Amos 5:12 - Ohiatonhseratokénti

¹² Asè꞉ken wakaterièn꞉tare tsi niwé꞉so ne sewarihwaneraháktsheras, tánon tsi natehiotenonhianí꞉tons ne sewarihwaneraháktsheras— í꞉se ne ietsironhiakéntha ne tionkweʼtaié꞉ris, teietsitsikʼkhetaró꞉se, tánon ákta ne tsi iothenhenrakáronte iehietsí꞉reks ne iakóthen.

Amos 5:12 ပူးပေါင်းရင်းမြစ်များ

Job Tánon ne Raoronhiakensera 20:19

Asè꞉ken watesakoskwáhsehron tánon wasakotewenhtéthe ne tehiontonhnakáriaks; wahaié꞉na ne kanónsas ne iáh raónha teononsónhni.

Job Tánon ne Raoronhiakensera 31:21

tó꞉ka tahonktsikwatení꞉honhke rononhá꞉ke ne teiontonhnakárias, tiorì꞉wa tsi wakatkáto tionkatswánonhne ne tsi iotenhenrakáronhte rónhnes;

Psalms 127:5

Rotáskats ne rónhkwe ne titká꞉here ne tsi rahienkwirahrá꞉kwah. Iáh tahonwatéhaʼte nó꞉nen thenhatithá꞉ren ne ronhwásons ne tsi iothenhenrakáronhte.

Exodus 23:3

Tó꞉sa shé꞉nest nahonthaʼseriwárakwe tsi nòkwah ne iakóten tsi tehiontatsiatorétha.

Exodus 23:6

“Tó꞉sa sehiathonhníiens ne kariwaʼkwahrishióntshera ne iakóten nónen tsi teiehiatoʼrehtákwah iatenhiéthaʼne.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Proverbs 22:22

Tóhsa ehtà꞉ke sheión꞉ni ne rotí꞉ten só꞉tsi kenh sakwénion; tóhsa ó꞉ni ehtà꞉ke sheión꞉ni ne iáh thahatikwé꞉ni nahontatiaʼtakéhnha tsi tehshakotiiaʼtorehtáhkhwa.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 10:2

ne nehrenhakahawítonke ne raotiʼianerénhseras ne teionkʼkárias tsi nahó꞉ten ne ronón꞉ha raonáwenk, tánon nashenénsko nakonkwetashón꞉has ne rotítenh raotiʼianerénhsera, nètho ionaterèhons nahón꞉ton ashenenskwenháton, tánon né nahón꞉ton ne asehiaterhiotónhniaʼte ne tehiontonhnakárias!

Isaiah 29:21

nón꞉ka neh aiakoriwahióten nón꞉kwe aiakó꞉ti ne kaianerenhseràke, nón꞉ka ne ronhwateristaiénhni ne rarihwénhtha ne tsi iothenhenrakáronhte, tánon né iáh othènon tahontakarihónhniaʼte ahiontonhníhen ne karihwakwahrihshiónhtshera tsi nikáien ne tseiérits.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Isaiah 47:9

tetsáron kí꞉ken nahorihótens kwáh ensáraʼne kwáh né꞉ne taiontkakwíroʼke, né sewenhnísera nió꞉re: né iakothón꞉ni ratiksaʼokónha tánon ne iakoterehónskon kwáh kí ensárane tsi nenhwatenienthentseriʼióhake, iáh othènon takarihontáko thóh ní꞉ioht tsi asathenhennharáseke tánon tsi naʼteioshatstenseranónhiani tsi natesatʼkónstha.

Isaiah 5:23

ronón꞉ha sehshakonatkáwas ne iakoníkon tsioríwa tsi ronwanarahratsʼténhnis athatahwí꞉tshera enhonwanawí꞉hon, tánon tesehiatotʼtakwénhnis ne iáh tehiakoníkon ne raotiʼianerénhseras!

