Amos 8:5 - Ohiatonhseratokénti

⁵ Sahtónhnions, “Kátke norahkwáhse enwatóhetste ne káti nahónton nahitewatkéron nonátsas; tánon ne iawenhtatonhkénton, ne káti nahónton ahontetewaiéste nonátsa ahontkerónhtake? Tánon kwáh entewastó꞉te ne skawinótsera tsi ní꞉kon watéra tánon tsi watkontserihára nowístas entewátsthete, tánon ne entewaterihwathéntsate nahitewaʼnikónrate tsi entewakontserihárahke.

Amos 8:5 ပူးပေါင်းရင်းမြစ်များ

2 Kings 4:23

“Onh nonhtséren tsi ónhwa wenhniseráte thóh iáhse?” ne teníteron waharihwanónhton. “Iáh seh orákwahse tsi naʼtehiontenónhwerons khés ne iawenhthatokentíke thèken.” “Iáh werohatiénhak,” tsi watkarihwaseráko.

Exodus 31:13

seró꞉ri nonhkweshón꞉ʼa nIsraerʼró꞉nonhke, “Sewakwénienst ne Tsaʼthákhaton, Í꞉i akenhnísera ne tsi wakenhniseraieríton, tsioríwa tsi ne katokénston tsi natethewátere Ní꞉i tánon níse né꞉ne tsi nènhwe thóh nenhiothónhake, nawenésthake tsi Í꞉i ne Watiá꞉ner, né tsionhniáton níse akonhkwetashón꞉á akénhake.

Proverbs 11:1

Roiá꞉ner ráhswens nónhka ieʼnikonhrhá꞉tha naiehkonʼtsherihá꞉ren. Rotonhnháhere nónhka tkaié꞉ri tsi ni tsi iekonʼtsheriháhrha.

Proverbs 16:11

Roiá꞉ner tehotonhwentsó꞉ni tsi kakontsheríhare tánon ne ateʼnienténhtshera aontakariwaié꞉rike nahò꞉ten watenhní꞉non ne kwáh aontakarihwaié꞉rike.

Proverbs 20:23

Roiá꞉ner shakóhswenhs nón꞉kwe ieʼnikonhrhá꞉tha tehshakonatoʼktahkwén꞉ni tsi enhatikhonʼtsherihá꞉ren.

Isaiah 1:13

Théshas nahontásheste iáh kí ne othènen tehioríhonte; ne kaienkwahrákon shatsahátha ítsons nènhneʼe. Norákwahse tánon nawenhtatokentíkes tánon iaʼtesewatatinóntʼkons naisewatkenhnísa— Iáh tatkwéni nakatakáts꞉tate ne hiorihwatóken karihwiʼiostóntshera sewatsataróhroks ne karihwanerenhakʼtsherákon.

Isaiah 58:13

Tó꞉ka ensátkaʼwe tó꞉sa asehrihwátonʼte nawenhtatokentíke, tsi nihsatiéra ne iateshiá꞉ti ahiʼsahianerásthen naʼkenhniseratokentíke; tó꞉ka né ensehnátonʼkwe ne iawenhtaʼtokentíke iatetsokétoʼte atonhnarhátshera í꞉ken tánon né꞉ne rawenhniseratokentítshera ne Roiá꞉ner iotkwenienskó꞉wa íken; tó꞉ka ensenhniseranóronsʼte, iáh né tashaʼterihwaténtiaʼte né í꞉se sarihwashón꞉has, né ashaʼterihwaténtiaʼte ne iateshiá꞉ti ahiʼsahianerásthen, khés né꞉ne ashaʼterihwaténtsiaʼte ne iateshiá꞉ti sarihwashón꞉has;

Hosea 12:7

Ne rothenhninón꞉serote, né raháwe ne kaʼnikonrá꞉tha iekontseriharáhkwa, rahonwéskwani ne tasakoʼnikonkáriate.

Hosea 12:8

Ne Ephraim iá꞉wenh, “Ah, wakwáhtse, Iatetsá꞉ti wakeró꞉ron natsiokowáhtsera; akwé꞉kon í꞉i wakeró꞉ron iáh ne kanikonrá꞉ton tekatsénron nakonhà꞉ke né꞉tho karihwané꞉renh ne í꞉ken.”

Leviticus 19:36

Ne ísewats ne kaienhtéri iekonhtserihará꞉kwah, ne tkaiéri tsi nahiótsʼteke, tánon ne tkarihwaiéri hiontenientenstákwa. Í꞉i ne Watiá꞉ner Sewaní꞉io íken, tánon Í꞉i tetkwahiatinekénhen ne Egypt.

Zechariah 5:6

“Nahò꞉ten káti?” wakeriwahnónhton. Wahthariwaʼserá꞉ko, “À꞉there, tánon ne kaháweh ne karihwanerahákʼtshera nonwenhtsiakwé꞉kon.”

Zechariah 5:8

Ne raronhiakeró꞉non wahèn꞉ron, “Ne kí꞉ken iakotahtiáse ne kariwahetkénhseras.” Ethò꞉ne atheráhkon iathonshahahiathashihárahte tánon shahanhó꞉ton nahtenonhtékta.

Malachi 1:13

“Tsi naʼteiohwihshenhé꞉iaʼt kí꞉ken,” ní꞉se sewá꞉ton, tánon í꞉se takatehswáhtha, Rá꞉ton ne Sakoiá꞉ner ne ratironhiaʼkehró꞉nonʼs. Ne táhshawe tsi nahó꞉ten ne iotkarewáhton khehs ne watshinoʼkáhtha khehs ne iononhwáktani, tánon ne kí꞉ken táhshawe naontáhshiehste! Kwáh kenh ne atié꞉na ne sahtsaʼnà꞉ke naontá꞉we? Rá꞉ton ne Sakoiá꞉ner ne ratironhiaʼkehró꞉nonʼs.

Numbers 10:10

Káti ó꞉ni tsi nisehwatonhʼnahéra ne iotkàte—né꞉ne orá꞉kwaʼse tsi nisewakhwahérha tánon noiásons íken ne karihwiʼióhston aorihwáke tsi sewakhwahéras—ónenk kíʼ tsi ensewatátiste ne kahonrawatskówa nó꞉nen né ensewaterihwaténtiaʼte nahisewateskónhten aorihwàke tánon ne skaʼríhwa aorihwáke íken. Ethòne kíʼ enkwasniénon. Í꞉i né Watiá꞉ner Sewaní꞉io í꞉ken.”

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.

1 Samuel 20:5

Ne Táwit wahawénhase ne Jonathan, “Nenhió꞉renhne áse enskarakwárahne, tánon iáh tahonkeriwanóron ne skátne ahiatiá꞉tièn ne ronnontí꞉io tsi nateiontská꞉ons; ók saskát꞉kaf, ne káti nahón꞉ton atatásehte thóh kahentáhke tsi niʼió꞉re nasenhá꞉ton nenhiokaratseráteke.