Amos 5:6 - Ohiatonhseratokénti

⁶ Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

Amos 5:6 ပူးပေါင်းရင်းမြစ်များ

2 Samuel 19:20

Asèken ni꞉i roteriéntare nètho tsi wakeriwanerenhátston; ne aoríhwa, satkátho, kénʼen nontáke nón꞉wa wenhniseráte, ne thontserénhtakwe ne tsi ronónshote ne Só꞉se kenʼen tahiá꞉kwe ne ne taiakwatát꞉ken natiá꞉ner ne ne ronnontí꞉io.”

1 Kings 11:28

Né Jeroboam kén nithohiónha tánon akwékon tiehokwénion, tánon nó꞉nen ne Solomon wahát꞉thoke tsi niehát꞉resks nó꞉nen enhohióten, rahón꞉ha wahorihónhten akwékon ahathenhnikonhráren tsi nikahiothenhseroténsons kahiothenhseráiens ne tsi wathonhontsáiens ne Manasseh tánon ne Ephraim nónhwe.

2 Chronicles 34:25

Ionkʼkenronhníʼon tánon né iahonwatítatʼtse nahonwanateskóntʼthaʼse ne tikaniʼioserátes, tánon ká꞉ti wahonkenakwísa norihwakwéʼkon tsi nahatiʼieráhnion. Nakenahkwáhtsera ontʼkétsko tsi nòkwah ne Jerusalem tánon iáh tsiahonsakénheʼie.

Psalms 27:8

“Káts,” wáʼton nakwé꞉ri, “séhsak ne tsi rakonsón꞉te.” Tsis konhsón꞉te, O Saiá꞉ner, né késaks.

Psalms 69:33

Asèken ne Roiá꞉ner sakokʼthón꞉te ne iakonoronsthénhnis, tánon iáh kíʼ tesakohiatanikónrens ne rahonkwetaʼshónhas ne ratinhó꞉tons.

Exodus 22:6

“Tó꞉ka ónhkak enhaʼtsiróten ne rahohentàke tánon waʼkatsiraniákenʼne nohoʼthonkónhsons niahá꞉he nakorénsons akohentàkes tánon hontsahá꞉te ne onátsias né kaiénthon tó꞉ka ó꞉ni nónen kaiákons ó꞉ni kakthoʼkwakwenonhniánions, tsi nikáien né rotsírohte né kíʼ enhakárhiake tsi nahontʼkarónhni nakorénhsons.

Isaiah 1:31

Tánon ne rahshátste rónkwe thóh nenhotiʼiátahwenh tsi ní꞉ioht ne ioientá꞉ten tsi niiostó꞉re ióteks, tánon ne rahohioténhsera tsi ne ní꞉ioht ne watʼtsirahtón꞉kwas; ronónha tánon ne raotiʼiothénseras skát꞉ne tsi enhontsatátʼtsa, tánon iáh ónhka tahiekwéni nahonsaionswáhthe.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Isaiah 55:6

Tsiaʼtísak ne Roiá꞉ner tsík sénhak shé꞉kon ahonwahiaʼtatʼtshénhri, iaʼtienáton tsík sénhak shé꞉kon ákta í꞉res;

Jeremiah 38:20

Wahkíron, “Iáh tsahiesátkaʼwe ne ronónha nòhkwah. Konhianiténthaʼse nahshaʼthewénhnahrakwe ne Roiá꞉ner rahotiʼriwahnhotátshera; ethóhʼne akwékon tienhiohiénerenhne ne sharihwáhke, tánon ne tsi shón꞉nhe enkanonhstá꞉thonʼke.

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Ezekiel 21:3

Né Í꞉i, ne Watiá꞉ner kathónhnions: Í꞉i ne kónhsonhs. Enkahsahró꞉tsion nakahsarehkówa tánon sewahkwéhkon enkwahnonhwahrhiákon, ne iakohiánere tánon ne iakoriwáhneren sahtenhiothónhake.

