Amos 5:8 - Ohiatonhseratokénti

⁸ Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Amos 5:8 ပူးပေါင်းရင်းမြစ်များ

Job Tánon ne Raoronhiakensera 12:22

È꞉ren rahawí꞉tha ne kwáh í꞉ken tetsiokaráskowa tsi watená꞉taien ne kenhé꞉ion, tánon ne rónhnis ne kwáh tetiò꞉karas nón꞉we tahioswathè꞉ne,

Job Tánon ne Raoronhiakensera 37:13

Ne rarihón꞉nis neh nahiá꞉wenhne ne nahonekón꞉ti nonwenhtsá꞉ke; aónton ne ne ahontahateniétakwe nashonkwahiataterístakwe, khés neh tsi ionwenhtsá꞉te.

Job Tánon ne Raoronhiakensera 38:34

“Enskwé꞉ni ken niatasewenhnanihá꞉rane tsi nitsiotsatarónhnions, ne káti nawenhnó꞉tons nohné꞉kanos ahónton ahontesaró꞉roke?

Job Tánon ne Raoronhiakensera 9:9

raónha róshon ne nokwá꞉ri ne tsi karonhiá꞉te tánon ne ratórats rotsatá꞉nenh tánon rasharénhawe, ne tsáta nikón꞉ti tekontinonhniákwah tánon nenhtiè꞉ne nokwá꞉ti iotsistohkwarón꞉nions;

Psalms 104:20

Shónh꞉ni ne tetsókaras, né꞉ne nasóntʼthenhne í꞉ken, thó꞉ne nenhnéʼe ne konhtírios tetkonhrotʼkáwas.

Psalms 105:28

Tetsókaras tahaténieʼte, tánon tahakáraste ne tsi hionwénntsaien; wahathitátsaʼte ne raowenhnaókons.

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 59:10

Tiosehrón꞉kwas né tsi wasonthaʼtátie kwáh né꞉ne teieronwékon, tiosehrón꞉kwas kwáh tsi ní꞉ioht ne iáh thatehatiʼkáras; tionkwasí꞉tsiaks nó꞉nen éntie nónh níkare kwáh né꞉ne asonhthénhne akénhake, tsi nón꞉we nihónhnes né ronathonhnatakaríh꞉te tsi sí꞉ken ní꞉ioht nahionkwenhéion.

Jeremiah 16:21

“Éhthoh káti,” ráton ne Roiá꞉ner, “Énskak ienwáteratsʼthe enkhehiónnien nonhkweshón꞉a naʼiakoteriéntahrahne nakeshastsʼténsera ó꞉ni tsi niʼwakeshastsʼtenserowáhnen; enhonaʼteriéntahrahne tsi Í꞉i ne Watiá꞉ner.”

Jeremiah 33:2

Ne Roiá꞉ner, tsi rahónʼa rahonhontsíshon, rahónʼa rahontsiasehrónni tánon wahakwahtháko tsi waháien, wahatʼthárahse. Ne rahónʼa raosénna ne ne Roiá꞉ner wahénron,

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Amos 8:9

Ne thóh entewenhniserá꞉teke, rá꞉ton ne Roiá꞉ner Rawenni꞉io, kwáh enhkhónnien nahonterahkwásehte ne éntie nenhkárahke, tánon ne tsi ionhontsá꞉te entiokaráhwe ne tsi niwenhní꞉sehres.

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Matthew 4:16

Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

Luke 1:79

Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.