Colossians 1:10 - Ohiatonhseratokénti

¹⁰ Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Colossians 1:10 ပူးပေါင်းရင်းမြစ်များ

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Isaiah 53:11

Thóh kí rahoronhiakenserákon kwáh enhatʼkátho ne kaswaʼthétsera; enhatsénhri nawerientiʼiótshera thóh raotohkhatserákon, ne énska ne roiánere, nakenhá꞉tshera, iakotsiokówanen ensakahónhnien naʼhiakorihwakwahrihshiónhaʼke, tánon rahónha enhatkéthaʼte ne raoʼtirihwaneraháktsheras.

Daniel 12:4

Wahakénhase, “Ó꞉nen ki, Daniel, sasennhó꞉ton neʼtho kahiatónhsera tánon senerahkenʼtó꞉ren tsi niió꞉re iensewatonwentsaríhsi. Tsi neniohtonhátie, iakotiohkowá꞉nen ne raotiioʼténhsera enkaiésha ronteʼnién꞉tha ne ahotiʼnikonhraién꞉taʼne tsi neniohtonhátie.”

Micah 4:5

Asè꞉ken onkweʼtakwé꞉kon tsi tehiontekhaháhkwa, satihiatátions thóh raotisenhnákon ne raotinihioʼó꞉kons, ók kíʼ nonkwahtsákes thóh nón꞉we nenhtewahténhti thóh raosenhnákon ne Roiá꞉ner ónhkwah Ní꞉io né꞉ne tsi nénhwe enkénhake.

Habakkuk 2:14

Ók ne ronhnonhontsakeró꞉nons kwáh tentʼká꞉rake tsi enhotinikonhraientháhsehke ne raoshatsténhsera tánon tsi nateotenonhianì꞉ton ne Roiá꞉ner, kwáh kíʼ tsi ní꞉ioht ne kaniatarakeʼkó꞉wa titkanekáhere.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

John 15:8

Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

Romans 1:13

Ónenk tsi ensewehiárake, tewatatékens, é꞉so ioriwáke wakatenikonrónni niaʼkwanatarénase, nók knahótenk tiókonte watiotátiskwe neh nátiere. Tewakatonhontió꞉ni nakeiatkwéni naʼkeriwiʼiosthontserateni neh skátne sewanákereh, tsi niwatiéren nakʼtéson nónwe neh iáh tehatisitaeronons.

Romans 4:12

Rahona ó꞉ni ronwaníha tsi niháti ne ronwatiwarakwétaron, iáh netèken tòhka kén neh tsi ronwathiwarakwétaron, Nók neh tsi kwáh éhʼtho ní꞉ioht tsi ronnonnhétie tsi thonethákwen nètho kanísera Abraham rónʼnhekwe nhohénton sahonwahwarakwétaron. Ne Abraham ne tsi tawethákwenʼne ne Rawenni꞉io wahaiéna tsi nahóten rhorahrátston ne Rawenni꞉io.

Romans 6:4

Tsi ionkwatenekwahéston, nekáti, wehtewénheie tsi ní꞉ioht neh skát꞉ne ne raónha, tánon skát꞉ne ionkihiatháten, neh nahontáwe, kwáh tsi ní꞉ioht tsi sonwakhéskwen ne Kerístos ne kenheiát꞉ne, neh tsi niʼioriwanerákwat ne rahosatsʼtensera ne Kahnísera, neh nahónton náse nahonsiʼtsiónʼnhe꞉ke.

2 Corinthians 2:14

Tenhinonhwerá꞉ton ne Rawenni꞉io, ne se wáhi teionkwateriwashontere oh naiá꞉wen ne aietewakwé꞉ni ahtshitewaioʼténhse ne Kerístos. Rawenni꞉io tehshonkwá꞉wi ne taietewaterihwaré꞉niaʼte ne Kerístos raorihwà꞉ke kwáh ne neh wenhserakon.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Corinthians 5:9

Ók ó꞉ni tóka skátne aitewenʼterón꞉take ne Roiá꞉ner, tóka ó꞉ni, í꞉non niió꞉re naʼtaietewátereke, shé꞉kon kiʼ nen né꞉ʼe tewateʼnién꞉tha naontatshitewaʼnikonhraié꞉rite.

2 Corinthians 9:8

Rawenni꞉io seʼ enhiaiaʼtaté꞉riste, ó꞉ni énthion tsi naʼtesatonhontsó꞉ni. Ó꞉ni tiótkon iaʼtekaié꞉ri tsi nensaién꞉take ne otiaʼkéhshon ahsheié꞉nawase.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 4:1

Kwaretsárons, káti—í꞉i ne keʼnhóton neh tsi Roiá꞉ner rihiótense: thóh tiónʼnhek tsi nateiotonhontióʼon tsi nithotáthnon ne Rawenni꞉io neh shatsisewánha꞉ne.

Ephesians 4:13

Tánon káti tewakwékon entewateróhroke nethóʼnon tsi sahonkwaríwa íken tsi ní tionkwetákwen ó꞉ni tsi tsitewanikonraiéntas ne Rawenni꞉io Roiénha; kwáh káti entewathonkwetísa, iéntewawe kwáh tsi nihanenhiésonʼne ne Kerístos.

Ephesians 5:10

Sateniénten ne sahióten nahonthatsenikonraiérite ne Roiá꞉ner.

