Amos 9:3 - Ohiatonhseratokénti

³ Ethó꞉sane nahontáshete onontakenhiáte ne Carmel, kwáh kí thóh nón꞉we iathenkanénhteste nakheié꞉na; tánon eʼthó꞉sane nahionkataséhten kanonhkwáhke ne kaniatarakeʼkó꞉wa, kwáh kí thóh nón꞉we nenkenáhne ne oʼniarekó꞉wa, nahiakokári.

Amos 9:3 ပူးပေါင်းရင်းမြစ်များ

Genesis 3:8

Wahonathontene ne Roiá꞉ner Rawenni꞉io kahéhtakon tehotekhahahkwenhátie né shiaʼtewatshéntho nó꞉nen shonsonhsón꞉tanohste nokarasnéha shikaʼhá꞉wi, tánon ne rón꞉kwe ó꞉ni ne ró꞉ne wahonwatahséhten tsi non nikehrhí꞉tons ne kahéhtakon.

2 Samuel 22:46

Né thihononhontsáte waʼhonnikonhrók꞉ten, tánon rothiʼiatisónkwa tsi taʼhatiʼiákenʼne nostenhró꞉kon tsi nón꞉we nihonathaséhtonʼne.

Job Tánon ne Raoronhiakensera 22:13

Ne ká꞉ti aorì꞉wa satónhnions, ‘Nahó꞉ten roterièn꞉tare ne Rawenni꞉io? Ahakwé꞉ni ken tahahiató꞉rete tsi nón꞉we ne kwáh tetiò꞉karas?’

Job Tánon ne Raoronhiakensera 34:22

Kwáh iáh káneka ne kwáh tahontahiokaráseke tsi nón꞉we ne ronhnonkweʼtahétkens nahón꞉ton ahontaséhtakwe.

Psalms 68:23

Ká꞉ti né ní꞉se nahónton onekwénhsa asarasitohárete, tánon iekaníhare ne sewaʼtsenenhókonhs éʼrhar enhotihiatáheste.”

Isaiah 27:1

Ne eʼtho entewennhniserateke ne Roiá꞉ner skát꞉ne ne raoniakátstensera tánon ne teotenonhianiton washá꞉rowahne kwáh enhá꞉rewate ne katsinón꞉iowanen ne iotekwenhá꞉tse oniá꞉re, ne ne katsinón꞉iowahnen tewatsiá꞉thatatseons oniá꞉re, tánon kwáh enhanonwa꞉riákon ne ionnonhwarón꞉tietha ne kaniatarakekó꞉wane í꞉wes.

Jeremiah 16:16

Ne Roiá꞉ner ráton, “Iakhehiateniéthaʼne kwáh ronatiokowáhnen ne ronrhiokawínes nahonthahónʼne tánon ashakotiʼiéna kíʼ onhkweshón꞉a. Ethónʼne kwáh ronatiokowáhnenh rontó꞉rats ienkhehiaténieʼte nahonwahnató꞉rahte kwáh tsi niaʼtehionónhtake ó꞉ni ne tsi hionniarónnion ó꞉ni tsi ionsonwéhnions ne ostenráhkes.

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.