Amos 5:18 - Ohiatonhseratokénti

¹⁸ Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

Amos 5:18 ပူးပေါင်းရင်းမြစ်များ

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 24:18

Ónhka aiontèko nék nahiakothónteʼne katerónhtshera kwáh kí ienieiáthenhne ne tsi iosonhwakáronhte; tánon ónka ne tahontaierát꞉then nosonhkwákon kwáh kí né enhiakoiéna ne tewanikárare. Asèken ne tsi iononstonkwahʼkarónhton ne karonhiáke tekanonhontséseron, tánon ne tsitkenskwáhere ne tsi ionwenhtsáte teiowishónhkwa.

Isaiah 5:19

Ónka iónton, “Anion ne Ní꞉io tehosterí꞉hen, ánion tehákats ne raohioténhsera né nahónton ahitewatkáto; Ánion ne rotenikonhrónhni ne Rotokénti Saiá꞉tat Israerʼronónke iostóre tahosteríhen nakánahne, ne nahónton ahionkwahteriéntaraʼne!”

Isaiah 5:30

Kwáh enhontonráien ne thóh enwenhniseráteke, kwáh tsi ní꞉ioht tsi iorákare ne kaniatarakhekowàne. Tánon ne tseiáta iahiontkátho tsi tionhontsá꞉te— kwáh nènhneʼe nek khók tsi wakaronhióroke. Tánon ne teioswát꞉the né꞉ne tahiokarásthen tsi niʼiotsatarónhnions.

Isaiah 58:2

Eʼthohʼsàne niaʼtewenhniserákes tsi iontsiaʼtísaks tánon enhontienhnón꞉ni naonateriéntaraʼne nakeweiénhnas, tsi shí꞉ken ní꞉ioht né nonkweʼshónhas né rotiʼhióte ne karihwakwahrihshiónhtsheras tánon iáh kí teotirihwaʼhiesáton ne raoʼianerenhserashónhas ne raotiʼNí꞉io; né ní꞉i ionkerihwanontónhnis ne tkariwaiéhris tánon karihwenhthá꞉tsheras, ronhneʼrientí꞉ios rahiatákʼta ahónhnete ne Rawenni꞉io.

Isaiah 8:22

khés ohontsáke thensontʼkáneren, ók nék khók kí enhiontʼkátho ne teionikónrharah tánon tetsiókaras, ne tetsiokaráston ne kanikonraronhiakénsera; tánon thóh ienhonwahtiʼiatón꞉ti tsi tetsokaraskówa.

Isaiah 9:19

Ne ne raonhakwáhtshera ne Sakoiá꞉ner ne ronterí꞉ios ratiʼronhiakerónons nohón꞉tsa otonhontsákʼtsa, ne nohóntsa wahó꞉teke, tánon nonkweshónhas ne wahonwanatsatatʼtsahátaʼkwe notsiráke; iáh ónhka ne tahtesonaʼthateniakénton.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 17:15

Nonhkweshón꞉a ionkénni, “Kaniehiawénonh thíken kateronkwáhtshera ne Roiá꞉ner sonkwahsenhénni? Ánion ónen hiaterót꞉kaf!”

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Ezekiel 12:22

“Rónhkwe iaiénha,” wahénron, “onhnonhtséren nonhkweshónha ne Israerró꞉nonhke tethontnahnétahas kí꞉ken hatrorhiátshera: ‘Ne kawistáheks wahtohétstha, tánon ne iekariwáhken iáh othènenh tekéntons’?

Ezekiel 12:27

“Rónhkwe iaiénha, ne Israerʼró꞉nons rónhnereh nètho satetʼtsénsehras ó꞉ni ne ieshariwáhkens ne꞉ne ahínonh nióre ítken.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Joel 2:10

Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Obadiah 1:15

Asè꞉ken ne rawenhní꞉sera ne Roiá꞉ner ó꞉nen ákta í꞉weʼs niahonatiaʼtón꞉ti onkweʼtakwé꞉kon. Tsi nihsheierá꞉se, kwáh kiʼ tho nentiesaié꞉raʼse; tsi nihseweiennó꞉ten senontsì꞉ne enská꞉raʼne.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Deuteronomy 32:24

Kwáh ne enhothirió꞉the ne athonkarià꞉kons ó꞉ni tsi enhonthithonkwáhro; kwáh ne enhothiriò꞉te ne tehiotenonhianì꞉ton kannrathariné꞉tsheras. Kwáh konhtí꞉rio ienkhehiaʼténiehte niahonwanatiaʼtón꞉ti, tánon ne kanhniaratʼsenhs nahiakotikarí꞉kon.

2 Tiér 3:10

Nók nentewenniseráteke ne Roiá꞉ner thóh ní꞉ioht tsi tètre tsi ní꞉ioht ne ranénskwas. Ne thóh entewenniseráteke ne tsi karonhiáte enwáton tsi nenwatáti ne iowennothí꞉ie, tsi nahoténsons ne tsi karonhiáte enwákʼtsa ó꞉ni enkariwatónthon, tanon ne tsi ionwenhtsate oni nahoiotenhsera ne thóh nonwe nikaiotenhen, tsi enwenene.

2 Tiér 3:4

tánon enhatiriwahnónton, “Rohrahrátston tsi tèntre, iáh kén tehorahrátston? Kaʼnón꞉we ní꞉res? Ietʼthisotʼthonkonkén꞉en knaronenhéion, nók kíʼ kwá sékon akwéʼkon thóh ní꞉ioht kwáh tsi ní꞉ioht tsi shontonthonhontiónni!”