Colossians 1:23 - Ohiatonhseratokénti

²³ Ní꞉se ó꞉nenk, tsi kwáh, iensatashonthéren thóh non naisariwahtokénhake tsi nónh꞉ne ioriwahní꞉ron ó꞉ni orihwí꞉io tsi tekensténrote, tánon tóhsa saʼthóntat ne taisanikonratokén꞉ne tsi nokwáh narahratʼtsera satiestén꞉ni nó꞉nen sesatʼthón꞉tene ne oriwahtokénti. Ne sekí꞉ken oriwahtokénti ne I꞉i, Kór, wahkatenatserónni—kí꞉ken oriwahtokénti tsi nihonwahnateriwanotáni nohontsakwé꞉kon.

Colossians 1:23 ပူးပေါင်းရင်းမြစ်များ

Psalms 125:5

Ók tsi nihiákon ne ákte niehiakotseráton ne tsi natehiotsátʼton nakoweiénhna ne Roiá꞉ner kwáh ensakohéntenhse éhren ensakohiathenhawite ne karihwahét꞉kens tsi nihonhtséra. Skénnonk tikénhak ahonháke ne Israel!

Lamentations 3:66

Sehiatórat tánon kwáh shehiáthont neh tsi ionwentsiáte!”

Ezekiel 18:26

Nónenh ne rothonkwetakwahríshion enhátkaʼwe tsi nihatiéra ne ioiánere tánon enthatáshawenh kariwáksen enhohióten tánon ethòne enrénheʼie, ne aoríwah tsi kariwáksenh rohioténʼen.

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.

St. Mark 16:15

Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.

Luke 22:32

Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.

Luke 6:48

Neh teshiatieren tsiniiot ne ronkȣe ratenonsonni, ȣahakenrokȣate tsiniiore tiostenrakȣentare nok etho thahenstskȣaren; iah othenon takakȣeni nothenon nakaiere nonekanos aseken iohniron tsi tkenstskȣahere.

John 15:6

Nonka iah teiakenikȣekon, astste iehonȣaiatontion tsiki niiot nʼonnhata, nok enȣastatten; nok tentiakoronko otsirake ienȣation eh oni enȣastsha.

Acts 1:17

Judas rahiatarákwe nonkwentiókwakon, asèken ronwahiatarákwenʼne nahosniénonʼke nonkwahioténsera.”

Acts 1:25

neh ahohióten nahateriwanóten tsi tensohnakʼthákwen ne Sitas, neh thóh nónwe nieʼhawénon tsi nónwe thóh nákʼthe.”

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”

Acts 2:5

Neh Sitaeró꞉nons thóh rathinákereʼkwe ne Jerusalem, ne rothiriwiʼióstons tsi niaʼtekanakeraseráke ne tsi ionwentsiáte nonʼnitsakawenónserons.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 26:16

Nók thonsástann. Wakonhiatórenʼne nakoniataráko nastsió꞉tense. Enseróri nakorénshons tsi ní꞉ioht tsi wahsékʼken nónwa wenniseráte tánon tsi nahóten enkonnatónhase ne ken enhiotséte.

Acts 4:12

Ne kaʼiatakeʼnhátsera raonháke khók non nen kahtsénrion; kwa tsi nihiohóntsia kwáh iáh ónka nakóren ne Rawení꞉io tethesakówi naʼiekwéni ahonsahionʼkhiniákente.”

Romans 10:18

Nók keriwanóntons; thòkensʼke kén iáh tehonarónken nateriwanhothátsera? Oriwí꞉io kíʼ náha tsi ronharónken—asèken tsi niwáthon nhoriwatokénti: “Kwáh ohontsiakwékon hiatathiwenʼnaniháraʼne; ne rahothiwénna iakanihárho ne tsi iotonhóntsiotʼte.”

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Romans 5:5

Kí꞉ken naskanéktsera iáh teionkwanikonraténʼni, asèken ne Rawenni꞉io thowéron ne rahononronkwátsera non kweriánes tsi nihorihotáshon ne ronikonriʼióston, raónha ne Rawenni꞉io sonkwáhwi.

1 Corinthians 15:58

Éhʼtho káti, akwateroserahnórons, sewahriwaníronk ó꞉ni sewariwatokénhak. Tiotkonhónwe sewahtatiotenstónhak ne Roiá꞉ner rahoriwáhke, tsi ónenk sewahteriéntareh tsi nahóten ensewahióten ne Roiá꞉ner raoioténsera iáh nènne nonwénhton tsakaiéshia.

