Colossians 2:11 - Ohiatonhseratokénti

¹¹ Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

Colossians 2:11 ပူးပေါင်းရင်းမြစ်များ

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

St. Mark 14:58

Sakȣaȣennaronken kehiken raȣen: enkenonsarisi kehiken kanonsote Ononsatokenti nonkȣe iakoson, nok asen nenȣata oia enskenonsisa nʼiah Onkȣe taiakonni.

Luke 2:21

Nok nonen siiakaheȣe ne satekon nonta, onen senhonȣaȣarakȣetare ne raksaa, ethone Iesos ȣahonȣanatonkȣe, neneh Raronhiakeronon thosennaȣi areko sihaiatat ronistenha kaiatakon.

Acts 17:24

Rawenni꞉io, raónha róhson tsi ionwentsiáte ó꞉ni kwáh tsik nahoténsons, rahónha ne Roiá꞉ner tsi karonhiáte ó꞉ni nonwentsiáke tánon iáh ononsatokentíke nónhwe tehénteron tsi naʼkanonsonʼniáton ne ónkwe akosnónsas.

Acts 7:48

“Nók kíʼ ne kwáh rosastenserowánen Rawení꞉io iáh nen né꞉e tsi kanonsóton non tehnteron neh oʼónkwe akosnónsa akanonshonʼniáton; tsi nihónen ne rothithokenséhaʼkwe,

Romans 2:29

Neh꞉ne kwáh tokén꞉en ronwahwarakwétaron, tsi niʼiáwens, ne kwáh Sitaeró꞉non neh꞉ne kwáh raweriá꞉ne íken, neh kíʼ tsi kwáh raweriáne thoʼtákwen tsi ronwahwarakwétaron, neh꞉ne Rawenni꞉io Rahonikónra thóh nihióson, nók iáh tsi nahóten ne kahiatónʼnion neh kaianerenserákons. Kíʼ rónkwe raiénas ne rahorensaróntsera neh꞉ne Rawenní꞉ioke néntewe, iáh nonkwé꞉ne.

Romans 6:6

Tánon ionkwateriéntare nonkwahiathakáion konwarhio skát꞉ne ne Kerístos ne rahohiásake, neh nahontáwe nahosatsʼténsera ne kariwáneren ne iaʼteiehiáti nahónton akariwathónʼton, nehʼne tóhsa iahontasontaráke nahionkwanaskón꞉nike ne kariwáneren.

Romans 7:24

Tsi ní iáh tewakhastsenʼnón꞉ni kí꞉ken kónkwe! Ónka éntion keniákenteh kí꞉ken oierónta hiahontiatenhawitonhátie neh kenheiátʼne?

2 Corinthians 5:1

Kí꞉ken tewaieròn꞉ke ne teskaierón꞉tare tsi ní꞉ioht ne waʼtohseró꞉ton tsi kén꞉ʼen tewanákere tsi ionhontsá꞉te. Nok kí꞉ken ne aʼtóhsera nó꞉nen enkarihwahtón꞉ton, ionkwaterién꞉tare ne Rawenni꞉io kwáh tsi tewaiáʼtátson ó꞉ia ensehshonkwanákton tsi nón꞉we ientsitiónhnheke. Tho iontientáhkhwa iáh tho tekanonhsò꞉tens tsi shí꞉ken ní꞉ioht ne ónhkak aiakononhsisonʼónhake, nok karonhià꞉ke nón꞉we tkakè꞉ron iáh nen né꞉ʼe nonwén꞉ton thiakarihwén꞉taʼne.

2 Corinthians 5:17

Ónhka ne Kerístos raonkwé꞉ta í꞉ken kwáh á꞉se shotón꞉ʼon. Nahò꞉ten ne iotohétston akwé꞉kon kaʼnikónhrenʼen, orihwakwé꞉kon á꞉se tsón꞉ni.

Galatians 2:20

Nakonhatsíwa iáh ónen teskónnhe, nók Kerístos akonháke non nisrónnhe. Kí꞉ken atónnhets nónwa tsi konnhétie, tsi konnhétie ne tsi thiʼietákwen ne Rawenni꞉io Roiénha, tsi nikáien ne rakenoronkwáʼon tánon rotʼkáwen ne tsi rónnhe nakeriwáke.

Galatians 5:24

Tánon tsi niʼiákon ne Kerístos Ié꞉sos rahonkwéta íken konwárhio akwékon nakoronhiakénseras ó꞉ni nakoskanéktseras.

Ephesians 4:22

Kwáh kíʼ iasewárek ne sewaweienʼnakáhion, tsi ne iónʼnis ne séhkon thoʼní꞉ioht tsi ahisehʼtsiónnheke—neh oweienʼnakáion tsi wahthónton neh tsi nikanikonráhthakwe nahoskanéktseras.

Deuteronomy 10:16

É꞉tho káti, kén꞉en ienwatáhsawen tsi sewawenhnarákwak ne Roiá꞉ner tánon kén꞉en ienwatáhsawen sewátkaf tsi nisewanonhtsistaʼní꞉ron.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

Hebrews 9:11

Nók Kerístos knáh rohkwáhtʼton tsi raónha ne rahtsihenstowáhnen íken ne tsi niʼiohiáneres nahoténsons knáha kén꞉en kahkérons. Natóhsera tsi nónwe nihoterihwatsʼteríston sénha kowáhnen ó꞉ni sénha iekaiérih; natóhsera iáh ónkwe tehiakosnónsha tehióshon, nètho, iáh tekenikwékon tsi káhshon ne kén꞉en iohontsáte.

Hebrews 9:24

Asèken ne Kerístos iáh thóh tiehotawehiáton tsi Tionáktaien ne Iotokénti ne ónhkwe akosnónsha ahióshon, né tekananetákwen ne kwáh orihwí꞉io íken. Kwáh karonhiáke nónhwe nieʼshawénon, thóh nónhwe ónenh iésres í꞉i onkwahriwáhke rahohénton ne Ní꞉io.