Colossians 2:18 - Ohiatonhseratokénti

¹⁸ Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Colossians 2:18 ပူးပေါင်းရင်းမြစ်များ

Genesis 3:13

Eʼthó꞉ne ne Roiá꞉ner Rawenni꞉io wahrénhahse ne tsothonwí꞉sen, “Nontié꞉ren kí꞉ken tsi tho náhshiere?” Ne tsothonwí꞉sen waʼkén꞉ron, “Thí ó꞉niare waʼtewakeʼnikonhrakén꞉ni tsi waʼká꞉iake.”

Job Tánon ne Raoronhiakensera 38:2

“Ónhka neh kí꞉ken tethakarástha norihwaʼshón꞉as ne nowenhnaʼshón꞉as ne iáh othé꞉non tehiothokhatsherá꞉ien?

Isaiah 57:9

Wateshatháʼhakwe Molech niaʼháse sehienenhá꞉wi, tánon íʼshikʼnónwe tsi níkon ne satsiaʼtakonhonsthsakwah; iasheʼiaténiete ne ieʼsarihwakareʼniénhnis ahiʼnónhson nió꞉re, tánon iasheʼiaténiete iekaníhaʼre ne oné꞉shon (Sheol)

Ezekiel 13:3

Kén nahó꞉ten ne Rononhtí꞉io Roiá꞉ner ráton: “Kí꞉ken thoʼnathónnhokte rotitó꞉kenhse kwáh enhonwathiréwahthe! Ronhnónhhak khók thontatháwis ne kanikonhrahnirákʼtshera tánon thihatirihónhnis ne rahonahtetʼtsénhsehras.

Daniel 11:38

Ne aonaktá꞉ke, ne enhokwénienhste ne thikaniiohtsherá꞉te ne thánnhehs ne notsténra tekanatannhákton. Ohwistanó꞉ron, kahwistarà꞉ken, niaʼtekahwistanoronʼtsherá꞉ke, tánon oiá꞉shon nihiohtánion ne kakweniáhtshera enhótatshe ne thikaniiohtsherá꞉te í꞉ken né ne shakohsothokonkénhen iáh nonwén꞉ton tetkonwahsénnaien.

Numbers 25:18

né aoríhwa tsi niʼiesaiérase nó꞉nen shahesanikonhráten ne Peor nónhwe, tánon né ó꞉ni aoríhwa ne Cozbi, tsi konhwanonhwariákon shiʼkanhrataríhnes ne Peor nónhwe.”

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Romans 1:25

Ne tehontathawísta ne Rawenni꞉io rahoriwakwarishióntsera ne ohnhówen; neh konwasénʼnaiens tsi nahoténsons ne Rawenni꞉io rohsahánion tsi ní꞉ioht neh raónha ahonwasenʼnaien tsi nikáien neh kwáh raónha rohsahánions, neh꞉ne raónha ahonwasénʼnaien tsi nénwe! Éhʼtho naiewen꞉ne.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

1 Corinthians 13:4

Kanoronkwátshera tekawhishástses ó꞉ni tioriwaiéri; iáh tehiotekéfʼfen iáh ó꞉ni thatewathaterénhsharons iáh ó꞉ni tekanáie.

1 Corinthians 3:3

tsoríwah tsi shé꞉kon thóh ní꞉ioht tsi tiónnhe tsi nihonónnhe né kén꞉en rononhontsiaʼkerónon. Nónen tesewahtatenósha tánon tesewahriwahkéna tsi naʼtesewáhtere, iáh ken né tekahriwahnírats tsi ne seh ne kén꞉en ionwenhtsiáte nónwe nisewahnikonranentákon, né tionnhékwen tsi nikaweiennótens?

1 Corinthians 4:18

Ótiakes wesewerientí꞉io tioríwah tsi wesewéh꞉re tsi iáh tiahonshahkwahnatarénase.

1 Corinthians 4:6

Í꞉se sewahriwáhke, tewatenroshónʼa, ne kíʼ wahkátsʼton tsi nòkwah ne Apollos tánon ní꞉i, tehiakenihiáse wáhkatsthe tsi tontahkatenahkérasthe, ne nahónton nahseweientéthahne naotenkéntons tsi niwáhton, “Tkariwahiérik tsi shahtennikonráhren noriwahshónʼa.” Tóhsa ónhka tsi nítion ne saiáta tahtsishewahrénsaron nók atsishewahkénron ne saiáta.

1 Corinthians 8:1

Nónwa, takeriwahseráko tsi nahóten sewahiáton tsi nòkwa ne kákhwa ne ronwahtinóntens ne kahiatónʼnis. Tóh꞉kenske, kíʼ-ó꞉ni, nètho “tewahkwékon ionkwáien natʼthokhátshera,” tsi nihónton. Nètho atʼthokhátshera, ne káti, iakoweráhtahas nónkwe nahiontatonní꞉ne; ónk kanoronkwáhtshera ne iakokétskwas.