1 Corinthians 3:5

Tánon ki ó꞉ni ónhka nèn꞉ne ne Apollos? Tánon ónhka nèn꞉ne ne Kór? Kwáh nék khók tsi Rawenni꞉io sháhkenihiótense, né tsi wahkwahéntense nahontesehwétaʼkwe. Kwáh tiakwahiatátʼtion né ionkwahióthe tsi niʼthówi ne Roiá꞉ner nahoióten:

2 Corinthians 10:1

Káton ken íhsehre wakátshen nó꞉nen skátne í꞉tewes nok kwáh wakeʼnikonhráhsatste nó꞉nen í꞉non niió꞉re ítkes? Ánio kiʼ satahónhsatat, nek í꞉ʼi ó꞉ni tho niwatianerenserí꞉io, ó꞉ni keriasí꞉io tsi ní꞉ioht ne Kerístos.

2 Corinthians 11:23

Kerístos kenʼ ronwaió꞉tenhse? Tho ní꞉ioht tsi wákthare tsi ní꞉ioht ne thotónhnhoʼkte. Nok sénha í꞉ʼi kehnahtsherí꞉io tsi ní꞉ioht ne ronnónha! Sénha í꞉ʼi é꞉so watióʼtenʼen, sénha í꞉ʼi é꞉so wakatehnhó꞉ton tsi ní꞉ioht ne ronnónha, sénha í꞉ʼi é꞉so ionkenónhware, é꞉so iorì꞉wake seré꞉ka aonkihé꞉ion.

2 Corinthians 3:6

Shonkwáhnhas ne tsi teionkwaténhtshon ne kahnáhtshera ahshontión꞉ni ne orì꞉wase raoterihwahseronniáhtshera né꞉ʼe ne Oʼnikonhratokénhti nón꞉we nitiawé꞉non tánon iáh nen né꞉ʼe tho nón꞉we tetiawé꞉non tsi ní꞉ioht tsi kahiatónnion ne kaianerénhsera. Ne aorihwà꞉ke, ne kaianerénhsera ne khók tkáhas ne kenhé꞉ion, nok ne Roʼnikonhratokénhti ne né꞉ʼe tkáhas ne atónhnhets.

2 Corinthians 4:1

Sótsi thorihwaié꞉ri ne Rawenni꞉io neh waʼkarihón꞉ni waʼshonkwaniá꞉hese naionkwaióʼten ne raoʼioténhsera. Ne aorì꞉wa tóhsa kiʼ tewaʼnikonhrókten.

2 Corinthians 6:1

Skátne ionkwaióʼte ne Rawenni꞉io, kwaʼnekén꞉nis káti naisewaniáhese ne raotennitenráhtsera.

Galatians 4:11

Tewakathatenikónrare ne sewariwáke! Káton onhtèken neh tsi níkon kwahiótense kwáh iáh thènen tsatehionénon?

Galatians 5:5

Nonkwatiá꞉kes, nonkwaskanéktsera ne Rawenni꞉io kwáh enseshonkwariwakwatákwaʼse tsi natethewátere ne rahónha; ó꞉ni thóh ní꞉ioht tsi ionkwaráreh neh tsi nikasátste ne Rawenni꞉io rahonikónra iohiotátie tsi nitionkwetákwen.

Galatians 5:7

Tsi niʼioiánereʼkwe tsi ní꞉ioht tsi ehtsisewaniahésenʼne ne Kerístos! Ónhka wahetsihiónnen tsi wesewátʼkawe tsi nisewatewennarákwaʼkwe ne tkariwaiéri? Onnaháiere tsi tatsisewanónthonse?

Galatians 6:9

Thoʼsa káti tethewawísenhe nahionkwaʼióten ne ioiánere; tóhkaʼ iáh tahitewanikonrókten, ienkáhewe tsi entewaientʼtwáko.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Ephesians 2:21

Rahonháke ne kanonhsakwé꞉kon tsi tehionahthatienahwahkhón꞉nion tánon watehiá꞉rons nahionnonhsatokentíʼke né nahonwahthonnahérahse ne Roiá꞉ner.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Ephesians 4:16

Tsi rahónha thoniarótaron akwékon tsi natekontʼtihánions noierónta kwáh íken tsi tkariwaiéri tsi natekakʼkhánion, tánon ne oierontakwékon tsi níkon teiostóntere tsi tehionatatienawákon tsi nikasahánion. Neh káti nónen neh skátʼtion tsi ní꞉ioht tsi enhiotiʼióten tsi natehiothonwentióʼon, kwáh oierontakwékon tsi enwateiáron ó꞉ni enwatathónnien ne entkáhawe ne kanoronkwátshera.

