Colossians 1:5 - Ohiatonhseratokénti

⁵ Nó꞉nen ne orihwí꞉io naterihwanothátsera, ne karihwí꞉ios, thontiérente wesewahiatoren꞉ne, wesewahrónke tsi nitiakó꞉wis narahratʼtshera. Káti tsi tisewetákwen ó꞉ni ne sewahnoronkwátshera ne kakenserákwen tsi nahóten ne sewaskáneks, karonhiá꞉ke neh nón꞉we tewahtheweiénton ne sewahriwà꞉ke.

Colossians 1:5 ပူးပေါင်းရင်းမြစ်များ

Psalms 31:19

Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

Luke 12:33

Seȣatenninon, tsini seȣaien, nok ietsitenrat; seȣatȣistonni nonȣa ne iah teȣakaions; Karonhiakekha astsokoȣastsera, tsinonȣe ne iah kenh tiiahatiiere ne sakonasetha, iah oni notsinonȣa takontitaksate.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Acts 23:6

Ne Kór sahatʼkátho ótsiakes nonkwesónha Sadducees nahatihiatótens ótsiakes ó꞉ni Pharisees, iasakonáton ne rathitsiénhaiens, “Tewatathékens Israerʼró꞉nons! Pharisees natiathóten, neh rahtsiénha Pharisees nahahiathóken. Kén꞉en tehiontiatorétha neh tsi Íkʼkhawe ne tewetákwen ne iakawenhéion entiontónnhethe.”

Acts 24:15

Kwáh nesáka tsi tewaketákwen tsi kíʼ ní꞉ioht ne ronónha, kwáh akenáton, kwáh onkwetakwékon, satèhiot ne tionkwetaiéri ó꞉ni ne ionkwetákʼsen, tenhtiontʼkétsko ne kenheiátʼne.

Romans 10:8

Ne kíʼ kéntons: “Nowén꞉na kwáh í꞉ken tsi tsaʼták꞉ta ká꞉ien, tsá꞉kon í꞉wa tánon seriáhsakon”—thoʼní꞉ioht nahteriwanhothátsera ne tewethákwen iakwateriwanhótha.

1 Corinthians 13:13

Ók kí꞉ken ásen nihioriwáke né kwáh konʼthiriwakwení꞉ios né꞉ne: Tewetákwen, Askenéktshera, tanon Kanoronkwátshera; nók ki né kwák tioʼrihowánen né꞉ne Kanronkwátshera.

1 Corinthians 15:19

Tóhka nonkwahskanéktshera rahonháke ne Kerístos nón nikahianeresthákwa tsi nónwah kénʼen tionnhétie tánon iáh sénha nisiʼnónwe, káti sénha tehionkwahténtion ne wéso tsi ahionkhítenre tsi ní꞉ioht nahkorénson ne kwáh ohontsiakwékon.

2 Corinthians 5:19

Tsi nahò꞉ten iakwén꞉tons ne Rawenni꞉io nikwékon ne Kerístos shakowískwe ne skén꞉nen ó꞉ni naonsahshakoʼnikónhrenʼse ne kén꞉ʼen ronnonhontsaʼkehró꞉non. Nok í꞉ʼi shonkwaioʼtenhserá꞉wi ne aiehthiiohetstháhse ne raoterihwahnotáhtshera tsi nonkwá ne skén꞉nen.

2 Corinthians 6:7

Tókenske tsi nahò꞉ten iatiá꞉ton tsi Rawenni꞉io raoioʼténsera ionkenihá꞉wi tsi ionkeniioʼtátie. Iohní꞉ron teiontiatohetstánion, ne ó꞉ni nahò꞉ten tiontiatá꞉ti tánon tsi niiontiatié꞉ren nek ne tkaié꞉ri tsi niiatiatiéhrha.

Galatians 2:14

Sakatʼkátho tsi iáh tehathísereʼne ne iotʼthahakwarísion ne oriwiʼiohhónwe ne kariwí꞉ios, waiʼhiénhase ne Tiér rahothihénton ne thonʼnethákwens, “Sasitaerónon tsi sanakeráton, shatiakwarísion ne Sitaeró꞉non rahotiʼianerénseras nók kíʼ thóh ní꞉ioht tsi sónnhe tsi ní꞉ioht ne iáh tehatisitaerónnon, onhkáti niʼiohtséren tsi satheniéntʼtha nasehiónʼnien kí꞉ken iáh tehatisitaerónons nahontewénnaraʼkwe ne Sitaeró꞉nons rahotiʼianerénsera neh níse satewentéton?”

Galatians 2:5

iáh kíʼ tatehionkhinikonrakénnion, Asèken neh tehionkwathonwentiónnine nahiakwanónstathe ne oriwiʼiohónwe ne kariwí꞉io níse sewariwáke.

