Colossians 1:29 - Ohiatonhseratokénti

²⁹ Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.

Colossians 1:29 ပူးပေါင်းရင်းမြစ်များ

Luke 13:24

Tontahenron: seȣaskennha ne tsinonkati nikannhohaha aheseȣataȣeiatakȣe, aseken kȣarori, kentiokoȣanen enhionteniente nʼiaiontaȣeiate nok iah taiekȣeni.

Romans 15:20

Énskat khók tsi nahóten tiókonte kaskáneks neh꞉ne akateriwanóten ne kariwí꞉ios tsi nonwésons ne iáh nonwénthon tehonwasennarónken ne Kerístos, neh꞉ne tóhsa tahontakatnanétha nakorénson tiakotásaʼwe.

Romans 15:30

Wakwaretiáron, tewatenrosónhas, neh tsi tetsitewetákwen ne Roiá꞉ner Ié꞉sos Kerístos tánon ne aoríwa tsi nitionkwáwis nètho onikónra, wakwaretiron skát꞉ne aihtewaterénnaien kwáh ahontaionkwanikonrakontákwen rahonháke ne Rawenni꞉io askwaterennaiénhase.

1 Corinthians 12:11

Nók énskat khók kíʼ tánon kwáh né sahahiáta ne Rawenni꞉io akwékon kíʼ ehnihásahas; tánon tsi nihaskáneks, ne tekontʼthihánions tsi ahontashakáwen ne tiehiatátʼtion.

1 Corinthians 12:6

Tóhka natetʼkonthihánions tsi nahiakokwénionke nahiakohióten, nók kíʼ né sahahiáta ne Rawenni꞉io takáwas tsi nahiakokwénionke ahionteriwahténtiathe ne katokénston kahioténserah ahiakoióten.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

2 Corinthians 11:23

Kerístos kenʼ ronwaió꞉tenhse? Tho ní꞉ioht tsi wákthare tsi ní꞉ioht ne thotónhnhoʼkte. Nok sénha í꞉ʼi kehnahtsherí꞉io tsi ní꞉ioht ne ronnónha! Sénha í꞉ʼi é꞉so watióʼtenʼen, sénha í꞉ʼi é꞉so wakatehnhó꞉ton tsi ní꞉ioht ne ronnónha, sénha í꞉ʼi é꞉so ionkenónhware, é꞉so iorì꞉wake seré꞉ka aonkihé꞉ion.

2 Corinthians 13:3

Kenʼ kiʼ néntiere, ne tsi tesewatonhontsó꞉ni nakarihwahnirá꞉ton tsi Kerístos seʼ riiatatiá꞉se. Nó꞉nen kenʼ nienhtshisewá꞉iere, iáh thahotsiʼióhake. Khé꞉kenk enhtshisewanatónhahse ne raohsatsténhsera.

2 Corinthians 5:9

Ók ó꞉ni tóka skátne aitewenʼterón꞉take ne Roiá꞉ner, tóka ó꞉ni, í꞉non niió꞉re naʼtaietewátereke, shé꞉kon kiʼ nen né꞉ʼe tewateʼnién꞉tha naontatshitewaʼnikonhraié꞉rite.

2 Corinthians 6:5

Ionkeniientehrhá꞉ʼon ó꞉ni naionkhírio tánon tsi iontatehnhotónhkhwa ieionkhì꞉teron tánon ionkhikarewáhton ne ratinatakárias, iontiatatiaʼtakéhnhen ionkeniióʼte sewatié꞉rens iáh teionkenítaʼs tánon iáh thaʼtewatskahóntie.

Ephesians 1:19

ó꞉ni thóh natehiotenonʼnianíthon ne rahosatsténsera tsi iohióte nontionhakéson tsi nítsion thetsitewetákwen. Kí꞉ken kasatsténsera tsi iohiotátie nontionhákes kwáh ne sáka tsi níʼioht ne kwáh tehiosastenseranónʼiani

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Ephesians 3:7

Hionʼkeríhonte tsi nòkwa kí꞉ken kariwí꞉ios neh tsi nihiotkwéniens tsi tesakówis ne Rawenni꞉io, tsi thakáwi teiahonkóton tsi niʼiohiótens ne rahosatsténsera.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Philippians 1:30

Thakwáken tsi wakeronhiakénhen, tánon sékon sewariwharónkas tsi niwentoratse nakeriwake. Éhthoh káti nón níse ní꞉ioht tsi aisewaronhiáken.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Philippians 2:16

tsi eniohníronke tsi ní꞉ioht tsi ensatienawastónhake nateriwhanothátsera neʼiakahónʼnhets. Nètho enwenʼniseráte nónen thètre ne Kerístos, kwá íken tsi tenkwarensáronke. Nekáti enkakwéni enwakateriéntharake natioténsera ó꞉ni nakeronhiakénsera iáh ohthènen tehioiesáhon.

Colossians 2:1

Tóh kwaró꞉ri tsi nío꞉re tsi wakatatre꞉ne tsi nikwahʼiòtense ó꞉ni ne Laodicea nón꞉we tatinákere ó꞉ni ne ronatiakhéson ne iáh tehiontienté꞉ri.

Colossians 2:12

Asè꞉ken ne sahsatenekwahéste, Kerístos skátke wahetsihiatátha, tánon natenekwaheʼthátsera kwáh ó꞉ni skátke ne Kerístos tsi saiesahkétsko neh tsi nitisetáhkwen tsi niiohiò꞉te ne Rawenni꞉io raosatsténhsera.

Colossians 4:12

Epaphras iatetsisewanonwerá꞉tons, ne nónhne ne sewentióhkwakon nón꞉we nihaiá꞉tare ó꞉ni rohiò꞉tense ne Kerístos Ié꞉sos. Tiotkonhón꞉we rokwísron tsi sewaterennaién꞉nis, rorihwanontón꞉nis ne Rawenni꞉io naisewarihwatokénhake, tsi kwáh tokén꞉en sewariwahienté꞉ri ó꞉ni kwáh iesewahkontákwen sewahriwiióston, kwáh iehiokontákwen tsi sewahwennaráh꞉kwa ne Rawenni꞉io.

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

2 Thessalonians 3:8

Iáh tehionkwaienáʼon ónhka ahionkhiʼiénawahse ne iáh tahionkwahkariákon. Khèʼkhok, wahonkwaióten ó꞉ni wahakwaronhiáken; konʼtatiésons ó꞉ni ahsontakwékʼkons tsi wahonkwahióten né꞉ne tóhsa ónhka tsi nítsion akwahkarahiénhase.

2 Timothy 2:10

káti orihwaʼkwékon wahkatakastáton neh akoriwáhke tsi nihiákon ne Rawenni꞉io sakohiatarákwen, ehnahontáwe rohnónha ó꞉ni ahatiʼiéna ne kaiatakenáh꞉tsera tsi nítewes rahonháke ne Kerístos Ié꞉sos ó꞉ni ne ionhehónʼwe kahiatanerakwátsera.

Hebrews 12:4

Asèken tsi nahtesewahniotátie tsi nòkwah ne karihwáhneren arèkok tiétso ne aisewahtakátsʼtathe tsi nío꞉re naietʼtsirí꞉io.

Revelation 2:3

Í꞉i kwáh ó꞉ni wakaterièn꞉tare tsi iathensóten tsi nisathakatstáton tánon saronhiakenhátie ne aorí꞉wake natsénhna, tánon ní꞉se iáh thateswisenhé꞉ions.