Ezekiel 33:11

Sehró꞉ri tsi nihioriwí꞉io tsi Í꞉i, ne Wakenonhtí꞉io Watiá꞉ner, Í꞉i ne konhnhehónwe Ní꞉io, iáh tekatʼtsenhnónhnis tahikánerahke ne rohriwáhneren ahrénhieie. Ne ahonthakeráhko tatkhekánerahke ahóntkaʼwe tsi rohtiriwahnerenháties tánon ronhnónhnhek. Israel, sátkaf tsi nikariwáksen tsi nishá꞉tierah. Onhʼnonhtséren tsi ísereh ashí꞉hehie?

Ezekiel 37:19

seró꞉ri tsi Í꞉i, ne Wakenonhtí꞉io Watiá꞉ner, iéntkaʼwe kí꞉ken káhnia tsi né hiothátsaʼse ne Israel tánon skátke éntsien tsi nikáien né꞉ne hiothá꞉tsaʼse ne Judah. Né tekáhniake énskak khók ienwáhton tánon skenenhtʼtsakaráhti enkatʼthá꞉wa.

Amos 3:14

Nentewenhniserá꞉teke nó꞉nen enkhehré꞉wahte ne Israerʼró꞉nons ne ne raotirihwaneraʼáktshera entkarihón꞉ni, kwáh enkerihwáhtonʼte ne ietsenhahráhkhwaʼs ne Bethel, kwáh tsi ní꞉kon tekahiohsaké꞉ronʼs akwé꞉kon ne ietsenhahráhkhwa kwáh kiʼenkaiá꞉khonke tánon kwáh ohontsá꞉ke ienkaièn꞉taʼne.

Amos 5:14

Ne sewésak ne tkariwaié꞉ri tánon iáh ne kariwahétken, ne nahónton ahitiónhnheke; tánon káti ne Roiá꞉ner, ne Rawenni꞉io roiatatokénhti, kwáh ensenikwekónhake, kwáh kí tsi ní꞉sen.

Amos 5:4

Asè꞉ken ne kí aorì꞉wa ne Roiá꞉ner shakohró꞉ris nonhkweshón꞉a ne Israerró꞉nonhke: Takwahiatí꞉sak tánon tiónhnhek;

Amos 6:6

Sathetsetateniáton shanekirenháties nonenharákeri, tánon ne satatsiatokástha ne kwáh tewenhserá꞉kons iontsiatakonhonstháhkwa, ók iáh kí nenhné꞉e tesanikonrátsens tsi nihiorihwenhtáhon ne Israerró꞉nonhke!

Zephaniah 2:3

Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

Zechariah 10:6

“Kwáh enkheshatsténhseron nonhkweshón꞉ʼa ne Judah nón꞉we; Kwáh ensehkheniá꞉kente ne Israerʼró꞉nons. Kwáh tenkhehiaró꞉ton tánon rahthikwé꞉kon thentekhehiaʼténhawe tsi nón꞉we nihothinonhsóhton. Kwáh thonenhʼhiotónhake tsi shí꞉ken ní꞉ioht ne iáh nonhwén꞉ton takhekenronhní꞉onhke. Í꞉i ne Watiá꞉ner ne Raotiní꞉io; kwáh tekheriwahserá꞉kwaʼse ne raonahterén꞉naient.

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Deuteronomy 4:24

asè꞉ken ne Roiá꞉ner sewaNí꞉io thóh nihaiaʼtò꞉ten tsi ní꞉ioht ne iotòn꞉kote ne karihwahthontha; iáh teshakoteʼnikonrihióstha ne ronwáhsons.

Joshua 18:5

Nonhóntsa tsáta natenkahià꞉khonke; Ne Judah thóh enhonhnésehke ne rahotinakerahserá꞉kon ne nenhtiè꞉ne nón꞉we, tánon ne Só꞉se ne rahotinakerahserá꞉kon ne othorè꞉ke nón꞉we.