Colossians 2:19 - Ohiatonhseratokénti

¹⁹ tánon ronatʼkáwen tsi Kerístos ronwahniahésen, tsi raónha nonóntsi iéken noierónta. Tsi Kerístos toniarohtáron noierontakwé꞉kon ne nahókwah ó꞉ni tehionatatsenawákon tsi tehiostonteron꞉nion ó꞉ni notsinonhiatonsónhas, tánon wahtehiárons tsi natehotonwentióni ne Rawenni꞉io nahontehiá꞉ron.

Colossians 2:19 ပူးပေါင်းရင်းမြစ်များ

Luke 5:38

Ok eken tanon nonȣa nonekase katsetasetsike ki enkarake; nok eh nenteȣe tetsiaron enkeniniakenne.

John 17:21

Aiaȣens tiotkon skariȣat ahononnihake, tsi ki niiot, nise Rakeni, iihne nise, nok nii iseke; aiaȣens kati oni ne rohnonha enskat akenhake nʼiihne nok nʼonkȣeokon aontaiaketakȣe tsi ise teskatorion.

Acts 4:32

Ne kentiókwa ne thonetákwen skanikónrat iéken ó꞉ni seweriásak íken. Iáh ónka tehiáwen tsi nihotiʼiéntakwe kwáh hiatehatihiáti rahonáwenk, nók akwékon wahʼthatihiákons tsi nihotiʼiéntakwe.

Romans 11:17

Ne karontaienthóserons ne ioteiéna káhik iotenhatoskárons, tánon neh karakónha ne ioteiéna karónta neh iaʼtekaiéston. Níse ne iáh tesewariwiʼióstons ne tesisehwatiérens neh karakónha ioteiéna karónta, tánon nónwa ónen neh sewatsthonhátse ne kasátsʼte tsi nihotirihóten ne Sitaeró꞉nons rahotiriwiʼiosthóntsera.

1 Corinthians 1:10

Raoshahtstenserákon ne Sonkwahiáner Ié꞉sos Kerístos wahkwahretiáron, tewatenroshónʼa, nahkariwahnonwéʼon tsi naotenshóns sewahtónnions, né꞉ne tóhsa thènen taisewahnenratʼkháshion. Kwáh ieiokontakwénhak tsi skakaríwah kénhak, kwáh sheʼwahnontonnióntshera khók kénhak tánon tioríhwahkhok akénhake.

1 Corinthians 11:3

Ónk tewahkathonwenhtióni nahisanikonraiéntaʼne nètho Kerístos tsi kwáh tseshakowenní꞉io ne rohnónkwe, ne rohniákon tseshakowenhní꞉io ne róne, tánon ne Rawenni꞉io tsehohiatakweʼní꞉io ne Kerístos.

1 Corinthians 3:6

Í꞉i wahkenenhóntion, Apollos shahkonekanónten ne kaientʼtóhtshera, ónk Rawenni꞉io wahrónnien nahontakánio.

Ephesians 1:22

Ne Rawení꞉io Kerístos rashihʼthókon nón nihokéron noriwakwékon ó꞉ni thówi nononsatokénti ne rahónha ne Roiánere ahkénhake noriwakwékons.

Ephesians 1:23

Nononsatokénti ne neh Kerístos raierónke íken, ne tsi iehoweienʼnentáʼon ne tsi rahonhatsíwa rohiotenseríson noriwakwékon kwáh tsikʼnonwéson.

Ephesians 2:21

Rahonháke ne kanonhsakwé꞉kon tsi tehionahthatienahwahkhón꞉nion tánon watehiá꞉rons nahionnonhsatokentíʼke né nahonwahthonnahérahse ne Roiá꞉ner.

Ephesians 4:3

Iatesewatátʼtsahat sewanónstat tsi sakaríwa íken neh tsi nithetsisewáwis ne Rawenni꞉io tsi nikéntons ne skénnen tsi nisewawenónni.

Ephesians 5:29

Kwáh iáh nonwénton tsiʼnhítion thetewásons ne tewahiéronke. Khék, tewanóntens, tánon thetewásnie, kwáh tsi ní꞉ioht ne Kerístos tsi naʼtehariwásniense nononsatokénti;

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:18

Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

1 Thessalonians 3:12

Aiáwens ne Roiá꞉ner narónni ne kanoronkwáhtshera tsi natesewáhtere ó꞉ni nonkwetakwékon nahonteiáron sénha wéso ó꞉ni thóh nakowahnénhake tsi ní꞉i nikwahnorónkwah.

1 Thessalonians 4:10

Tánon sewáh꞉ien, kwáh seh, thóhniʼiehʼtsihiatsieráse rahtikwéh꞉kon ne thonetákwen atenatakwékon ne Macedonia. Káti kwahnekénʼnis, tewahtenroʼshón꞉ʼa, kwáh séhkon ísiʼnon tsi naisewáhiare.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

1 Tiér 3:8

Ne iakákwekʼthe: ónenk tsi sewakwékon setiónnha akénhake ó꞉ni sataisewatʼthokát꞉tseke; tesewatatenorónkwak, tánon tasewariwaiérik ó꞉ni tesewatatkweniénstak.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.