Colossians 1:18 - Ohiatonhseratokénti

¹⁸ Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.

Colossians 1:18 ပူးပေါင်းရင်းမြစ်များ

Psalms 89:27

Kwáh rahónha ne enhiʼhiónhniaʼte ne thóh tserénhton rawenhnakeráton riʼiénha, né kwáh enthasenhnowàʼnenhke ne rotinontí꞉ios ne tsi ionhwenhtsáte.

Song of Songs 5:10

Ne riʼnorónhkwa kwáh roʼtakaríte tanon raʼshokwí꞉io, sénha tsi ní꞉iot ne oieri tewenhnawenhetserásen nahonhatsókwaske.

Isaiah 52:13

Sewatʼkátho, nakenhá꞉tshera kwáh kí enhohʼianerásthen; kwáh enhonwasenhnakaráthaʼte tánon enhonwahiatakaʼráhtaʼte, tánon kwáh í꞉ken tsi èhʼneken enkénhake.

Matthew 23:8

Tosa tanon nise aietsinatonkȣake: Sonkȣaȣenniio! Aseken Keristos ok raonhaa hetsiseȣarihonnienni nok nise akȣekon tiieseȣatatekenha.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

John 1:1

Tsi tiotasaȣe Ranakerekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.

John 1:16

Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.

John 1:27

Neh tenhiatiatasonterako, takhenteston, oni; neh oni noiah teȣakerionte neok oni nahiiennikatsenanerensi.

Acts 26:23

Nètho Kerístos ónenk tsi enharonhiáken tánon raónha tentʼthatiérente tentʼtatʼkétsko ne kenheiát꞉ne, nahsakorihowanháten nahoswatʼthétsera ne kaiatakenhátsera ne Sitaeró꞉nons tánon ne iáh tehathisitaerónons.”

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

1 Corinthians 11:3

Ónk tewahkathonwenhtióni nahisanikonraiéntaʼne nètho Kerístos tsi kwáh tseshakowenní꞉io ne rohnónkwe, ne rohniákon tseshakowenhní꞉io ne róne, tánon ne Rawenni꞉io tsehohiatakweʼní꞉io ne Kerístos.

1 Corinthians 12:27

Kwáh sekwahkwékon ne iewáhtons ne Kerístos raiéronke, tánon kwáh tsi sewahiatátʼtion tsi ensewahiátare.

1 Corinthians 15:25

Asèken ne Kerístos ónenk tsi entaniaróhtaroke tsi nío꞉re ne Rawenni꞉io enshakosénni ratikwékon ne ronwáhsons tánon rahshitókon nónwe nenhonataténronhke.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 5:23

Asèken ne roniákon rahónha rahiatakweʼní꞉io tsi nòkwa ne róʼne kwáh kíʼ tsi ní꞉ioht ne Kerístos rahónha rahiatakweʼní꞉io tsi nòkwa nononsatokénti; tánon ne Kerístos rahonhatsíwa roniakénton nononsatokénti, nehne rahiéronke.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Colossians 2:19

tánon ronatʼkáwen tsi Kerístos ronwahniahésen, tsi raónha nonóntsi iéken noierónta. Tsi Kerístos toniarohtáron noierontakwé꞉kon ne nahókwah ó꞉ni tehionatatsenawákon tsi tehiostonteron꞉nion ó꞉ni notsinonhiatonsónhas, tánon wahtehiárons tsi natehotonwentióni ne Rawenni꞉io nahontehiá꞉ron.

1 Sawátis 1:1

Iakwaiáthonse aoriwáke ne ionnheʼónwe owénna, neh꞉ne sikáien ne kwá sitiotásawe. Ionkwarónken, tánon kwá í꞉i tewakaráke ionkwatkáton; hen, ionkwatkáton, tánon ó꞉ni ne tewatshanáke ieioienáʼon.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 1:8

“Í꞉i ne tsi tiotáhsawe (Alpha) tánon ne tsi iehiotókte (Omega),” ráton ne Roiá꞉ner Ní꞉io, raónha se tánon raónha tsi nitsotónhne, ne ne Roshatstenhserowá꞉nen.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 21:6

Eʼthó꞉ne wahakénhase, “Ó꞉nen ontè꞉sa! Í꞉i ne tsiotserentá꞉kwen ó꞉ni nonakénkha, né꞉ne tsiotasawáhkwen tánon tsi ieiotót꞉te. Ne rotiniatát꞉tens í꞉i kwáh enkhenená꞉nonte tsi enkhé꞉ion thóh nénhtewe tsi tsió꞉nekote noné꞉kanos natón꞉nhets.

Revelation 22:13

Í꞉ih ne Alpha ó꞉ni ne Omega, ne ne tsiotserentá꞉kwen ó꞉ni noná꞉kenkha, ne ne tsiotá꞉sawahkwen tánon ne tsi ieiotót꞉te.”

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion: