Colossians 1:21 - Ohiatonhseratokénti

²¹ Iehioteratston ainon nió꞉re tisewéskwe rahonháke ne Rawenni꞉io tánon tesewahtatʼtiónskwe tiorì꞉wah tsi nikariwáksens tsi nisewahtiéren ó꞉ni tsi nisewahnonthonnión꞉on.

Colossians 1:21 ပူးပေါင်းရင်းမြစ်များ

2 Samuel 22:24

Kwáh iáh othènon tewakeníkon ne raohén꞉ton, tánon wakataʼtienawákon neh tó꞉sa othènnon ahonkení꞉ke.

Ezekiel 14:5

Konhtiʼkwékon tí꞉ken kahiatonhnisónhas wahonwathikarenhráhkwahthe Nisraeró꞉nonhs tsi nòkwah Ní꞉ih, ók kíʼ tsi tenkeriwahsehráko aiáwenhs ahonsahtiéna ne rahothiriwahtokéntshera.

Romans 1:30

tánon tehontathanowenténis; ronwásons neh Rawenni꞉io, rothiʼianerenseráksen, rontatónni, tánon rathináie; sénha ne é꞉so rononthonniónkwa onhnahatíʼiere ne wahétken; iáh tesakothiwenʼnarákwa neh ronwathiʼienhokónhas;

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Ephesians 2:15

Tsi raʼhierónke nón꞉we naʼhariwáhthonthe ne Sitaeró꞉nons rahotiʼianerén꞉sera keʼnikweʼkonhátie natsawenrá꞉ʼtseras ó꞉ni tsi nihotiʼianerenserótens, ne nahón꞉ton ne tekentiókwake nénskat khók á꞉se ahonshasakotsiokónnien tsi tahonateriwaʼshón꞉teraʼke ne rahónha, ne kí enkakwé꞉ni ne skénʼnen ahón꞉ton.

Ephesians 2:19

Ne káti, í꞉se ne iáh tesewasitaeʼró꞉nons iáh seh thitsonhontsáte tèken khés ó꞉ni ne kakʼnón꞉we thaonthesewé꞉non; ó꞉nen ne skát꞉ne sewaʼnákeʼre ne Rawení꞉io raʼotió꞉kwa ó꞉ni sewahiá꞉tare ne Rawenni꞉io raʼowatsíraʼkon.

Ephesians 4:18

Tánon tetʼthonihnikonráhkaras. Kwáh iáh thènen teʼonsterístha tsi ní꞉ioht ne Rawenni꞉io tsi tesakówis tsi ahonʼnónʼnheke, kwáh rathirakonróhnon ó꞉ni rohthinontsisthaníron.

Ne꞉ne Sák Rohiaton 4:4

Ne iáh teiakoriwatóken nónkwe! Iáh kén tesewateriéntare né꞉ne ahisewaténroke né tsi ionwentsiáte ne kéntons tensewaterohserák꞉sen ne Rawenni꞉io? Tóh꞉ka íhsere neh ahisewaténrohke ne tsi ionwentsiáte, wahsathatónnien natsisewáshon ne Rawenni꞉io.