Colossians 1:15 - Ohiatonhseratokénti

¹⁵ Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

Colossians 1:15 ပူးပေါင်းရင်းမြစ်များ

Psalms 89:27

Kwáh rahónha ne enhiʼhiónhniaʼte ne thóh tserénhton rawenhnakeráton riʼiénha, né kwáh enthasenhnowàʼnenhke ne rotinontí꞉ios ne tsi ionhwenhtsáte.

Exodus 24:10

tánon wahonwá꞉ken ne SakoNí꞉io ne lsraerʼró꞉non. Ne tsi nónhwe niháʼrahte tsi í꞉ken ní꞉ioht ne akanetakwentáronke ne ohrónhia niwashoʼkóten ne kanenhianóron sapphire konwanatónkwa, kwáh ohrónhia ní꞉ioht tsi ní꞉ioht ne tsi iotsíkerahre.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

John 1:1

Tsi tiotasaȣe Ranakerekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

John 14:9

Tontahoȣennaȣeron ne Iesos, ȣahenron: Onen nahe siteȣakȣekonhaties nok iah teskȣaienteri! Philipp onka kiok rakken, rokenki ne Rakeniha; oh kati niiotieren tsi saton, takȣanatonhas ne Roniha?

John 15:24

Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Philippians 2:6

Kerístos kwá oriwí꞉io tsi Rawenni꞉io kènʼne. Nók iáh tehotheniénten ne sathatahonátʼteke ne Ní꞉io.

Colossians 1:13

Sesonkwaniakénton tsi nokwáhnahosasténhsera ne tetiò꞉karas onk kwáh skén꞉non tsi thontashonkwahiaténhawe rahonakeraserá꞉kon ne tsi nihonorónkwa ne Roiénha,

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 1:6

Nók nónen ne Rawenni꞉io ákta síweh nahontaoténiethe ne tiotserénton rawennakeráton roiénha ne tsi ionwentsá꞉te, wahénron, “Ratikwékon ne Rawenni꞉io raoronhiakerónons ónenk tsi enhonwahsénnaien.”

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion: