Amos 5:5 - Ohiatonhseratokénti

⁵ Ók tó꞉sa ne sewésak ne Bethel, tánon tó꞉sa iasewanatáran ne Gilgal khés ne iatahisewahiá꞉iake Beersheba niahí꞉sewe; asè꞉ken ne Gilgal kwáh né꞉e orihwiiohón꞉we tsi enkonwanakerá꞉kwahte, tánon ne Bethel kwáh nenhné꞉e iáh othé꞉nen tahonsakénhake.

Amos 5:5 ပူးပေါင်းရင်းမြစ်များ

Genesis 21:31

Ne katí néh nón꞉we ne konwanaʼtónhkhwa Beersheba, tiorí꞉wa tsi tehnitsá꞉ron rotirihwahnirá꞉ton.

Genesis 21:33

Abraham tamarisk naʼkarontó꞉ten waharontaièntho thóh non ne Beersheba, tánon thóh nón꞉we nahohsén꞉naien ne Roiá꞉ner, ne ne Ronhnheʼón꞉we Ní꞉io.

Genesis 26:23

Tho tontahahtén꞉ti Beersheba niahá꞉re.

Genesis 26:33

Nohnáwera Shibah neʼ wahaná꞉tonhkwe; né katíʼ aorí꞉wa ne kanatowanèn꞉ke Beersheba konwá꞉iats nón꞉wa wenhniseraténion.

1 Kings 12:28

Nó꞉nen sahanonhthonhniónko, tékeni té꞉ro owíra íken owistanoronhtseróskon wahatsathonhniserónhni tánon washakawénhase ne rahonkwetashón꞉as, “Ónen thóh tsi nikaríhwes Jerusalem niesewé꞉tha niahísewatherénhnaien. Tsiónhkwe Israerʼró꞉nonke, né kí꞉ken ne sewaní꞉ios íken né thetsitsihiatinekénhen ne Egypt!”

1 Kings 12:29

Énska ne té꞉ro owíra í꞉ken nowistanóron kaiatónhni Bethel nónhwe iahá꞉ien tánon nó꞉ia Dan né nónhwe iahá꞉ien.

2 Kings 23:8

Jerusalem nòn taʼsakoiaténhawe ne ratitsihénstatsis né꞉ne tsi kanatowanénʼke ne Judah nón꞉we rón꞉neskwe, tánon kwáh kanakeraserakwé꞉kon tsi wathentionsthánion ne ietsienharákwahs né ronterihwathenhtsátha nahonteskónten. Kwáh ó꞉ni waharihwenhthonháton ne ietsienharákwahs né꞉ne konwaʼtonhnará꞉ni ne kaiatáʼkeras ót꞉kon né nák꞉ta ne tsi iotenhenrakáronhte né꞉ne Joshua ró꞉son, né kanatowanénke rakó꞉raʼkwe, né꞉ne skanekwáhti nòkwah ne watenhenraʼkwení꞉ioke thót tsi ieiontaweiathákwah ne kanatowaʼnénhke.

Job Tánon ne Raoronhiakensera 8:22

Tsi nihiá꞉kon ne iesatakwáhsons kwáh né꞉ne ne enhonatseronhniátonke natehénsera, tánon ne tsi ronathatóserote ne ionkweʼtahétkens enwahtónhtonke.”

Psalms 33:10

Né Roiá꞉ner tesakonikonhrhiakʼthénhnis tsi nihontenikonrónh꞉nis nonkweshón꞉ha; tánon iáh tesakorihwáwis niahatísa tsi nihonathenikonhrón꞉ni.

Isaiah 29:20

Asèken ne ranatakárias iáh kanèka tahonsaré꞉sehke, tánon ne thiʼsakoiéron kwáh thenhonwátaste; ratiʼkwékon ne ronathateweienhnenhtáʼon kenhniahatí꞉iere ne karihwahetkénhsera tsi enhonwatíʼiakʼse—

Isaiah 8:10

Sewatenikonrón꞉ni, ók kíʼtenkatástonhke; sewatáti tsi níkon tesewatonhontsóni, ók iáh kí othénen thahonterihwaténtis, asèken Ní꞉io iakwahkwékon.

Jeremiah 48:13

Ethóhʼne ne Moabró꞉nons enkonhwahtéhaʼse ne raoʼtiní꞉io Chemosh, kwáh tsi ní꞉ioht ne Israerʼró꞉nons tsi konhwahtéhenʼse ne Bethel, ne owistahnóron tsonónhskwahron owírah kahiatónhni né konhwahniahésenhne.

Hosea 10:8

Ne onotoharahkéson ne Aven nón꞉we, ne nahorihwaneraháktsheras Nisrael, kwáh kí enkarihwathón꞉tonke. Ohíktas tánon onionwáras entkontehiá꞉ron ne tsi ratitsenharáhkwas. Kwáh enkonwanénhase ne tsi ionontarónhnions, sewateróhrok, tánon ne tsi ionhniarónhnions, Taskwahró꞉rok.

Hosea 12:11

Ne Gilead thóh nón꞉we tká꞉ien ne karihwanéren, kwáh kí orihwiiohón꞉we tsi iáh othé꞉nen takariwasthátonke. Ne Gilgal nón꞉we ronwanateskóntha ne tionhnónskwarons ratí꞉tsi, káti ne tsi ratitienharáhkwas thóh nenhiá꞉wenhne tsi ní꞉ioht nonénhia iotonhió꞉tons ne tsi kentarakarát꞉tons ne kahentá꞉kes.

Hosea 4:15

Ethosà꞉ne ne wetsiátswate ne watenakwaiesátha, O Israel, tó꞉sa serí꞉hon ne Judah nahiónike. Tó꞉sa ienhénse niasatawéiate ne Gilgal, khés ne iáse ne Beth-aven, tánon tó꞉sa serihwaní꞉rat, “Ne Roiá꞉ner tsi rónhne.”

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Amos 1:5

Kwáh tenkhrihtánion ne tekaristahrenhwánions ne tsi iotenhenrakahrón꞉tonʼs ne Damascus, tánon kwáh enhinonhwariá꞉kon ne rakó꞉ra naonhráhkwakon ne Aven nón꞉we nihanákere, tánon tsi niká꞉ien ne raʼnhiénhawe ne rakó꞉ra ráoʼnhia ne Beth-eden nón꞉we; tánon nonkwehó꞉konʼs ne Aram nón꞉we kwáh nenʼneʼeh Kir nón꞉we ienhonwanaténniehte, rá꞉ton ne Roiá꞉ner.

Amos 3:14

Nentewenhniserá꞉teke nó꞉nen enkhehré꞉wahte ne Israerʼró꞉nons ne ne raotirihwaneraʼáktshera entkarihón꞉ni, kwáh enkerihwáhtonʼte ne ietsenhahráhkhwaʼs ne Bethel, kwáh tsi ní꞉kon tekahiohsaké꞉ronʼs akwé꞉kon ne ietsenhahráhkhwa kwáh kiʼenkaiá꞉khonke tánon kwáh ohontsá꞉ke ienkaièn꞉taʼne.

Amos 4:4

Kats Bethel nontá꞉se—tánon serihwanéraʼk; eʼthó꞉ne Gilgal nionsá꞉se—kwáh tontasatnaʼnetárion tsi iaʼserihwanéraʼk; táshaf ne sarihwiiosehokón꞉as niaʼteiohrhonʼkehtserá꞉ke, tsi nentéhsheste tió꞉konte nenʼne ʼeh nahsénhaton niwenhniserakéhaton;

Amos 7:10

Ethò꞉ne ne Amaziah, ne ratsihénstatsi kénhne ne Bethel nón꞉we, iahoterihwaniétase ne Ronnontí꞉io Jeroboam ne Israerró꞉nonhke, ratónhnions, “Ne Amos roteʼnikonronníhaties ne kariwahetkénhsera tsi nokwáh ní꞉se kwáh raotinenhrí꞉hen nonkweshón꞉as Nisraeró꞉nonke; nonkweshón꞉as iáh taiekwé꞉ni nahonwarihwáiakse tsi niwé꞉so ne raowenhnashón꞉as kwáh kí enkanakeraserénto.

Amos 7:13

Ók tóh꞉sa shé꞉kon nonhwén꞉ton niahonsaserihwáken ne Bethel nón꞉we, asè꞉ken Ronnonhtí꞉io raononsatokentihkó꞉wa í꞉ken, tánon ne nahonhnonsatokentihkó꞉wa ne tsi kanakeráhsera.”