Ephesians 5:15

Káti sewathatenikónrahrak tsi ní꞉ioht tsi entiónnheke. Tóhsa thóh natsionnoténhak tsi ní꞉ioht ne tiakothónʼnokte, nók thóh nationnoténhak tsi ní꞉ioht ne rontʼthókas.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Philippians 1:11

Ié꞉sos Kerístos thenhiaweiennaráhte ne ensaióhten ne kaiohtenserí꞉ios ne iewathihénthos ne kahiatanerakwátshera ó꞉ni ne aʼhonwasén꞉naien ne Rawenni꞉io.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Colossians 2:19

tánon ronatʼkáwen tsi Kerístos ronwahniahésen, tsi raónha nonóntsi iéken noierónta. Tsi Kerístos toniarohtáron noierontakwé꞉kon ne nahókwah ó꞉ni tehionatatsenawákon tsi tehiostonteron꞉nion ó꞉ni notsinonhiatonsónhas, tánon wahtehiárons tsi natehotonwentióni ne Rawenni꞉io nahontehiá꞉ron.

Colossians 2:6

Tsi ó꞉nen tieriwahnirá꞉ti ne Kerístos Ié꞉sos tsi raónha ne Roiá꞉ner, tiónhnet tsi tetiateriwahsóntere.

Colossians 3:20

Sewaksaokónhas, tsi sewariwiióstons kwáh sewateriwaié꞉ni ne tiótʼkonhón꞉we aieʼtsiwenhnaráhkwake ne iaʼní꞉ha ó꞉ni ne saʼnisténha, asè꞉ken ne rawerentihióstha ne Rawenni꞉io.

Colossians 4:5

Sewahnikonrowahnénhak tsi ní꞉ioht tsi ensewahtorianéron tsi nokwáh ne iáh tethonetákwen, tión꞉ni nahioianeréhake naisewásthe natesénna tsi nihsewá꞉ien.

1 Thessalonians 2:12

Wahʼkwáhʼnikonráhreke, wahkwáhʼnikonrahnirate, tánon iahakwahkóntakwe wakwahʼretsiáron thóh ní꞉ioht tsi tsiónnhek tsi nitanón꞉wes ne Rawenni꞉io, tsi nikáien ne iehianátons nashatiátaren ne Raonakerahserákon ó꞉ni ne raohiatanerahkwatsherákon.

1 Thessalonians 4:1

Nonakénh꞉kha, tewatenroʼshón꞉ʼa, wahkwahrihónnien ónh꞉ní꞉ioht tsi aitiónnheke tsi ahontatsisewahnikonraiérite ne Rawenni꞉io. Ne kí꞉ken, ne kwáh thóh ní꞉ioht, tsi tionnhétie꞉ne. Tánon nónwa wahkwanéken ó꞉ni kwahretiárons raosénnakon ne Roiá꞉ner Ié꞉sos ne sénha ísinon tsi naisewáh꞉iere.

2 Timothy 2:4

Ne ratherí꞉ios ne rotʼtsiotarónni tehotonwentióni nahontahonikonraiérithe ne rasennowánen tánon iáh tathehariwaiéstha ne óia nihiorihoténsons.

Titus 3:1

Sehiehiaráhkwen ne sonkwetaʼsónha nahonwatiwénnarahkwe ne ratikoráhsons ó꞉ni ne rahonnonkwetaʼsónhas, nahonwatiwénnarahkwe, tánon nahonathateweiennentáʼon kwák tsi nahontahiotseráhton ne ahothiʼióten ne ioiánereh.

Titus 3:14

Nontionkwetaʼshónhas ónenk tsi enhontatenakthótʼthase nahotihióten ne ioiánere, ne nahónton nahsakotiʼiénawahse ne kwáh tehiakothonwentiónis; iáh tatehiothonwentióʼon ne kwáh iáh thènen tahatísthake tsi ronnònnhe.

Hebrews 11:5

Tewehtákwenh seh wahonónstathe ne Enoch tsi iáh tehawenhéion. Khèʼkhok, Ni꞉ióʼne niahonwahiaténhawe, tánon iahónka tehiotón꞉on nahonshahonwahiataʼtshénrion, tioríhwa tsi Rawenni꞉io iaohiaténhawe. Norihwahtokénti wáhton né꞉tho Enoch nohénton shahonwahiatakaráhtaʼthe, thóh nikonrahieríhton ne Rawenni꞉io.

Hebrews 13:16

Tóhsa sewahnikónren nahontesewahriwaʼiérike tsi nahtesewáhteʼre, tioríhwa ne kí꞉ken ne kariwiʼiosehokónhas rawerientiʼiosténnis ne Rawenni꞉io.

2 Tiér 1:8

Neh kí꞉ken naorihoténsons tesewatonwentióni, tánon tóhka kwá ne sewenhʼtiokwa weso tsi nihsewáien, kwá entiónʼnien naisewahióten tánon kwá enkariwastháton ne sewatʼthotkhátshera tsi nòkwa ne Sonkwaiáner Ié꞉sos Kerístos.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

1 Sawátis 3:22

Entewaiéna kwá tsi nahoténsons entsitewariwanóntonse, ne tsi ehtsitewawennarákwa tánon ne ionkwahióte nahontatsitewanikonraiérite.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

3 Sawátis 1:6

Kén꞉en kih ionterennaientháhkwa wahathitharákwe ne sanoronkwáhtsera. Ahsatʼthontátseke seienáwas niahontasónteren tsi ronthahí꞉ne ne nahónton naonthatsenikonraié꞉rite ne Rawenni꞉io.