Colossians 2:20 - Ohiatonhseratokénti

²⁰ Skátke senihé꞉ion ne Kerístos tánon áhre tsi satatewenhniió꞉on tsi nihiorihoʼténhsons tsi nokwáh ne tsi ionwentsá꞉te. Nontié꞉ren, káti, thóh ní꞉ioht tsi sonhnhétie tsi sí꞉ken ní꞉ioht ne tsi ionwentsá꞉te ní꞉se ahonkwè꞉ta? Nontié꞉ren tsi satewenhnaráhkwa ne nikaianerenhseró꞉ten

Colossians 2:20 ပူးပေါင်းရင်းမြစ်များ

John 15:19

Ne netho naeseȣaȣeiennoten tsiniiot nonkȣesonha oriȣiio tsi aietsinoronkȣe, nok tsi iah eh teiot, ok eken tanon kȣaiatotarhon nonkȣene, neh ȣaonni iestsisȣens nonkȣeokon.

2 Corinthians 10:3

Tsi kenʼ nón꞉we nitewanákere ne kén꞉tho ionhontsá꞉te, nok iáh kiʼ né꞉ʼe shetiónhnha ne ronnonhontsaʼkehró꞉non.

Galatians 4:3

Tánon thóh nihionkwanakʼthótenne nohénton sáhrawe ne Kerístos. Tewanáskwaʼkwe tsi nòkwa nahotokʼkhátseras ne tsi ionwentsiáte ó꞉ni naosatsʼténseras neh nohénton sahonkwanikonraiéntane náhoten nènne ne kariwakwarishióntsera.

Galatians 6:14

Káti ní꞉i, tsi naiotónhake, nek khók tenkerénsaron ne Sonkwaiáner Ié꞉sos Kerístos raohiása; tsi nikéntons ne raohiása ne tsi ionwentsiáte iawenhéion nakeriwáke, tánon ní꞉i kwáh thóh ní꞉ioht tsi ní꞉ioht nahonkihéion ne tsi ionwentsiáte.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Colossians 2:14

saharáh꞉kewe tsi nihionkwasennatʼsáthakwe ne hionkwatʼkarotákwe tsi nihkanerenstónhne ne kaianerénhseras tánon kwáh aʼhé꞉ren wahahá꞉wite tsi niahanonwahró꞉ten ne kaiásake.

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.

Colossians 2:21

“Tóhsa sasté꞉rist kí꞉ken,” “Tóhsa satekonhonserátkens né꞉tho,” “Tóhsa ken niahátier nohiáson”?

Colossians 2:8

Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

Colossians 3:3

Asè꞉ken senhé꞉ion, tánon ne satónhnhets wahshéton rahonháke ne Kerístos ne rahohén꞉ton ne Ní꞉io.

Hebrews 13:9

Tóh꞉sa satʼthóntat ne tsík naorihoténsons naisatʼtaharáhkwahte ne tkarihwahiérike. Kwáh íken tsi iohiánere nakonwahshahtsʼténseron nawéri thóh nón nahontáwe ne Rawenni꞉io raoténrat, tánon iáh né tahiontewénhnaraʼkwe tsi nihioianerenserótens ne kátkhwas; tsi nihiákon né꞉ne iakotehwenhnarákwen iáh thènen tehiakohiatakenáʼon.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.

1 Sawátis 5:19

Ionkwateriéntare tsi Rawenni꞉io ní꞉i rahonkwetasónha iawerohátsien nonhontsiakwékon tsi neh rasáriʼne ne ranikonrakʼsen.