Amos 7:17

Ne káti aorò꞉wa rá꞉ton ne Roiá꞉ner: ‘Né tesenitéron tsotakwahkaré꞉ni enhiónton ne kanatowanénhke, tánon ne sanekenteronhtserashón꞉as ó꞉ni ne saiatasetserashón꞉as asareʼkó꞉wa enhotirió꞉te, tánon ne sonhóntsa enwasehrihiethénton tsi thenkenhnarihtónhke; ní꞉se iateshiá꞉ti thóh nón꞉we nenhsí꞉heie ne iáh tehiotonhontsiatkwé꞉niens, tánon nʼIsraerʼró꞉nons orihwiiohón꞉we tsi enhonhnakerá꞉ko ne raononhontsá꞉ke.’”

Amos 7:9

Ne tsi ionhnontarónhnions tsi nón꞉we ne Isaac raowá꞉tsires nihonterenhnaientáhkwa kwáh ki enkarihwentʼtonhke, tánon ne raotinonsatokentikowátʼtions nʼIsraerʼró꞉nons kwáh ki eʼtake enwatiónke, tánon kwáh kí iekehiatsiatónhti ne rahonkweʼtashón꞉as ne Jeroboam asareʼkó꞉wa én꞉katste.”

Amos 8:14

Tsi niiá꞉kon né꞉ne konwarihwanirá꞉ti ne kaiatónhni Ashimah ne Samaria nón꞉we, tánon iónton, “Tsi nirónhne ne saní꞉io, O Dan,” tánon, “Tsi ní꞉ioht tsi ronón꞉nhe ne Beersheba”— kwáh kí enhatihiatsenénhne tánon iáh nonhwénton thatahonsahatí꞉tane.

1 Corinthians 1:28

Ne waharáhko tsi nahóten ne tsi ionwenhtsiáte ehtàke iakahónʼnis ó꞉ni iakokenrónʼnis tánon íwenhre iáh thènen tekástha, nahkarihwahthónʼton tsi nahóten ne tsi ionwenhtsiáte íwenhre iorihowáhnen.

1 Corinthians 2:6

Onk ki né khehiateriwahnotánis ne kariwahkwahrishióntshera tsi nihiákon ne ónen ieiakohkontákwen tsi iakoriwiʼióston. Nók iáh kíʼ kariwahkwahrishióntshera tehiókwenk kí꞉ken ionwenhtsiáte iáh ó꞉ni naoshastsʼténseras ne wahsharíne ne kén꞉en ionwenhtsiáte kashastsʼténsera ne iotionhátse raotishastsʼténseras.

Deuteronomy 28:41

Enshanekenhterontsheraientháseron ó꞉ni enshahiaʼtasetsheraientháserons, ók ki enshá꞉tonhse, tiorì꞉wa tsi ienhonwatihiaʼténhawe nahonwatinó꞉ton tsi waterí꞉io.

Joshua 5:9

Ne Roiá꞉ner wahawénhase ne Joshua, “Nónhwa wenhniserá꞉te kwáh étren satkháwite natehénsera tsi nihietsinaskónhniskwe ne Egypt.” Ne ki tiorì꞉wa né꞉tho watená꞉taien ne konhwanaʼthónkwah Gilgal, Ne Hebrew ne kasénhna ne nén꞉ne kéntons “Éren kahawíton.” Né꞉tho kasénhna shé꞉kon ne konhwáiats.

Revelation 18:17

Asè꞉ken ne énskak wahkawistáheke kí꞉ken kaʼkwasétshera kakʼtsá꞉he!” Tánon ratikwé꞉kon ne ratihonwehiakwení꞉ios tánon ne kahonwá꞉kon ratiiathitakenóntie, rontsirók꞉tha tánon ratikwé꞉kon tsi nihá꞉ti ne kaniatarakeʼkowáhne nón꞉we nihonathaʼtonhnakénen, ahí꞉non niió꞉re tonthahatí꞉taʼne

1 Samuel 11:14

Ne Samuel wasakawénhase nonkweʼókons, “Káts, áhnion thóh iétewe Gilgal tánon thóh nón꞉we á꞉se ientsiʼtewariwaní꞉rate nonkwanontiʼiótshera.”

1 Samuel 7:16

Ienʼhakwatóseron tsi iatenhakwátase iateioserá꞉ke thóh nonwéson Bethel, Gilgal, tánon Mizpah; tánon ensakorihwénhtaʼse Israerʼró꞉nons akwé꞉kon kí꞉ken tsi kanataién꞉tons.

1 Samuel 8:2

Tsi nihoʼsenhnó꞉ten ne thakowáhnen roʼiénha ne ne Joel, tánon ne tekeníhaton, Abijah; tsi niriwénhtaʼkwe Beer-sheba nón꞉we.