Amos 7:14 - Ohiatonhseratokénti

¹⁴ Ethò꞉ne ne Amos watoriwahsehrá꞉kwase ne Amaziah, “Ní꞉i kaʼtsé꞉nen kheʼnikónhrane, tánon katkwiráhserons ne Sycamore karontaʼshón꞉as,

Amos 7:14 ပူးပေါင်းရင်းမြစ်များ

1 Kings 19:19

Né Elijah é꞉ren sàreʼthe né nónhwe, tánon iahohiatatʼtsénhri ne Elisha renhtharakharátʼthos tsohiána tehiotinákares tsionóns꞉kwahron iothihiathénhton; énska-iawénhre nihioiánakhes ohénton wahothitarakaratʼthonhátse, tánon rahón꞉ha ne oná꞉ken nihotharakharatʼthonhátse. Né Elijah wahatsathawithási ne wakóses rotsathawíton tánon Elisha sahohiatháwithe.

1 Kings 20:35

Tsi ki nihorihwatháton ne Roiá꞉ner saiáta rahiátare ne rahothitsiókwahkon ne rotitókense wahó꞉nahne né ronaténhro rotó꞉kense nahokónhreke. Ók iáh né tehothontháton,

2 Kings 2:15

Né wísk-niwásen niháti rothitó꞉kense ne Jericho nithonénon wahonwáken tánon wahonhníron, “Né rahoshastsʼténsera ne Elijah rahonháke ne Elisha sakará꞉ne!” Thóh niahónhne iathonwáterathe, rahohénton wathontsákete,

2 Kings 2:3

Rothiʼtsiókwahien ne rotitókense thóh nónhwe nihatinákerekwe Elisha tsi ítres niahónhne tánon wahonwarihwanónhtonhse, “Shaʼteriéntareke nètho Roiá꞉ner tsi ónhwa wenniseráte é꞉ren henhohiathenháwithe nisèke ne thiʼtsathenró꞉hon?” “Hén, wakateriénhthare,” ne Elisha tsi watharihwaseráko. “Ók tó꞉sa kíʼ né tenithá꞉rak.”

2 Kings 2:5

Rothitsiókwaien ne rotitókense né nónhwe nikanakeraseráien tsítres ne Elisha niahónhne tánon wahonwarihwanónhtonhse, “Sateriéntareke nètho Roiá꞉ner tsi ón꞉wa wenhniseráte ne tiʼtsathenróhon tsi é꞉ren enhohiathenháwithe nisèke?” “Hen, wakatheriéntare,” ne Elisha tsi watharihwaseráko. “Ók tó꞉sa kíʼ né thenítharak.”

2 Kings 2:7

tánon wísk-niwásen niháti ne rotitókense wahonwatíseʼre Jordan niahónhne. Né Elijah tánon ne Elisha kaniatarákta watníthaʼne, tánon ne wísk-niwásen niháti rotitókense kwáh nenhʼné꞉e kenhnióre natsatákʼta thonhtahatítaʼne.

2 Kings 4:38

Énska nènhneʼe, nó꞉nen sahonthonhkarhiákon né tsi iohontsáte, Né Elisha Gilgal nionhsáre. Tsi nikaríhwes sakorihonhnienhníhaʼwe ne Rotitó꞉kenhse, wahoróri ne rahoʼnhá꞉tsera kanatsowánen tsi iothèkha ranatsá꞉ren tánon né ratkónhni ne tekakhwaiesthánion.

2 Kings 6:1

Énska nènhneʼe tsi ratitsiókwahien ne rotitókense né꞉ne Elisha ranenhrakwení꞉io wahonwariwaʼkátatʼtse, “Tsi nónhwe nihiakwénhteron sóhtsi nikanaktáha!

2 Chronicles 16:7

Thóh shiʼkaháwi ne rotokenséhakwe Hanani ronhnontí꞉ioke Asa niaháre tánon wahénron, “Né aoríhwa tsi né wahtieniáhese ne ronnontí꞉io ne Syriaró꞉non tsi ní꞉ioht né꞉ne atieniahesáhonke ne Roiá꞉ner Ianí꞉io, né ronterí꞉ios ne ronnontí꞉io Israerʼró꞉nonke wahianiákenhse.

