Amos 7:12 - Ohiatonhseratokénti

¹² É꞉tho ne Amaziah wahawénhase ne Amos, “O Satokénhse, wás, sashá꞉teko thóh nionhsáhse tsi tiohontsá꞉ien ne Judah, thóh nón꞉we iatesathéntsa ne sátkwah, tánon thóh nón꞉we iaserihwakénhset.

Amos 7:12 ပူးပေါင်းရင်းမြစ်များ

2 Chronicles 16:10

Né kí꞉ken wakakwéni ne Asa tsi nió꞉re tsi wahonákwase ne rotokenséhakwe wahaténhnahne nahonwaronhkwahsanérenhke. Étho kíʼ shiʼkaháwi ne Asa tahatáshawenh nashakoteniakatsʼtátʼtie nonhkweʼshón꞉as.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Isaiah 56:11

Né éʼrhars kwáh í꞉ken tsi ratiʼkhowánen; iáh nonwénhton tsaʼtahotiʼiériʼse. Né teiotinakarontón꞉has sakotiʼnikónraʼre iáh nonʼné꞉e tehotiʼnikonraiéntas; kwáh ratiʼkwé꞉kon tsi nenhthaʼtinónweʼne thóh nenhatí꞉iere, ne niatehatiʼiáti khók ahotiʼianerásthen, kwáh ratiʼkwékon thóh nihatiʼiatóthens.

Ezekiel 13:19

Wasekʼkénron rahothihénton nakonhkwetaʼshón꞉ʼa né nahontséhsenhne nahsèhna tohʼkàra niwahtshánahke tehiotikonhstónhres tánon tohʼkàra níkon kanáhtaro. Sehnonhwarhiaʼkónhkon nonhkweshón꞉ʼa ne꞉ne iáh tatehonahténhtion nahonhníheie, tánon wasehnónhstahte nonhkweshón꞉ʼa nahiakónhnheke ne꞉ne iáh tehiówenhk nahónhnheke. Káti sehnhowenhténhni nakonhkwetashón꞉ʼa, tánon taieséhthakwe.”

Amos 2:12

Ók waʼetshiiónnien ne nazirites nahatihnekí꞉ra noʼnenharákeri, tánon waʼetshihnhaʼne ne rotitokénhse, sewatónnions, “Tóhsa iaʼsewarí꞉waken.”

Amos 7:11

Asè꞉ken ne kí꞉ken aorihwa ne Amos tsi niháwen, ‘Ne Jeroboam asareʼkó꞉wa enhononwarià꞉kon, tánon ne nʼIsraerʼró꞉nons enhonwanakerákwahte é꞉ren enhónhnete ne kén꞉en ionhontsá꞉ien.’”

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

Matthew 8:34

Kanatakȣekon ȣaheiakenne ȣathonȣateratana ne Iesos: nok nonen sahonȣaken, ȣahonȣaneken ne ehren aonsarete tsinihonatonȣentsia.

Luke 13:31

Ok neh sahennisera eh ȣaonneȣe Pharisian ȣahonniron: Ehren aonsasete aseken Herod ihrere aiario.

Acts 16:39

Sók káti thóh niahónne tánon sahonwanatatʼrewáten; ehʼthóhʼne kíʼ ónen sahonwathinotónko ó꞉ni wahonwathiriwanóntonse naerehʼahonsánete neh kanátakon.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

1 Corinthians 2:14

Ónhka ne iáh tehonwahtienawáston ne Ronikonratokénti iáh tahónton nahieiénah nahtathawítshera tsi nitewétha ne Rawenní꞉ioke raoshastsʼtenserákon. Né nihionkweʼtóten kwáh iáh tehiakonikonraiéntas, tánon thóh ní꞉ioht tsi ietsénries tahiotenonwahroritóntahke, ne khók tahonwahtihiatoréthakwe tsi nihatisénna kwáh nek tsi ronónnhe.

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

1 Samuel 2:36

Nón꞉ka iatheniakotaténhronhke ne saʼwá꞉tsire kwáh éntsien neh nahonwanéken ostón꞉ha kawistaráken khóks ne kaná꞉taro, tánon kwáh eniaiéron, Asathónhtaʼte thóh takí꞉teron tsi nón꞉we ne ratsihénstatsi nihénteron, neh naʼhón꞉ton ostón꞉ha takatská꞉on.’”

1 Samuel 9:9

(Nohén꞉ton tkènʼne ne Israerró꞉nonhke, ón꞉ka ién꞉hien neh thé꞉nen ahieriwísake tsi nó꞉kwah ne Ní꞉io enhiaʼiéron, “Káts, áhnion thóh nienhé꞉tene tsi thénteron ne iehariwákenhs”; asèken raón꞉ha ó꞉nenh ne shonhwanatón꞉kwa rotokén꞉se nohén꞉tonn tkènʼne ne ronwanatón꞉kwakwe iehariwáʼkenskwe.)