Amos 9:7 - Ohiatonhseratokénti

⁷ Iáh ken í꞉se téken ne Ethiopiaró꞉nons nakonháke, Otiónkwe Nisraeró꞉nonke? rá꞉ton ne Roiá꞉ner. Iáh ken Í꞉i tatekhehiathénha nʼIsraerʼró꞉nons ne tsi tionhontsá꞉ien ne Egypt, tánon ne Philistiaró꞉nons ne Crete tánon ne Aramró꞉nons ne Kir nón꞉we?

Amos 9:7 ပူးပေါင်းရင်းမြစ်များ

2 Kings 16:9

Né Tiglath Pileser, tsi watorihwaserákwahse ne Ahaz; iahanénhrihne ne raoʼtsiókwah ne ronterí꞉ios niasakotiatónhti ne Damascus, wahaiéna kíʼ, wahononwariákon ne Ronnontí꞉io Rezin, tánon nonkweʼshón꞉as Kir nón꞉we niashaʼkoiaténhawe tsi washakonóton.

2 Chronicles 14:12

Né Roiá꞉ner washakosénhni ne Ethiopianró꞉nons ronhterí꞉ios nó꞉nen ne Asa tánon ne Judahró꞉nons ronterí꞉ios iahonwanatsatónhti. Wahontèko,

2 Chronicles 14:9

Ethiopianró꞉non Zerah ronhwáiastsʼkwe washakonenhrénhten ne Judahró꞉nons énska míriien niháti rahonkwetaiénthakwe ne ronhterí꞉ios tánon ásenh-tewenhniáwe nikasehráthakes otsónkwas rosehrethaiénthakwe tánon thóh nió꞉re iahaniháro né Mareshah nón꞉we.

Exodus 12:51

Thóh wenhniseráteʼkwe ne Roiá꞉ner thasakohiaʼtí꞉nekenʼwe ne lsraeró꞉nons rahoʼtiʼtiókwas ne Egypt nónwe.

Isaiah 20:4

káti ne ronnontí꞉io ne Assyria iensakosárihne ne Egyptró꞉nons tsi ensakonhóton ó꞉ni ne Cushró꞉nons tsi ní꞉ioht ne ronwaʼnanahkerakwáhton, kwáh sathenhiótonke né꞉ne kén nithoʼtiiónsas ó꞉ni ne rotiʼtstohokónhas, raoʼtinehóskonk thí꞉ken tánon raoʼnaskawetóskonk, tánon ne tsehotiʼnahtsakétote, ne nahotehénhsera ne Egypt.

Isaiah 22:6

Elam rahá꞉we ne kaiénkwire waterá꞉kwah ne tahohonwísere ne otsiónkwas tánon ne ronterí꞉io koshátens tahotisháthentse, tánon ne Kir wakarorók꞉si ne tehioniatastákwah.

Isaiah 43:3

Asèken Í꞉i ne Watiá꞉ner í꞉ken né Saní꞉io, né꞉ne Roiatatokénti khók í꞉ken ne Israerʼronónke, né꞉ne shiaʼiatákwen. Tká꞉wi ne Egypt né꞉ne ahonsehsanerénhsi, tánon ne Seba né꞉ne tahonthaʼtawístakwe ní꞉se.

Jeremiah 13:23

Ahiekwéni onhtèken ne onhkweshón꞉a tahietéhni tsi nihionsohkóten ne akonhéhont, tó꞉ka ó꞉ni ne tahkoskóhwa ne iohrahkwahrónnions ahonthónthe tsi iohrahkwahrónnions? Tó꞉ka ahiekwéni, í꞉seh ne nék khók sehwahiote ne kariwahétken ahónton nahisehwahweientéthaʼne né sehwahióten ne tkarihwahiéri.

Jeremiah 47:4

ónenh iakáhewe naʼkariwahtóntonke ne Philistia, skátʼke ne thonahtenróhon ne ne Tyre ó꞉ni ne Sidon nónhwe tánon tsi niháti ne iatehonahtaténron ne sahkotiʼhienáhwaʼse. Í꞉i, ne Watiá꞉ner, kwáh enkhehiáthonʼte ne Philistiaró꞉nons, ó꞉ni tsi niháti ne thohnénon ne atsaʼtákʼtha ne Crete.

Hosea 12:13

Ne Roiá꞉ner rotokénhse iahotó꞉ri né꞉ne tahontasakohiaʼthénhawe nʼIsraerʼró꞉nons ne Egypt iehón꞉nes, tánon tashakorihwasniése.

Amos 1:5

Kwáh tenkhrihtánion ne tekaristahrenhwánions ne tsi iotenhenrakahrón꞉tonʼs ne Damascus, tánon kwáh enhinonhwariá꞉kon ne rakó꞉ra naonhráhkwakon ne Aven nón꞉we nihanákere, tánon tsi niká꞉ien ne raʼnhiénhawe ne rakó꞉ra ráoʼnhia ne Beth-eden nón꞉we; tánon nonkwehó꞉konʼs ne Aram nón꞉we kwáh nenʼneʼeh Kir nón꞉we ienhonwanaténniehte, rá꞉ton ne Roiá꞉ner.

Amos 2:10

Kwáh ó꞉ni tetkoniaʼtinekénhen ne tsi tiohontsá꞉ien ne Egypt, tánon waʼkonhén꞉teʼse kaié꞉ri niiohseráhsen nikarí꞉weʼskwe ne iaonhwentsathenhá꞉ke, ne naesawenkhón꞉weke tsi rononhontsá꞉ien ne Amorʼró꞉nons.

Deuteronomy 2:23

Nohóntsas ne ió꞉seron ne Mediterranean atiaʼthónties thóh nónhwe nihonatenaʼtón꞉ni nonhkweʼshón꞉ʼas ne Crete nithoné꞉non. Ronónha ronwanaʼthónton ne Avvim, né꞉ne thatinakerehónwekwe, tánon akwé꞉kon ronatienawáston ne raononhóntsas kwáh tsi nió꞉re nentiè꞉ne nokwáhti iotohesthákwen ne tsi kanatowá꞉nen Gaza.)