2 Chronicles 19:2

Rotó꞉kenhse, Jehu né roʼníha né꞉ne Hanani, iahá꞉re ne tahiatátken ne ronnonhtí꞉io tánon wahawénhase, “Í꞉sere onhtèken tkarihwaiéri nahonwatiʼiénawaʼse ne ionhkwetahétkens tánon né ahonwatirihwá꞉wahse tsi nihá꞉ti ronhwá꞉sons ne Roiá꞉ner? Tsi nishatiéren né takáhaʼwe ne Roiá꞉ner raonhakwáhtshera né shonháke.

2 Chronicles 20:34

Kwáh noiásons nahorihoténhsonskwe nètho Jehoshaphat tsi nihoieráhnions, tsi nitsothásaʼwe ne raononhtiʼiótshera tsi nió꞉re ne iehiotók꞉te, thóh nón꞉we nikahiatónhnions Tsi Nihonwatikarahtónhkwa ne Jehu né꞉ne Ronikénʼen ne Hanani, né꞉ne thóh í꞉kare Tsi Nihonwatikarahthónkwas ne Ronhtinontí꞉ioskwe Nisraerʼró꞉nonke.

Job Tánon ne Raoronhiakensera 30:4

ne ratihontákwas ne tehiohontahiótsis tánon nonerataʼshón꞉as nokwireʼshón꞉as, tánon ne rontsiathatarihatáhkwa naoteraʼshón꞉as ne kenk nikakwí꞉ras.

Amos 1:1

Ne raowennaʼó꞉kons ne Amos, ne ne teiotinakarontón꞉ʼa shakotiʼnikón꞉rare ratikwekonhátieʼskwe ne ne Tekoa nón꞉we. Ne tsi nahatkáhtho ne Israel aorihwá꞉ke ne ne tsi nihotenhniseraténionʼskwe ne Ronnontí꞉iohkwe Uzziah ne Judah nón꞉we neh nón꞉ne ó꞉ni tsi nihotenhniseraténionʼskwe ne Ronnontí꞉iohkwe Jeroboam ne roʼnihkénhen ne ne Jehoash ráonha ne Ronnontí꞉iohkwe Nʼisraelronón꞉ke, ne ne Teiohserá꞉ke ohén꞉ton shaʼtiaonhtsíshonhkwe neh nón꞉we.

Amos 3:8

Ne kèn꞉reks wahatonrá꞉ien; ónhka ne iáh thaiakóhteronʼne? Ne Roiá꞉ner Rawenni꞉io rotatí꞉ʼon; ónhka aiekwé꞉ni nek khok kíʼ niaierí꞉wake?

Zechariah 13:5

Kek, enhén꞉ron, ‘Iáh ní꞉ih tewaʼtó꞉kenhse. Tsiéntʼtos ní꞉ih—kwáh tsi nikónnhes tsi onhwenhtsá꞉te tsientʼtóstha.’

1 Corinthians 1:27

Rawenni꞉io tahanikonrónni ne waharáhko tsi nahóten ne tsi ionwentsiáte kanatónkwah tehiotenonwahroritónten onʼnahiáwenhne nashahkotéhate ne iakonikonrowáhnen, tánon ó꞉ni ne waharáhko tsi nahóten ne tsi ionwenhtsiáte kanatónkwah iáh tekashátsthe onʼnaiáwenhne nashahkotéhathe ne ratishátsʼthes.

1 Samuel 10:11

Nónen ratiʼkwé꞉kon nohén꞉ton thonwahientériʼkwe sahontká꞉tho tsi ní꞉iot tsi iaharíwaken skátne ne ronátiakes rotiʼtohkén꞉se, nonkweʼókons watonʼtaténhase, “Óh nahoiátawen ne Kish roʼiénha? Ne Saul ó꞉nenh kénh non꞉néʼe rotóhkenʼse wahá꞉ton?”