Colossians 2:3 - Ohiatonhseratokénti

³ Raónha ne kanontónkwa í꞉ken ne kanontétshons akwé꞉kon ne wahshetánions atsiokowáhtsheras ne kariwakwarishióntshera ó꞉ni ne aʼthokhátshera.

Colossians 2:3 ပူးပေါင်းရင်းမြစ်များ

1 Kings 3:28

Nó꞉nen nonhkweshón꞉as Nisraerʼró꞉nonke saherihwáronhke tsi natehohiatoréton ne Solomon, kwáh ratikwékon wahatiʼhiathánaʼne tsi nahonwakwéniensʼthe, tsioríhwa ronateriénhtare tsi Rawenni꞉io thó꞉wi ne atenikonhratʼthokhátsera naharihwakwahtáko nahioianeréhake nahó꞉ten ne tekanikónhrare.

Job Tánon ne Raoronhiakensera 28:21

Kwáh washetánion ne ratikhá꞉rakes ne ronhnonhnénions, iekaní꞉hare konwanasehtén꞉ni notsiʼtenhokón꞉as ne kontí꞉tses tsi karonhiá꞉te.

Proverbs 2:4

Wé꞉so tsi sé꞉sak tsi shí꞉ken ní꞉ioht tókaʼ kahwistarà꞉ken tókaʼ ni ahsetshén꞉ri ne wahsehtánion atshoʼkowáhtshera.

Isaiah 11:2

Ne raonikonratokentítshera ne Roiá꞉ner kwáh enwatorihsénhtaʼne rahonháke, noʼnikónra ne atʼthokhátshera ó꞉ni ne kanikonraienthátshera, nonikónra ne katsenhaientátshera ó꞉ni nontiérent, nahonikónra náttokhátshera tánon nahonwatshaʼnísehke ne Roiá꞉ner.

Isaiah 40:14

Ónhka sakotenikonríhsakon ne tahonwarihwathé꞉ten, tánon nahonwarihónhnien ne tsi ioháte ne kaiáneren? Ónhka ronhwarihonhniénhni natʼtokhátshera, tánon ronwanatónhni tsi nihiohahó꞉ten ne kanikonhraientátshera?

Matthew 10:26

Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.

Luke 11:49

Nese ahoriȣa ȣaton ne Niio raottokhatsera: ienkheiatennietase Rotitokense; nok entesakonaȣentho, ensakotisereson oni.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

1 Corinthians 1:24

ónk tsi niháti ne Rawenni꞉io ieshahkonáton, tetsáron ne Sitaeró꞉nons ó꞉ni ne iáh tehatiʼsitaeʼró꞉nons, kí꞉ken ateriwahnotátshera Kerístos seh shahʼkwahteriwahnótani, rahónha ne Rawenni꞉io raoshatsʼténsera ó꞉ni ne raototʼkhátshera ne Rawenni꞉io.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Ephesians 1:8

Neh tsi nithesonkwáʼwi ne wéso iohthónʼon. Akwékon ne Rawení꞉io Rahothotʼkhátseras ó꞉ni tsi nihokenhenhiónʼon

Colossians 1:19

Asè꞉ken kwak khók Rawenni꞉io iatehoriwahiéntase né꞉tho roiénha rahonháke non niká꞉ien kwáh tsi niʼorihó꞉ten ne Rawenni꞉io.

Colossians 1:28

Káti kwáh onkweʼtakwé꞉kon tsi iakhiiateriwahnotánis tsi nokwáh ne Kerístos. Nahiotónʼon ne kariwahkwarisióntsera nahiakironkáten ó꞉ni nahiakirihónnien nahiontón꞉on nahontahiakihiaténhawe rahohénton ne Rawenni꞉io nahatiriwahienterí꞉hake tsi tehonateriwahsóntere ne Kerístos.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

Colossians 3:3

Asè꞉ken senhé꞉ion, tánon ne satónhnhets wahshéton rahonháke ne Kerístos ne rahohén꞉ton ne Ní꞉io.

2 Tiér 1:5

Asèken neh kíʼ ne kwá akarihónni iatesewatatʼtiahat iasewáieste ne ioiánere tsi nitisewetákwen; tsi nókwa ne sewaianeréhʼtsera iasewáieste natʼtokhátsera;

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.