Amos 7:17 - Ohiatonhseratokénti

¹⁷ Ne káti aorò꞉wa rá꞉ton ne Roiá꞉ner: ‘Né tesenitéron tsotakwahkaré꞉ni enhiónton ne kanatowanénhke, tánon ne sanekenteronhtserashón꞉as ó꞉ni ne saiatasetserashón꞉as asareʼkó꞉wa enhotirió꞉te, tánon ne sonhóntsa enwasehrihiethénton tsi thenkenhnarihtónhke; ní꞉se iateshiá꞉ti thóh nón꞉we nenhsí꞉heie ne iáh tehiotonhontsiatkwé꞉niens, tánon nʼIsraerʼró꞉nons orihwiiohón꞉we tsi enhonhnakerá꞉ko ne raononhontsá꞉ke.’”

Amos 7:17 ပူးပေါင်းရင်းမြစ်များ

2 Kings 17:6

né꞉ne tiotónhaton siʼioserakehátie shiʼhonontí꞉ioʼkwe ne Hoshea, né꞉ne Assyriaró꞉non ronhnontí꞉io wahaiéna ne Samaria, Assyria niashakoiaténhawe Nisraeʼró꞉nons nahonwatinó꞉ton, tánon ótiakes tsi kanatowanénhke ne Halah nón꞉we nashakóteron, ótiakes ó꞉ni tsi Konrarós꞉tha Kaniataratátie né tsi watonhontsáien ne Gozan tánon ótiakes tsi kanatowánens ne Media.

Psalms 78:55

Waʼsakohiatínekenhwe nonkweshónha né nón꞉we nihatiterónhtaʼkwe nó꞉hen thóh shahónhne; waʼtesakohiakónhase nonhóntsa nahontsénawasʼte tánon thóh nón꞉we nasakóteron Israerʼró꞉nons ne tsi rotinonshó꞉tonkwe ne nón꞉we nihatiʼterónhtaʼkwe.

Isaiah 13:16

Né sakotiʼiohokónhas kwáh kí kènk níwas tsi enhonwatihiataratiónko raotihénton tsi tehatikánere; ne tsi rotinonshó꞉tons enkanenskwenhátonke, tánon ne rotiniátʼkons konhnón꞉kwe tentʼkonwananóntonhse nahiotináwine.

Isaiah 22:18

enhiatsinonwaténiaʼte, tánon ienhiaiatónhti tsi ní꞉ioht niaʼiakothenhnotserón꞉ti tsi nón꞉we ne kwáh tehiohontsakáron; thóh nón꞉we nenhsí꞉heʼie, tánon thóh nón꞉we ne shaseretí꞉ios notsiónkwah nenhkakerónhtake, Ó í꞉se natehénsera í꞉ken tsi ronónshote ne hiaʼiatakwenní꞉io!

Jeremiah 14:16

Nonhkweshón꞉a tsi nikáien ne ronwahtiró꞉ri kíʼ nahorihoténshons kwáh ne sáhka tsi enhonwahtinonhwarhiákon. Ne raothihieronthashón꞉a kanathakónson ne Jerusalem ienwáhtionke, tánon iáh ónhka tahontetʼtsénri nahonwatihiatáta. Kwáh kíʼ ratikwékon tsi eh nenhotihiátawen—tsewahkwékon ne rotiniákʼkons ó꞉ni ne shaʼkotihienhokónhas. Kwáh ne enkónhniaʼte nahatikárhiakʼte ne raotiriwahneraháktshera.”

Jeremiah 20:6

Ók ní꞉se, Pashhur, í꞉se tánon ne shaʼwáhtsire kwáh ó꞉ni enietʼtsiʼiéna tánon Babylonia nieʼniettsihiaténhaʼwe. Thóh nónhwe ienshí꞉heʼie tánon enhieshaʼhiatháta, skátʼne ne sewatenroshónʼa tsi nikáien ne wéso sehʼhianhowenhténni.’”

Jeremiah 28:12

Kwáh kén nikaríwes onahkènke ne Roiá꞉ner wahakró꞉ri

Jeremiah 28:16

Tánon káti ne Roiá꞉ner ráton tsi ahéren enhiaiatenháwiʼthe. Nohénton ne iahonthosehró꞉ten kíʼ iosehráhthe enshíheʼie tsioríhwa tsi waʼtshióʼtatʼtshe ne Roiá꞉ner.”

