Colossians 1:4 - Ohiatonhseratokénti

⁴ Asè꞉ken wahakwáronke tsi thetsisewetákwen ne Kerístos Ié꞉sos ó꞉ni tsi kwáh ratikwé꞉kon ietʼtsinorónhkwa ne Rawenni꞉io rahonkweʼtashónhas.

Colossians 1:4 ပူးပေါင်းရင်းမြစ်များ

2 Corinthians 7:7

Orihwí꞉io waʼatiatshennón꞉ni tsi waʼshakení꞉ken ne Titus, ki ó꞉ni nok sénha waʼatiatshennón꞉ni tsi niió꞉re tsi wahonwaʼnikonhrahnír꞉ate ne onkweshón꞉ʼa. Waʼshonkenihró꞉ri tsi nisewaʼnikonhráksens tánon tesewaʼnikónhrhare. Ó꞉nen sénha waʼkatonhnhá꞉ren.

Galatians 3:26

Tewetákwen nón nitsawénon tsi kwáh sewakwékon Rawenni꞉io tsiʼsewaʼioʼokónha sewatónʼon ne tsi tesewateriwasóntere ne Kerístos Ié꞉sos.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 1:15

Neh kíʼ aoríwa, tsi náhe tewakarónken tsi thetsisewethákwen ne Roiá꞉ner Ié꞉sos tánon tsi kwáh rathikwékon ietʼtsinorónkwa ne Rawenni꞉io rahonkwetaʼsónha,

Ephesians 6:18

Oriwakwékon kíʼ ahterenʼnaienthatserákon tsi nátiere, Tieriwanóntons ne Rawenni꞉io nahiaʼiénawase. Kwáh tsík nahoténson tsi saterenʼnaiéntʼsenk, thóh ne kasastenserákon nonikónra. Ne kíʼ aoríwa tiókonte tsi sahrárek tánon tóhsa nonwénton sahtiakwaríshi; tiókonte shehiaterenʼnaienʼníhek ne Rawenni꞉io rahonkwetaʼsónha.

Colossians 1:9

Asè꞉ken kwak sakwasennáronke neh iorihonní꞉hon tsi kwáh tió꞉konthe kwaterennaién꞉ni. Wahsakwariwahnóntonse ne Rawenni꞉io neh ahtsisewahiatanáh꞉ne atthokhátshera tsi nih thóh nikonrihió꞉on, kwáh akwé꞉kon natenikonrowanhatsera ó꞉ni ne kanikonraientátsera tsi nitewetha ne rahosasténsera.

1 Thessalonians 1:3

Asèken rahohénton ne Sonkwaní꞉io ó꞉ni ne Kanisera tsi iakwehiare tsi nisewahioténston tsi nitisewetákwen, tsi nitsionniénni ne sewanoronkwátsera iahisewátrehke tsi wesewahióten, tánon ó꞉ni ne sewaskanéktsera tsi nihioriwahníron thóh rahonháke ne Sonkwaiáner Ié꞉sos Kerístos.

1 Thessalonians 3:6

Ónen ne Timothy tethawénon, tánon thontasonkwahawíten ne kariwí꞉io tsi nòkwa ne sewetakwéntsera ó꞉ni ne sewahnoronkwátshera. Wahsonkwahróri tsi tiotkonhónwe í꞉i takwahnonthónnions tánon thóh nahtesewahtonwentióʼni naskwáhken kwáh tsi ní꞉i natehionkwahtonwentiónni nakwahken.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

Philemon 1:5

Asè꞉ken kahrónkas ne sahnoronkwáhtshera nónkwe tahkwé꞉kon akorihwà꞉ke tsi nokwáh ne Rawenni꞉io raonkweʼtashón꞉a tánon tsi nithishetákwen raonhà꞉ke ne Roiá꞉ner Ié꞉sos.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

1 Sawátis 3:14

Ionkwateriéntare tsi ionkwatewentéton ne kenhéion tánon kén nokwáti nathonthétewe tsi nòkwati ne iónnhe; ionkwateriéntare neh tsi tethewatatenorónkwa. Tsi niʼiákon ne iáh teiakóien ne kanoronkwátsera sékon kíʼ nèn꞉ne kenhéion iakoienawákon.

1 Sawátis 3:23

Nahóten rariwanóntons neh꞉ne ahontatsitewétakwe ne Roiénha Ié꞉sos Kerístos tánon taihtewatatenorónkwake, kwá tsi nisonkwariwanonthónnis ne Kerístos.

1 Sawátis 4:16

Tánon ontionhákok ionkwateriéntare ó꞉ni tionkwetákwen tsi sonkwanorónkwa ne Rawenni꞉io. Kanoronkwátshera seh ne Rawenni꞉io, tánon tsi niʼiakon neh thóh nón niʼiakonnhétie ne kanoronkwatserákon thóh nón niʼiakónnhe ne tsi tehonateriwasóntere ne Rawenni꞉io ó꞉ni ne ronnheʼónwe Rawenni꞉io tehonateriwasóntere ne ronónha.