1 Corinthians 9:24

Oriwiʼiohónwe tsi sewahteriéntare rohnatiokowáhnen ne tehonráhtats rontsiátara tsi tenhonréhron, ónk saiátak khók enroharáhko ne kakahrhiatsheróhare. Teshahráhtat, káti, thóh niʼiohtónhak né꞉ne ahshoharáhko ne kakahrhiatʼtsheróhare.

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

2 Corinthians 12:20

Thiwákterons nó꞉nen téntke tóka iáh shaʼonkwaʼnikòn꞉ra thakénhake. Thiwakteronʼón꞉we sewatiaʼkéhshon tensewarihwatirón꞉take, tensewatateʼnósha, tóka ó꞉ni tensewatatenahkhwá꞉se, tóka ó꞉ni ensewatehtshén꞉hake, tóka ó꞉ni taisewatatenowenhtaniónhahse, tóka ó꞉ni aisewatshokentonníhake tánon taisewatateʼnikonhrakaré꞉wahte. Kwáh ó꞉ni thiwákterons nontié꞉renk aisewanaiéhake sók eh naitsonhnhoténhake tsi ní꞉ioht ne tehatinenhrahrí꞉tha.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Ephesians 5:6

Tóhsa ónka seríhon naiesanikonráten nehne áhonste ne tehiotenonwaroríthonte owenʼnasónhas; Asèken neh nikawenʼnoténsons neh enhothíraʼne ne Rawenni꞉io rahonahkwátsera tsi niháti ne iáh tehonwahwenʼnarákwa.

Deuteronomy 29:29

“Tokára nikarihoʼténhsons ne Roiá꞉ner onhkwaNí꞉io roriwaséhtons; ók ki rorihotháshions ne rahohianerénhseras, tánon onhtsionhá꞉ʼa ó꞉ni tsi wetewawatsiratátie tsi entewatewénhnaraʼkwe né꞉ne tsi nén꞉we.

Philippians 3:14

Katháke tsi nónwe iatewakóien, nekáti nakʼkwéni takathéntsia natiokowátsera tsi niʼhionkeríhonthe ne karonhiáke. Nekíʼ ne tekariwaserákwen ne Rawenni꞉io sakówis neh tsi nihoiéren ne Kerístos Ié꞉sos.

Colossians 2:23

Nok ki né꞉tho kaianerénhseras thóh ní꞉ioht tsi karatáston né꞉ne kariwahkwarisiontserá꞉kon nahiontatónnien nahonwahtishén꞉naien ne ratironhiakeró꞉nons, tánon ne rotinó꞉wens nahontahotiriwahié꞉rike, tánon konwahroniakéntha noierónta; nok kwáh iáh thé꞉nen sateké꞉na tè꞉ken nahotiién꞉take nahontahatiniarotároke ne tsi iakónhnhe ne kanoronkwahtserá꞉kon.

Colossians 2:4

Wahkonró꞉ri, káti, thósa ónhka sherí꞉hon naiesanikonráten ne onó꞉wen tahkariwakenáston, iáh tewasterístha tóh naontaiohianérehke.

Colossians 2:8

Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

1 Timothy 1:7

Rón꞉nereh nasakotirihonʼnienníseke ne Rawenni꞉io rahohianerénsera, nók akwékon iáh tehotinikonraiéntas ne rahotiwennasónhas tóhka ó꞉ni nahorihoténsons tsi nióre tsi rotinikonraníron.

1 Timothy 4:1

Ne Ronikonratokénti kwáh teioswátʼthe ráton ótiakes nonkwesónha enhiontewéntehʼte ne tewetákwen ne kén enhiotséthe; neh enhonwathiwénnaraʼkwe ne rohthinówens ótkons ó꞉ni enhathísere ne rahothirihonniennítsheras ne rathinesonrónons.

2 Tiér 2:14

Kwáh iáh tahóten nóhia tatehontkathonniónkwah nók nek khók nahonatesennaiéntaʼne nahontenakwaiésathe; tsi nihonthonkarhiák꞉tha ne kariwáneren iáh tiatehothiʼiérise. Sakonaterístaiens ne iakotsihióha. Thoʼní꞉ioht tsi karihonniénni ne rahonerhiá꞉ne nahonatetʼtsénhake. Thóh nón nihatihiatóron ne Rawenni꞉io rahorewathatsherákon!

1 Sawátis 2:26

Í꞉se kíʼ iakwahiátonse neh tioríwa tsi niháti ronhtheniéntha naietʼtsinikonráten.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 13:14

tánon tsi nontenestánion né꞉tho kwáh Níio wahorí꞉hon ne ahateriwathéntiate ne raorihwà꞉ke ne thotierénton katsinoniowá꞉ne, washakonikonrataniónhase ne ienakeréhnion tsi ionwenhtsá꞉te, sakororánions nahonwatsiá꞉tonhniserónhnien ne katsinoniowá꞉nen né꞉ne rókʼkarehwathákwen nasarehkó꞉wa tánon kíʼ shrón꞉nhe;

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 3:11

Ní꞉i kwáh ióstre tón꞉take; senónstat tsi nahò꞉ten sá꞉ien, ne káti ne tóhsa ónhka aiesá꞉kwa ne sanón꞉warore.