Colossians 1:6 - Ohiatonhseratokénti

⁶ Noriwahtokénti kwáh tiokontákwen taiohahátie ne kahiataterí꞉tsheras ó꞉ni tehioreniatonháties tsi nonwéhsons ne tsi ionwentsiáte, kwáh tsi nihioié꞉ren ne tsi natesewáhtere neh kwáh sontontsérente wesewáhronke ne Rawenni꞉io rahoténrat tánon wesewahriwaiénterane ne kwáh tsi niiohrihóthen.

Colossians 1:6 ပူးပေါင်းရင်းမြစ်များ

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Matthew 24:14

Nehoni kehiken Oriȣatokenti Karonhiake nitioteriȣinon Onȣentsiakȣekon enkarihoȣanaton, ȣene aiakaonniaten nonkȣeokon; ethone onen enȣaȣe tsi iotokte.

Matthew 28:19

Ȣasene kati, nok ietsirionnien, akȣekon nonkȣe, ietsinekȣahest raosennakon ne Roniha, nok Roienha neoni ne Ronikonriioston.

St. Mark 16:15

Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.

St. Mark 4:8

Otiake tsinonȣe niionȣentsiio nakaientane, ȣakanio nok ȣakanatsioharen akȣa ȣakanorari, otiake asen niȣasen onteiaron nenskat, iaiak niȣasen, enskat oni teȣenniaȣe onteiaron ne skanatsia.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

John 17:19

Nok akȣa ok tiȣakatonnhahere ne rononhake, aiaȣens oni ne rononha ateriȣakȣarisiontserakon aontonnhakanonni.

John 4:23

Nok tanon ienkaheȣe onen oni ieiohe noriȣiio onȣe Ronȣasennaiens enhonȣasennaien ne Roniha kanikonrake oni oriȣiio: Ethose oni niiot tsi rariȣanontons ne Roniha tsi ahonȣasennaien.

Acts 11:18

Neh sahónronke kí꞉ken, wahóntʼkaʼwe tsi ronwariwakwenníhakwe tánon wathonwanonwerónnion ne Rawenni꞉io, ronthónnionsʼkwe, “Ehʼthoh káti Rawenni꞉io tesakówi ne iáh tehatiʼsitaeʼró꞉nons kwáh ahonatesenʼnaiéntake nahonsahontatʼréwaʼte ó꞉ni nahonnónʼnheke!”

Acts 12:24

Ónen sénha nonkwesónha wahontahónsatate ne Rawenni꞉io rahowénna tánon tahiakétakwe.

Acts 16:14

Tiehiáta ne wahonkhiwennáronke Lydia hiontátsiats nehne Thyatira nitiakawénon, neh iontʼkéronskwe ne ariwakonnéha niwashokótens noniataráhas. Nétho hiakónkwe ronwasénnaiensʼkwe ne Rawenni꞉io, tánon ne Roiá꞉ner wahanonthónko nakaweriáne nahiontennikonráren tsi nahóten ráton ne Kór.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 1:13

Ónenk tsi ensewehiárake, tewatatékens, é꞉so ioriwáke wakatenikonrónni niaʼkwanatarénase, nók knahótenk tiókonte watiotátiskwe neh nátiere. Tewakatonhontió꞉ni nakeiatkwéni naʼkeriwiʼiosthontserateni neh skátne sewanákereh, tsi niwatiéren nakʼtéson nónwe neh iáh tehatisitaeronons.

Romans 15:19

Ne kasatsʼténsera tsini watieronnísta ne ioriwanerakwaténions, ó꞉ni nahosatsʼténsera ne Rawenni꞉io Rahonikónra. Tanon káti, tsi nitewakatʼtahínon ne Jerusalem tsi nióre ne Illyricum, kwáh tewakeriwasaháthon tsi wakateriwánote ne kariwí꞉ios ne Kerístos rahonháke.

Romans 15:28

Neh nónen enkeriwaiériʼte kí꞉ken kahioténsera tánon enthekheiáwi nowísta ne ronwatirohróki, ehʼthóhʼne káti Spain non nienhénke tánon iekwanatarénaʼse tsi niahonkenonhátie neh non.

Romans 16:26

Nók kíʼ neh tsi nihotihiathónnions ne rothitokenséhakwe ne iorihónni iakotiokowánen nonkwesónha aiakonikonraiéntaʼne nʼoriwíʼio; ne ronnheʼónwe Rawenni꞉io rotennáʼon kwáh ken tiokwakwékon aiakoteriéntaraʼne nʼoriwíʼio, nekáti nakwékon ahontahonwétaʼkwe ne Rawenni꞉io ó꞉ni ahonwawénnaraʼkwe.

2 Corinthians 10:14

Iáh kiʼ ísi nón: teiakwathroriá꞉tha tsi naʼteiotonhontsó꞉hon. Ne seʼ tkwahawihtén꞉ni ne Kerístos raoterihwahnotáhtshera.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Ephesians 3:2

Oriwihioʼónwe tsi sewariwarónken thóhʼnon rahotenretserákon ne Rawení꞉io thakáwi kí꞉ken kahioténsera nahontióten níse ahisewahianerásten.

Ephesians 4:21

Kwáh orihrihiohónwe tsi entsisewariwarónken, tánon ó꞉ni neh rahotiókwa kènʼne ietʼtsiriʼonniénʼni ne rahoriwakwarishióntsera ne Ié꞉sos.

Ephesians 4:23

Ne seweriánes ó꞉ni ne sewanikónras kwáh ioteriwíson ónenk tsi kwáh á꞉se entionníhake,

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Philippians 1:11

Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Philippians 4:17

Iáh neh thèkere thóka kén knahótenk kwanekénnis, nók neh tewakatonwentió꞉ni naisewaiéna ne kahiataterítsera tsi nihtkáhas nahiontáthon.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

1 Thessalonians 1:5

Asèken nonenh sonʼtakwahawiténni ne kariwí꞉ios, iáh thokàken owennóskon khók akénhake, nók kenikwékon ne kasatsʼténsera ó꞉ni ne Ronikonratokénti, tánon kwá thóh kén꞉en iekanikonrakontákwen ne oriwihioʼónwe. Sewahteriéntare tsi ní꞉ioht tsi tsionnhé꞉kwe ne sitewahkwékon; tsi sénha isinonhwe tsi kariwanirats ne oriwi꞉iohonwe nonkwateriwanotatsera.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

2 Thessalonians 2:13

Teiontonwenhtióhon ne tiókonthe tahsakwanonweratónseke ne Rawenni꞉io níse sewahriwáhke, tewatenroʼshónʼa, í꞉se ne Roiá꞉ner tsi sewahnorónkwah. Asèhken í꞉se tisewahtierénton ne Rawenni꞉io tsi sewahiataráhkwen ne kwáh sontontáshahwen naisewahniákenthe ne Rawenni꞉io raoshatsʼténsera ne í꞉se rahonkwetatokénti aisewáton ó꞉ni tsi tisewetákwen ne oriwiʼioʼónwe.

1 Tiér 5:12

Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.