʼiosthontseróten rotaráhkwen.” Neh aoríhwa neh wahonníron neh tsi Kór roteriwanóten tsi nòkwa ne Ié꞉sos tánon tsi sotʼkhétskwen.

Acts 17:32

Sahonatʼthóntene ne Kór rotharákwen tsi tentsiontʼkétsko ne kenheiát꞉ne, ótsiake tahonwaiéron, nók ótsiake wahéron, “Séhkon tehionkwatonwentióni neh ahonsasthárakwe.”

Romans 16:17

Wakwaretiáron, tewatenrosónhas; ietsinikonráʼrak tsi niháti ne tehatinenratkhásons ó꞉ni sakotinikonraksáta nonkwesónhas

1 Corinthians 10:12

Tóhka ísehre ioníron tsi isèhthe kwáh ioianeréhak tsi shatatennikónrahre ne tóhsa ahshatiénenʼne.

1 Corinthians 8:9

Sahtatennikonráhren, káti, tóhsa sehríhon ne shatatewennihiótshera tsi nishatiérah nahiakahónnien ne káhron nihatishástsʼte tsi nithohnetákwen niaʼhatiriwáhnerahke.

2 Corinthians 10:5

Ne nen né꞉ʼe shá꞉ka kenʼ norihwakwé꞉kon ne kanaiéhtshera tsi aʼé꞉ren akahawí꞉ton tóhsa ne akarihón꞉ni ne iáh thahonwaientéhrhaʼne ne Rawenni꞉io. Ieiakhiʼnikonhrénhas nonkweʼshón꞉ʼa nahonwawennaráhkwe ne Kerístos.

Galatians 1:14

Í꞉i sénha wakeriwi ʼióstonne tsi nókwa ne Sitaeró꞉non kariwiʼiosthóntsera tsi ní꞉ioht ne ronátiakes ne Sitaeró꞉non ne saʼtetionkwáhionskwe, tánon kwáh wakakwísron tsi wakatheniénten nákʼsere noriwakaionnéha akeriwiʼiosthóntsera.

Galatians 4:3

Tánon thóh nihionkwanakʼthótenne nohénton sáhrawe ne Kerístos. Tewanáskwaʼkwe tsi nòkwa nahotokʼkhátseras ne tsi ionwentsiáte ó꞉ni naosatsʼténseras neh nohénton sahonkwanikonraiéntane náhoten nènne ne kariwakwarishióntsera.

Galatians 4:9

Nók kíʼ tsi ónen tsi sewaientéri ne Ní꞉io—tóhkaʼ ó꞉ni tehiotonwentióʼon nakíron, ónen ne Rawenni꞉io tsi sewaientéri—onhnihiotiéren tsi ísewerhe thóh niahonséhsewe néhtho iáh thènen tehotisatsʼtenseráien tánon iotathiténrat tsi kwáh iáh thènen sathekéna tsi nihatihiathótens.

Galatians 5:15

Nók tóhka thóh nensheweiennoténhake tsi ní꞉ioht ne kárhio, tesewatatkarewátha ó꞉ni tesewatatkenrenserónnis tsi natesewátere, káti sewatatenikonrárak, nontiérek kwáh sewakwékon ensewawéntho.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 4:20

Kwáh iáh thènen thoʼtèhiot tsi sewariwaientheráʼon ne Kerístos rahonháke!

Ephesians 5:6

Tóhsa ónka seríhon naiesanikonráten nehne áhonste ne tehiotenonwaroríthonte owenʼnasónhas; Asèken neh nikawenʼnoténsons neh enhothíraʼne ne Rawenni꞉io rahonahkwátsera tsi niháti ne iáh tehonwahwenʼnarákwa.

Deuteronomy 6:12

orihwí꞉io tsónhni tsi iáh thatsisewahiaʼtanikónhren ne Roiá꞉ner tsi raónha setsisewaniaʼkénhton ne Egypt nón꞉we, tsi thóh nón꞉we ietsinaskónhniskwe.

Philippians 3:2

Ietsihiathenʼnikonráren thíken tsi niháti ne ehnihathiweiennótens tsi ní꞉ioht ne érhar! Kwá rathiweienʼnákʼsen tánon kwá íshiʼnon tsi nihónnere tsi nahathiʼieránion iáh tokàken nek khók ne aiehtsiwarakwétaron.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Colossians 2:20

Skátke senihé꞉ion ne Kerístos tánon áhre tsi satatewenhniió꞉on tsi nihiorihoʼténhsons tsi nokwáh ne tsi ionwentsá꞉te. Nontié꞉ren, káti, thóh ní꞉ioht tsi sonhnhétie tsi sí꞉ken ní꞉ioht ne tsi ionwentsá꞉te ní꞉se ahonkwè꞉ta? Nontié꞉ren tsi satewenhnaráhkwa ne nikaianerenhseró꞉ten

Colossians 2:22

Oriwahkwé꞉kon kí꞉ken iáh thé꞉nen teskás꞉tas nó꞉nen wastáhson; kwáh ónkwe khók akoianerénhseras ó꞉ni akorihonnienní꞉tseras.

Colossians 2:23

Nok ki né꞉tho kaianerénhseras thóh ní꞉ioht tsi karatáston né꞉ne kariwahkwarisiontserá꞉kon nahiontatónnien nahonwahtishén꞉naien ne ratironhiakeró꞉nons, tánon ne rotinó꞉wens nahontahotiriwahié꞉rike, tánon konwahroniakéntha noierónta; nok kwáh iáh thé꞉nen sateké꞉na tè꞉ken nahotiién꞉take nahontahatiniarotároke ne tsi iakónhnhe ne kanoronkwahtserá꞉kon.

1 Timothy 6:20

Timothy, senónstat tsi nahóten iesathakweniaiénni. Satiatatískwak ne kariwaiesátsera tsi nahiontáti ó꞉ni ne tehiotenonwaroríhtonte takariwakénen tsi nahóten ne iáh tetkaiéri nótsakes nónkwe ienáthonkwe “Atʼthokhátsera.”

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

Hebrews 13:9

Tóh꞉sa satʼthóntat ne tsík naorihoténsons naisatʼtaharáhkwahte ne tkarihwahiérike. Kwáh íken tsi iohiánere nakonwahshahtsʼténseron nawéri thóh nón nahontáwe ne Rawenni꞉io raoténrat, tánon iáh né tahiontewénhnaraʼkwe tsi nihioianerenserótens ne kátkhwas; tsi nihiákon né꞉ne iakotehwenhnarákwen iáh thènen tehiakohiatakenáʼon.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.

1 Tiér 1:18

Asèken sateriéntare tsi nahóten kahkariák꞉ton tsi tsiʼsatatewenniʼió꞉on tsi ní꞉iáh thènen tekásthakwe tsi niʼiotónne tsi iakónnhekwe ne tsi nitiesáwi ne sehsotʼtonhonkonkén꞉en. Iáh neh tèken nahónton akariwathónton, kwáh neh satetionátʼthe ne kawistaráken tánon ne owistanóron;

2 Tiér 3:17

Nók níse, tewatenrosónhas, ónenk sewateriéntare kí꞉ken. Sewatatenikonrárat, nekáti, netósa rohnónha aietʼtsihiasárine tsi natehonterientawéries ne iáh thènen karíhwa tèken tsi nókwah ne kaianerénsera tánon ahontesewahiáthen꞉ne tsi nónwe nisewahtienawáston.

2 Sawátis 1:8

Tasathate꞉ne, káti, ne tóhsa aihsathónse tsi ní꞉kon ionkwaiotén꞉en, nok kwáh enkanánon tensateriwaserákwase.