Colossians 2:4 - Ohiatonhseratokénti

⁴ Wahkonró꞉ri, káti, thósa ónhka sherí꞉hon naiesanikonráten ne onó꞉wen tahkariwakenáston, iáh tewasterístha tóh naontaiohianérehke.

Colossians 2:4 ပူးပေါင်းရင်းမြစ်များ

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Matthew 24:4

Tontaȣakoȣennaȣeron ne Iesos, ȣahenron: Seȣatatenikonrarak tosa onka aiotsinikonrakarhatho,

St. Mark 13:22

Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion natahatiierekenha asakotinikonrakarhatto ne iakohianere.

Acts 20:30

Ienwatenniseríhewe ótsiakes ne ronnónkwes ne kwáh í꞉se sewentiókwakon enhonnowentánion nehne iasakothihiaténhawe nahonwanatsiatáraʼse.

1 Corinthians 2:4

tánon nakerihonniennítshera ó꞉ni nakateriwahnothátshera iáh tsekanikonrahientáhon né tkawenhnaiéris ahónstonke né꞉ne ónkwe akotʼthoʼkhátshera íken, nók ne tionikonrahtihéntot kariwahnírats ne raoshatsʼténsera ne Rawenni꞉io Raonikonratokénti.

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

Galatians 2:4

iawerohátsien tsi ótsiake éhtho ní꞉ioht tsi tehonathonwentió꞉nine. Akénhake thoʼnetákwen, kí꞉ken ronnónkwe wahonkhihiatsiathóʼroksʼse tsi kwáh nek khók nahonteriwathóʼrathe, nehne ahathiriwatʼtsénri tsi nòkwa naʼtatewennihiótsera tsi natehionkwateriwashóntere rahonháke ne Kerístos Ié꞉sos. Neh tehonathonwentió꞉nine nahionkhinaskónnike,

Ephesians 4:14

Etʼthó꞉ne ónen iáh ieksáha tahonsahionkwatenathónkwen, neh ahionkwahiatenhawíson tsi ionontakwaronthónties tánon tsi níkon neh tahonsakawerakarathéni sók áreh ne iahionkwaiaténhawe neh tsi niʼietʼthirihonniénnis ne rathinikonrátha, tsi wasakothihéntense nakorénsons neh netahonterientawenrhéstakwe tsi nahoténsons rothisahánion

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Ephesians 5:6

Tóhsa ónka seríhon naiesanikonráten nehne áhonste ne tehiotenonwaroríthonte owenʼnasónhas; Asèken neh nikawenʼnoténsons neh enhothíraʼne ne Rawenni꞉io rahonahkwátsera tsi niháti ne iáh tehonwahwenʼnarákwa.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Colossians 2:8

Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

2 Timothy 2:16

Satiatatískwat ne kariwaiesátshera ó꞉ni ne tehiotenonwahroríthonʼthe tsi ní꞉ioht tsi rontátis, kwáh nèn꞉ne nek khók sénha ahéren iakoiatenhawítha tsi nókwa ne Rawenní꞉ioke.

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

1 Sawátis 2:18

Kwáʼienokonha, ákta íwes ne tsi ieiótokʼte! Ietʼtsiróri ne rósons ne Kerístos éntʼtre; tánon ónenk ronatiokowánen ne ronwásons ne Kerístos ronatotáshon, neh káti aoríwa ionkwateriéntare ne tsi ieʼiótokʼte ákta íwes.

1 Sawátis 2:26

Í꞉se kíʼ iakwahiátonse neh tioríwa tsi niháti ronhtheniéntha naietʼtsinikonráten.

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

2 Sawátis 1:7

Ronatiohkowá꞉nen ne rathinikonrátha tehonarénion tsi ionwentsiáte, ónka ne iontonhniha ne Ié꞉sos Kerístos thóh niʼioht tsi tawé꞉non tsi ní꞉ioht nónkwe. Ne nihionkwethóten kwáh ienikonrátha tánon ronwatkónte ne Kerístos.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 20:3

tánon thóh iahohiatónhti tsi iosonwaká꞉ronhte, tánon wahasonwanhó꞉ton tánon kwáh í꞉ken tsi wahariwanirá꞉te tsi nahonhoton, ne káti ne tó꞉sa shé꞉kon ahonshasakonikonráten ne ronnonhontsakeró꞉nons, tsi nió꞉re ienwatokʼten ne enkáka tewenhniawehetseráhsen niioserá꞉ke. Eʼthó꞉ne ón꞉nen enshonwakʼkawe kenh nikariwésa.

Revelation 20:8

tánon tentaiá꞉kenhne ne nasakonikonrá꞉ten ne ronnonhontsakeró꞉nons thóh tsi tekaiosaké꞉rons ne kaié꞉ri tsi ionwenhtsá꞉te, ne Gog tánon ne Magog, ne nahón꞉ton nahonhnitsiokwahró꞉roke nahonterí꞉io; thóh nihonatióhkwas tsi ní꞉iot nonesarónhkwas ne kaniatarakeʼkowáhne.