Galatians 5:5

Nonkwatiá꞉kes, nonkwaskanéktsera ne Rawenni꞉io kwáh enseshonkwariwakwatákwaʼse tsi natethewátere ne rahónha; ó꞉ni thóh ní꞉ioht tsi ionkwaráreh neh tsi nikasátste ne Rawenni꞉io rahonikónra iohiotátie tsi nitionkwetákwen.

Ephesians 1:13

Tánon ó꞉ni Rawení꞉io rahonkwéta sewatónʼon neh nónen shesewatʼthóntene ne oriwihioʼónwe ahtheriwahnothátsera, ne kariwí꞉ios thisewahawitén꞉ni ne sewahiathakenákʼtsera. Thaʼtsisewétakwe ne Kerístos, tánon ne Rawenni꞉io wahatsíkwente neh tionhakéson tsi rahónha se rahonkwetaʼsónha ó꞉ni ne ne Ronikonriʼióston íken tsi nihorahráston.

Ephesians 4:21

Kwáh orihrihiohónwe tsi entsisewariwarónken, tánon ó꞉ni neh rahotiókwa kènʼne ietʼtsiriʼonniénʼni ne rahoriwakwarishióntsera ne Ié꞉sos.

Colossians 1:23

Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Colossians 1:27

Tsi nihotenikonrónni ne Rawenni꞉io né꞉ne asakoronkáten ne rahonkweʼtashónha tsi nihoriwahshéton, kí꞉ken kakwákston ó꞉ni ioriwahnerákwak kariwahshéton neh nonkweʼtakwé꞉kon akoriwáke. Tánon ne kariwahshéton né꞉tho Kerístos tsi senikwé꞉kon, ne kéntons tsi ensatiatáren thóh rahohiatanerakwatserá꞉kon ne Ní꞉io.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

1 Thessalonians 2:13

Tánon séhkon óia nahorihóten nontiéren tsi tehtsitewahnonweráhtons ne Rawenni꞉io. Shontakwahawíh꞉ten ne Rawenni꞉io raoterihwahnothátshera, wesewáhronke tánon wesewahtiénawaste, naterihwahnotátshera iáh onkwé꞉ne tetsiawénon ónk ne tsi Rawenni꞉io raoterihwahnotátshera, ne tsi kwáh neh íken. Aséhken ne Rawenni꞉io tionháke nón nihohʼiotáties tsi níh꞉tion ne tisewetákwen.

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

1 Timothy 1:15

Ne kí꞉ken ne kwáh tóhʼkenske tsi niwáhton, ne kwáh iahiokontakwénhake ahiontiénawasthe ó꞉ni nahontahiakéthakwe: Kerístos Ié꞉sos tawéhnon tsi ionwentsiáte nasakoniákenthe ne iakoriwáhneren. Í꞉i nèn꞉ne ne kwáh tewahkenonkwísen tsi niháti,

2 Timothy 4:8

Tánon nónwah ónen wakeráh꞉re ne atesenniétsera kahkariák꞉tsera neh tsi tkaiéri tsi tionkeriwahseronniénʼni tsi nòkwa ne Rawenni꞉io, neh꞉ne Roiá꞉ner, ne kariwahkwarisióntsera Rarihwéntha, entʼthákon nètho tewenniseráte—nók iáh I꞉i khók tèken, nók tsi nihiákon neh꞉ne iakórare ne kanoronkwátsera ne rahónha enhokéthothe.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 7:19

Asèken ne Mahís raoianerénsera iáh tewáhtonskwe né thènen ahontakarihwahiérithe. Tánon kiʼnónwah ónen sénha iohiánere tsi tionkwáhrare tsi nikakwahtákwen né꞉ne ákta aítewehthe rahonháke ne Ní꞉io.

1 Tiér 2:2

Thóh nasewaiatoténhak tsi ní꞉ioht ne owiráha ónkwak khók iakawennakeráton, tiotkonʼónwe iakoniatátʼtens ne kwá aóskon ionnheʼónwe onónta, neh káti tsi ensnekírathe nahónton asateiáron ó꞉ni naseniákenne.

1 Tiér 3:15

Nók tsi sewasénnaien ne Kerístos ne seweriáne, tánon tsi sewakwéniens tsi Roiá꞉ner. Kwáh tiókonte tsi sewatateweiennentahónhak ne ónhka taientʼtsiriwaserákwaʼse tánon naietʼtsinikonraientáten tsi rahonháke nónwe nikáien ne sewarahrátʼtsera.

2 Tiér 1:12

Tánon káti tiotʼkonhónwe enkweiarakwenʼníhake kíʼ nahorihoténsons, iawerohátsien tsi ónenk sewahriwaientéri tánon kwá oriwiʼioʼónwe teiahonkóton ne kariwakwarishióntsera sewaienáʼon.

1 Sawátis 3:3

Kwá tsi nihiákon neh thóh ní꞉ioht tsi ronwárahre ne Kerístos iontatenikónrare ne kwá aiehiatanánon, kwá kíʼ tsi ní꞉ioht ne Kerístos tsi rahiatanánon.