Amos 8:6 - Ohiatonhseratokénti

⁶ Tsi enhiét꞉tininon ne rotithenténion ne kawistará꞉ken tánon ne tehiontkárias tsi enietiní꞉non tsoiána ionrasitorótstha áhta, tánon ne entewatkéron ne ionhéwen tetkanatsaró꞉ron.”

Amos 8:6 ပူးပေါင်းရင်းမြစ်များ

Nehemiah 5:8

Tánon wakheién꞉hase, “Nontiónhake, tsi nióre tsi enhionkwakwénionk, thentithihiaʼténhawe ne Sitaeró꞉nons tewathatekénʼahs ronónha ne ronwanathenhnínonkwe ne tiʼotinakareserá꞉te; tánon káti ó꞉nen enhietsihiathenhní꞉non ne sewathatekén꞉as ne raónha ne entionkhihiathenhní꞉nonse?” Tánon sak thahonthatón꞉ni iáh teotikwé꞉nion ne thé꞉non ahonénhke.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Joel 3:3

rontsánake wahónste ne kanenhiatokenhá꞉tons onhontsà꞉ke wahonatséseron né꞉ne akatókenhne ónhka ienhonwatihiaʼténhawe ne ronwatihiénen. Ratitsahokón꞉as ó꞉ni kontitsahokónhas wahonwanatkéron né꞉ne shonatakwahkaréni nahónton, akonhwatikarhiase oni ne ahatininonhthákwe nonenharákeri, nahontonwesénhtakwe.

Joel 3:6

Waseiathenhní꞉non ne ratitsahokón꞉as ne Judahró꞉nons tánon ne ratitsahokón꞉as ne Jerusalemró꞉nons, tsi nokwáh ne Greek, ahí꞉non nió꞉re tsi é꞉ren washeiathenhá꞉wite ne tsi ronateristhatátie.

Amos 2:6

Né katíʼ kí꞉ken aorí꞉wa ne Roiá꞉ner rá꞉ton: Asè꞉ken áhsen nieioterátston iorihwanéren ne Israel, tánon ki ne kaieríhaton iáh nenʼneʼeh thaʼtaonsonkaterihwaténien ne kahrewahtáhtshera; tiorí꞉wa tsi shakonatenhní꞉nons ne tionkweʼtaié꞉ris kahwistará꞉ken ronwatikariákʼtén꞉nis, tánon ne iakotenhténion tsoiá꞉na áhta neʼ tehontatawístha tsi shakonatenhní꞉nons—

Amos 3:9

Ietshirihowanáhten tsi niiá꞉kon ne Rotinontiió꞉sons raotinónhskonʼs ieʼterón꞉ton ne Ashdod, tánon ne tsi kanonhsó꞉tonʼs ne tsi ionhontsá꞉ien ne Egypt, tánon sewén꞉ron, “Sewanitiohkwaró꞉rok ne tsi ionhniahrónnion aktóntieʼs ne Samaria, tánon sewatkáhtho tsi niiorí꞉tstare ne nón꞉we, tánon ne sewaterihwateʼwáhton niioterihwahténtion neh nón꞉we.”

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 8:4

Sahtahónshatat kí꞉ken, i꞉se ne sherahtháties ne tehiontʼkhárhias, tánon sahtheniéntʼtha nahshehiatónte ne iakotenthenténion ne kanakerahserá꞉kon,

Zechariah 5:6

“Nahò꞉ten káti?” wakeriwahnónhton. Wahthariwaʼserá꞉ko, “À꞉there, tánon ne kaháweh ne karihwanerahákʼtshera nonwenhtsiakwé꞉kon.”