Deuteronomy 2:25

Kén꞉en ienwatáshawen kwáh tsit nonhwéson tsi enkheión꞉nien nonkweʼshón꞉ʼas naiesatsaní꞉sehke. Onhkweʼtakwé꞉kon tsi enhotihiatiʼtshónkwe tsi nenhotiʼterónhne nenieshasenhnà꞉ronhke.’

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Colossians 1:25

Tánon Rawenni꞉io rahkenahtserón꞉ni tsi nokwáh ne tiakawetákwen, raónha taká꞉wi kí꞉ken kahiò꞉tense nahontió꞉ten ne sewahriwáh꞉ke. Né꞉ne kahioténsera kwáh akananónhake ahontroriháke ne rahoteriwahnotátsera,

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

1 Thessalonians 3:3

nekáti neʼtóhsa ahónton ne tahonshesewakʼkaraténi ne akarihónni kí꞉ken kakenronniátsheras. Iatesewahiáti sehwahteriéntahre nètho kakenronniátsheras neh tsi éhʼtho nithoriwanonwéʼon ne Rawenni꞉io nonkwariwáhke.

1 Thessalonians 3:5

Ne aoríwah ne Timothy iaʼihiaténiethe. Iáh tiesewakʼkwénion, iaʼihiaténiethe nahatkénsera tsi nòkwa ne sewetakwéntshera. Oriwiʼiohónwe tsi iáh ne tèken ne ranesonrónon wahianikonrotáko tánon akwékon nonkwahioténsera iáh thènen tshiatehionénon!

1 Thessalonians 5:8

Nonkentiekhè꞉ne nón nihhionkwáwenk, tánon tehiotonwentióʼon naitionnihióhake. Tehionkwahtonwentióʼni naítewatsthe ne tewetákwen ó꞉ni ne kanoronkwáhtshera thóh nahiotónhake tsi ní꞉ioht ne iontentskwenohróktha, tánon nonkwahskanéktshera ne kaiatakenátshera thóh nahióton tsi ní꞉ioht ne iononwahrotsheraníron.

2 Thessalonians 2:16

Aiáwens ne Sonkwahiáner Ié꞉sos Kerístos ó꞉ni ne Ní꞉io Sonkwahníha, tsi nikaíren ne sonkwahnorónkwahon tánon ó꞉ni ne raotenretserákon teshonkwáwi ne iáh tehionéronse kanikonrahnirátʼtshera tánon ne ioriwahníron arahrátʼtshera,

1 Timothy 1:12

Tehinonwerátons ne Kerístos Ié꞉sos Sonkwaiáner, raónha takáwi ne kasatsʼténsera tsi nòkwa natioténsera. Tehinonwerátons tsi rahkanonthónnionse nakeriwastáton tánon ratiatarákwen nahiʼiótense,

1 Timothy 2:7

tánon neh aoríhwa iehionkatheniéton tsi kateriwanótʼtha ó꞉ni kheʼrihonniénni ne iáh tehatisitaerónon, nahkateriwanóten ne tewetákwen ó꞉ni norihwí꞉io. Iáh tekanowéntha; Orihwí꞉io tsi nahóten katróris!

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Titus 3:7

nekáti nètho rahoténrat ionkwahrahratʼtieráien entionkwaianerásten tsi nòkwa ne Ní꞉io tánon entʼkáhawe naitewaiéna ne ionnheʼónwe atónnhets tsi nihtewaskáneks.

Hebrews 10:38

Ne tionkweʼtaié꞉ri thóh ne nón꞉we nironhnonhnhétse tsi nithanetákwen; nok tóka ónhka tsi niháti tenshontʼkarahté꞉ni, iáh Tahontahionkenikonrahié꞉rithe.”

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

Hebrews 3:6

Nók ne Kerístos rorihwahtóken tsi nòkwah ne roʼníha tsi rohteriwahtentiáton ne Rawenni꞉io rahonón꞉sha. Í꞉i ne rahonónsha íken tóka ientewahtashónteren nonkwáh nikonranirátʼtshera ó꞉ni tsi tionkwetákwen nahóten tewaskáneks.

Hebrews 4:14

Kwáh, káti, iohníron tsi ionhkwahtienawastónhak tsi nitionkwetákwen. Asèken Rahtsihenstowáhnen ionhkwahtsihénstaien thóh nieshawéhnon tsi ténteron ne Ní꞉io—Ié꞉sos, né꞉ne Ní꞉io Roiénha.

Hebrews 6:19

Tsi nitiónnhe né kí꞉ken nonkwahrahráʼtshera tsi ní꞉ioht ne iakoristhontiétha. Kwáh iorihwahníron ó꞉ni orihwí꞉io, tánon ne ononsatokentíke kanónskon tioniatarénton kwáh iatheiohétstha.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.