Isaiah 66:18

Asèken khehiothenseraʼientérih tánon né raonanonhtonniónhtsheras, tánon taʼiákwe skát꞉ne ratiʼkwé꞉kon né ronhnonhontsakeró꞉nons tánon tsi niaʼtewenhnásakes; tánon kwáh entʼthónhne tánon kwáh enhontkátho naʼtiatanerakwáhtshera,

Jeremiah 29:23

Ne ki tsi nenhotiʼhiáthawenh tsioríhwa tsi nihotiʼníkonh ne tehiotenonhianíthon karihwáhnerens—ronahtenahkwahieshá꞉ton tánon ronahnhowenhthánions raosénnakon ne Roiá꞉ner. Ne kí꞉ken ne iotkónhthe tsi nihonikonhró꞉ten ne Roiá꞉ner; rotheriénthare tsi nihonahtiéren, tánon rahonʼá shaʼkóken. Ne Roiá꞉ner rothatíhon.”

Lamentations 3:34

Ne Roiá꞉ner roteriéntare nó꞉nen nonkwatónnhets tekonwaskwaseronkwáton ne tsi iontatenonthónkwa;

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Hosea 5:3

Tsienté꞉ri ne Ephraim, tánon ne Israel iáh ne tewakatasehthénhni; asè꞉ken nón꞉wa, O Ephraim, ne wasatswatákwe ne kanakwaiesátshera; ne Israel kwáh tekonwaiathatiónston.

Amos 2:16

Né꞉tho entewenhniserá꞉teke ne shé꞉kon ne kwáh thoʼnikonhratshátste ne raterí꞉ios enhó꞉senʼse ne rateriiohstáhkhwa tánon raoiaʼtóskon tsi enhaté꞉ko, rá꞉ton Ne Roiá꞉ner.

Amos 2:3

Enhinonhwarià꞉kon ne rakó꞉ra ne Moab nón꞉we, ó꞉ni kwáh enkhenonhwarià꞉kon ratikwé꞉kon ne ronaterihón꞉tons skátne ne raónha, rá꞉ton ne Roiá꞉ner.

Amos 5:10

Ronwáhsons tsi niká꞉ien ne rátʼretsárons tsi iothenhenrakáronhte, tánon ronwáhsons tsi niká꞉ien ne rotarákwen norihwí꞉io.

Amos 5:7

Ah, í꞉se ne tionhniáton ne kaianéren tsi ní꞉ioht ne tehionhontahió꞉tsis, tánon ohontsá꞉ke sewátion ne kariwakwahrishóntshera!

Amos 8:4

Sahtahónshatat kí꞉ken, i꞉se ne sherahtháties ne tehiontʼkhárhias, tánon sahtheniéntʼtha nahshehiatónte ne iakotenthenténion ne kanakerahserá꞉kon,

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Acts 7:52

Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

Deuteronomy 16:18

“Ietsihiatarakwenhá꞉ton ratiriwénhthas ó꞉ni ne ronatià꞉kes nahonterihontón꞉nion ne niaʼtekaná꞉takes né꞉tho Roiá꞉ner entetsítson. Kí꞉ken ronhnónkwe kwáh tó꞉sa káneka ahontahotiriwaré꞉kwen tsi tensakothihiaʼtó꞉rete.

Deuteronomy 31:21

tánon ki wé꞉so ne tehiotenonhianì꞉tons ne kariwaieshá꞉tsheras enhotí꞉rahne. Ók kí꞉ken karén꞉na shé꞉kon ki tenhkariwá꞉kwen, tánon ne enhiakoriwaní꞉ratse tsi nokwáh ne ronónha. Iekaní꞉hare nón꞉wa, nohénton iakhehiaʼténhawe ne tsi tsohontsá꞉ien né꞉tho kehiararatstén꞉ni nahontatkhé꞉ion, wakhaterièn꞉tare tsi nahó꞉ten ronhnonhtón꞉nions.”

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.

Ne꞉ne Sák Rohiaton 5:6

Sherewáthon ó꞉ni sehiashéton ne iáh thènen tehothiníkon, tánon ó꞉ni iáh teiesakenrón꞉ni

Ruth 4:1

Boaz eh tho niahá꞉re tsi rontkennisaʼahtáhkhwa eh tho iahátien. Ne káti kí꞉ken rón꞉kwe Boaz ohén꞉ton thoná꞉ton kwáh sénha ákta iatatenónhkwe ne Elimelech, eh tho wahoké꞉tohte Boaz, tahó꞉nonke, “Kén꞉ nontá꞉se, ontiatén꞉ro, tánon sátien.” Tho kí niahá꞉re tánon wahátien.

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.