Jeremiah 29:21

“Ne Roiá꞉ner Roshastsʼtenseroʼwáhnenh, ne sahkoʼNí꞉io ne Israerʼró꞉nons, tsi nihotharáhkwen ne Ahab ne roʼníha ne ne Kolaiah ó꞉ni ne Zedekiah ne roʼníha ne ne Maaseiah, ne tsi niʼtsisehwahnhowenhténnis ne raosénnhakon. Ráhwenh tsi enshakoʼtsiakwahrísi thóh rahoshastsʼtenserákon ne ronnonhtí꞉io Nebuchadnezzar ne ne Babylonia nónhwe, kwáh tsi tesehwahkánereh rahonʼa enshakononhwahrhiákon.

Lamentations 5:11

Nionkwaniákons thontakonwananónthonse tsi iáh tekonkwathikweniénsthon thóh non tsi ionónte ne Zion; kwáh niaʼtekanátake neh Judean niakhiʼienhokónhas wakonwathíreke ne iakontathátkaʼwe.

Ezekiel 4:13

Ne Roiá꞉ner wahénron, “Ne Israerʼró꞉nons né enhatinahthárahke ne tehionahtharhátion tsi nónhwe ne꞉ne iáh tehatishitaheró꞉nonhs rahononhontsáke, tsi nónhwe ne kwáh ienkheréhkwahte.”

Hosea 9:3

Iáh thóh nón꞉we tahonathatenrónke tsi rahontsá꞉ien ne Roiá꞉ner; ók ne Ephraim Egypt ne nón꞉we nienhénsewe, tánon ne Assyria nón꞉we ne né꞉e enhonhnékseke ne iáh tehiothekwatkwéniens.

Amos 6:7

Káti í꞉se enteshiatié꞉rente nahsenakeráhko. Káti tsi nisateʼnikonhró꞉ris tánon tsi nisathenhnió꞉tha watót꞉tane.

Amos 7:11

Asè꞉ken ne kí꞉ken aorihwa ne Amos tsi niháwen, ‘Ne Jeroboam asareʼkó꞉wa enhononwarià꞉kon, tánon ne nʼIsraerʼró꞉nons enhonwanakerákwahte é꞉ren enhónhnete ne kén꞉en ionhontsá꞉ien.’”

Amos 8:1

Ken kí꞉ken nahó꞉ten ne Roiá꞉ner wahakenatónhase—athere ne titʼkáhere nakenhnakekha kahiksonhas.

Amos 9:1

Wahí꞉ken ne Roiá꞉ner ákta í꞉rathe ne tsi ientsienharáhkwake, tánon wahèn꞉ron: Sewaientanion ne tsi karasestánion ne eʼnékens tsi kanawaható꞉tons nononsatokentikówane tsió꞉re ne tsitkenskwáhere enwatoriáneron, tánon thóh iatewát꞉toko ratinonhtsiné꞉sons nonkweshón꞉as; tánon tsi nihá꞉ti ne iathenhonátatere kwáh kí enkenonwarià꞉kon asareʼkó꞉wa enkátsʼte; iáh ne saiá꞉ta tahatéko, iáh ne saiá꞉ta tahaniá꞉kenhne.

Amos 9:8

Tesakokánere ne Roiá꞉ner Rawenni꞉io tsi nihotirihwaneraháts꞉kon kí꞉ken kanakerahserá꞉ien, tánon kwáh enkerihwátonhte tsi niiohóntsa —nek khók iáh kwáh takhehiátonhte nonhkweshón꞉as Nisraeró꞉nonke, rá꞉ton ne Roiá꞉ner.

Micah 1:16

Onahónsta tión꞉ni tánon akwé꞉kon sewathatenónkar ne ne raotirihwà꞉ke ne ratitsaokónhas ne ietsinorónhkwas! Ohnahonsta tionhni ne sewanón꞉tsines tsi ní꞉ioht ne akwekskó꞉wa, asè꞉ken é꞉ren roné꞉ton ne shonhà꞉ke.

Zechariah 14:2

Ne Roiá꞉ner akaonwenhtsiakwé꞉kon enteshakohiaʼténhawe nahonteriiosehrón꞉ni ne Jerusalem. Ne kanahtowá꞉nenh enkonwahsén꞉ni, ronwahthinonhskarhiáshion, tánon ne konhnón꞉kwe thitkonhwanahnonhthón꞉ni. Sahtekanenhrí꞉hen enhionhnahkerá꞉ko, ók ne ronáhtiaʼkes iáh ne tahonwahnatekwáhte tsi nahnatowá꞉nen.