Amos 7:8 - Ohiatonhseratokénti

⁸ Tánon ne Roiá꞉ner wahakénhase, “Amos, onhnahó꞉ten satʼkáthos?” Tánon waʼkí꞉ron, “Ieserihiethenthákwa,” Ethò꞉ne wahèn꞉ron, “Satkáto éntsen ne ieseriiethentáhkwa raotinenhrí꞉hen nakonkweʼtashón꞉as Israerʼró꞉nons; kwáh iáh nonhwén꞉ton shé꞉kon thahonsakhenikonhrénhse;

Amos 7:8 ပူးပေါင်းရင်းမြစ်များ

2 Kings 21:13

Kwáh entʼré꞉wate ne Jerusalem tsi kíʼ niwaʼtié꞉ren ne Samaria nón꞉we, ó꞉ni tsi nihiʼiérase ne Ronnontí꞉io Ahab Nisraeʼró꞉nonke nón꞉we ó꞉ni tsi nihawatsirathátie. Kwáh enskeráhkewe ne Jerusalem tánon enshekeiathóhare naonkweʼtaʼshón꞉ʼas, kwáh thó nenshonatkweʼnienstón꞉haʼke tsi ní꞉ioht naké꞉rah ne katshoʼkéwen tánon katsahkaʼrátʼthon.

Isaiah 28:17

Tánon kwáh ne enkónhniaʼte ne kaiáneren asehrí꞉ie enwatstseriʼiétenhte; tánon ne kariwakwarishióntshera ne ne iesehriʼiententákwah enkénhake; nenhkawisónhti kwáh ienhiónhewe akwé꞉kon nonhowénhtas ne ne seniahé꞉sen, tánon nenhwenhnó꞉tons kwáh né enwáhtonʼte ne sahiatanonstát꞉tshera.

Isaiah 34:11

Ók nákweks tánon nanén꞉taks kwáh tsienhatiʼiatakwení꞉ioke; né kwareró꞉ha tánon ne tsokawekó꞉wa thóh nón꞉we nenhatiterón꞉take. Kwáh thenhatirón꞉ten naserí꞉ie né꞉ne tahiakonitonhniá꞉then, tánon né ieseriʼiethentákwah né thenhonanitonhniáthen ne ratisenhnowánens.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Lamentations 2:8

Ne Roiá꞉ner kwáh thonikonrakontákwen nètho tewasontóthon ne Zion ó꞉nenk tsi enkarieniénton; Wahathenienténnion né kwáh oriwí꞉io ahrónni tsi kwáh enkariwénthonke. Ne kanikatóthonkwe óni tsi tewashonthótonkwes ó꞉nen akwékon hioreniénseron.

Hosea 1:6

Ne Gomer shé꞉kon ó꞉ia saiowiraiéntane iekshá꞉a nón꞉wa. Ethò꞉ne ne Roiá꞉ner wahawénhase, “Lo-ruhamah shenátont, asè꞉ken iáh kí ó꞉nen shé꞉kon tahonshaketenhre nonkweshón꞉as Israerró꞉nonhke khés nahonshakhenikonrénhse.

Amos 7:7

Ken kí꞉ken nahó꞉ten wahakenatónhase: ne Roiá꞉ner ashón꞉tatʼta í꞉rahte tsi wahshonthón꞉ni ieserihiethentháhkwa wátsthon, tánon ieserihiethenthákwa raháwe.

Amos 8:2

Wahèn꞉ron, “Amos, nahó꞉ten satkátos” Tánon waí꞉ron, “á꞉there titkáhere nakenhnakékha kahiksónhas.” Ethò꞉ne ne Roiá꞉ner wahakénhase, “Ne tsi iehiotót꞉te iahónwe rononhà꞉ke nakonkweʼtashón꞉as nʼIsraerʼró꞉nons; kwáh iáh shé꞉kon nonhwénton tahonsatkhenikonhrénhse.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Zechariah 4:2

“Nahò꞉ten satkáthos?” wahariwanónhton. “Watʼthasehrahnihiontháhkwa owisthanó꞉ron ionniáhton,” watʼkeriwahserá꞉ko. “Ne è꞉neken thón káhere kátʼtse ne watehienaráhkwa. Ne watʼthasehranihiontháhkwake thóh iorenthónʼnion tsáta ní꞉kon kaháhseras, ne skátʼtions tsáta ní꞉kon ioiénhton nahontháwah ne kénhie ahosehríhies.

Zechariah 5:2

Ne raronhiakeró꞉nonh wahakeriwanón꞉tonhse nahó꞉ten wakatʼkáto. Watkeriwaʼserá꞉ko, “Kahorotakwenón꞉ni kahiatónhsera kátsies tsi iówerahre, né꞉ne áhsen-niwahshì꞉tahke ní꞉ions tánon wiskhiawénhre niwahshì꞉tahke nahtewahtahkáron.”