Colossians 1:16 - Ohiatonhseratokénti

¹⁶ Asè꞉ken rahonhá꞉ke nón꞉we ne Rawenni꞉io orihwakwé꞉kon nihosahánion ne tsi karonhiá꞉te ó꞉ni nonwentsiá꞉ke, ne ióken tanon nahóten ne iáh teiókens, thóh í꞉kare ne kariwiiostóntsera ahosasténseras, Rotiʼianers, ratikorásons, tánon ne karíhtons. Rawenni꞉io kwáh orihwakwé꞉kon rahonhá꞉ke non rosahánion ne tsi karonhiá꞉te ó꞉ni ne tsi ionwentsiá꞉te tanon rahónha rahoriwà꞉ke.

Colossians 1:16 ပူးပေါင်းရင်းမြစ်များ

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Proverbs 16:4

Akwé꞉kon ne Roiá꞉ner tsi nahò꞉ten róhson nieionateríhonte; tsi niahonenonhátie ne rotirihwaneraʼákskon enhatiiaʼtáhton.

Isaiah 43:21

né nonkweʼshónhas ne kheʼiatonhniá꞉nion ní꞉i akerihwá꞉ke né ká꞉ti nontiérenk ahontʼró꞉ri nakenonweratóntshera.

Isaiah 44:24

Ká꞉ti rá꞉ton ne Roiá꞉ner, né shiaʼhiatákwen, ónhka iesaiatón꞉ni ne tsi watewiʼraráhkwah: I꞉i ne Watiá꞉ner, wakʼsahánion norihwakwékons, iatetiá꞉ti khók tsi tewakʼtakwahríhton ne tsi karonhiátes, iatetiá꞉ti khók tsi wakonhontsaʼkwénhtaron;

John 1:10

Ranakerekȣe tsi ionȣentsiate raonha roson tsi ionȣentsiate, nok ki iah tehonȣathontati ne iakonȣentsiakeronon.

John 1:3

Oriȣakȣekon Raonha roson, iah othenon tekason nʼiah raonha tahoson.

Romans 11:36

Asèken oriwakwékon Raónha Rawenni꞉io róhson, ó꞉ni akwékon Raónha roteriwahtentsiáton tánon kwáh hiatehaʼiáti. Ahonwasénʼnaien ne Rawenni꞉io ne tsi nihohiatanerákwat tsi nénwe! Éhʼthoʼnaiáwenʼne.

Romans 8:38

Kwáh wahkeriwaníron tsi iáh thènen takakwéni neh tahionkwakáshase tsi nòkwa ne rahononronkwátsera; kwa iáh thènen tewahsterístha tohkàken ahitewénheie tòhka ó꞉ni nahitiónʼnheke; ratironhiakerónons, ratirorásons, tánon neh tkasatsʼténseras ne karonhiáke iáh takakwéni ne tahionkwakháshases ne rahononronkwátsera, tánon tsi niʼiawénserons nónwa ó꞉ni tsi neniawénseron tsi niahawenonhátie iáh takakwéni ne tahionkwakháshion ne rahononronkwátsera,

Romans 9:5

thóhʼnon tahathiwatsiratátie neh kwáh rononkweʼtowaʼnénskwe ne Hebrews; tánon ne Kerístos, tsi ónkwe ihken neh sahothitsiókwa. Aiáwens ne Rawenni꞉io tsi rahónha akwékon sakoháwi, tsi nénwe aionwasennaʼiénseke!

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Deuteronomy 4:39

Ká꞉ti sewehiárak nón꞉wa wenhniserá꞉te tánon tó꞉sa nonhwénton sasewaʼnikónhren: Ne Roiá꞉ner tsi Rawenni꞉io ne karonhià꞉ke ó꞉ni nonhwenhtsà꞉ke. Iáh nó꞉iah teká꞉ien ne ní꞉io.

Philippians 2:10

Neh káti aoríwa nenhonwasennáronke ne Ié꞉sos kwá kíʼ onhkwetaʼkwékon tsi teniontentióten, neh karonhiáke, ó꞉ni nonwentsiáke, tánon neh nonwentiokónson.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Colossians 2:10

tánon tiesáwi nakanahnónhake tsi ahsónnheke tsi natetiateriwahsóntere. Raónha ne rahiatakwení꞉io ne kwáh tsík nahoʼténhsons ne ionhnheʼón꞉we ó꞉ni ne kaianerénsera.

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.