Colossians 2:12 - Ohiatonhseratokénti

¹² Asè꞉ken ne sahsatenekwahéste, Kerístos skátke wahetsihiatátha, tánon natenekwaheʼthátsera kwáh ó꞉ni skátke ne Kerístos tsi saiesahkétsko neh tsi nitisetáhkwen tsi niiohiò꞉te ne Rawenni꞉io raosatsténhsera.

Colossians 2:12 ပူးပေါင်းရင်းမြစ်များ

Luke 17:5

Ethone ne Ratikȣekonne ȣahonȣenhase ne Roianer: Takȣaiestas ne teȣetakon.

Acts 14:27

Hiahánewe ne Antioch, wasakothihiataróhroke nonkwesónha nononsatokentíke tánon wasakotiróhri tsi nahoténsons ne Rawenni꞉io wahsakohioténseron nahothihióten tánon ó꞉ni tsi nasakohahónnien ne iáh tehatiʼsitaeʼró꞉nons onhnaʼiáwenne nahontahonʼnétakwe.

Acts 2:24

Nók Rawenni꞉io sahokétsko ne kenhehiát꞉ne, sahót꞉kaʼwe nahosatsʼtenserákon, Asèken iáh tehioríwaien ne kenhéion nahotiatakweʼní꞉iosʼte.

Acts 2:32

Rawení꞉io kwáh shokétskwen kí꞉ken Ié꞉sos ne kenheʼhiát꞉ne, tánon tewakwékon ionkwatʼkáthon kí꞉ken nahorihóten.

Romans 4:24

Í꞉i ó꞉ni onkwariwáke tsi nikahiathónnion thoʼnaionkihʼkwénienste tsi aionkwathonkwetaʼkwarísion, ne tsi rahónha tetsitewéthakwe tsi nikáien ne shokhétskwen ne Ié꞉sos Sonkwaiáner ne kenheiát꞉ne

Romans 7:4

Ne aoríwa thonónnise ní꞉ioht ne tionhakéson, tewatatékens. Tsi shíken ní꞉ioht naihsewenhéion, tsi nióre iekéntons ne kaianerénsera, ne tsi éhʼtho sewahiatanentánon ne raiatátake ne Kerístos; ónen káti rahónha rahonkwéta sewatónʼon tsi nikáien ne sonwákheskwe ne kenheiátne ehnahontáwe khnahótenk aihtewarihontáko natsitewahiótense ne Rawenni꞉io.

1 Corinthians 12:13

Kwáh ne sáka, tewahkwékon, tóhkaʼ Sitaeró꞉nons tóhkaʼ ó꞉ni iáh tehatiʼsitaeʼró꞉nons, tóhkaʼ ienáskwah tóhkaʼ ó꞉ni iontatewenhní꞉io, iontatenekwahéston eh skátʼke ne skaierónta né꞉ne sakanikónrat, tánon énskak khók nonikónra tionkihiáwi nahitewahnekíra.

1 Corinthians 15:20

Ónk ne kwáh oriwiʼiohónwe né꞉ne tsi shonwahkétskwen ne Kerístos ne kenheiátne, né kahriwahnírats tsi nihiákon ne iakótas ne kenheiátne tsi entiontʼkétsko.

Galatians 3:27

Tsi sewatenekwahéston wathisewateriwasónteren ne Kerístos, ónen káti watisewatewehiáren, nahiaiéron, neh tsi rónnhe ne Kerístos rahonhatsíwa.

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Ephesians 4:5

Saiátak khók ne Roiá꞉ner, énskak khók ne tewetákwen, énskak khók natenekwahéston;

Ephesians 5:14

Tsi nahóten neh kwáh íken tsi karihothásion thóʼnek enwáton ne tahioswátʼthene. Tehioswátʼte seh ne kwáh oriwakwékon tshewenéstʼtha. Neh aoríwa tsi nihónen, “Sewáhie, tahrótaros, tánon thontahsewatʼkétsko ne kenheiátʼne, tánon Kerístos tentsiʼsewaswatʼthéten.”

Philippians 1:29

Tánon ehtsisewahiatateríston. Iáh nék khók tohkàken tsi Kerístos thetsisewetákwen, nók sewaronhiakénhen ne rahónha raoriwáke.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Colossians 2:13

Ieioterátston kwáh senheiónhne ne tsi nihsariwahné꞉ren tánon ne aorì꞉wah ne tsi iáh tesitaeró꞉non iáh ó꞉ni tesahianerenseraiéntakwe. Onk ó꞉nen sahiónnhete ne Rawenni꞉io skátke ne Kerístos. Rawenni꞉io akwé꞉kon shohnikonrén꞉en nonkwáh riwahneraháktsheras;

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Hebrews 6:2

né karihonniennítshera tsi nòkwah ne athenekwahesthátshera; Tiontonnakanonniáta tehiontenonwenhrathóntha. Tánon tsi tenhonwahnanisnonshahérahse; tsi tiontʼkétskwas niakawenhéion.

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,