Amos 4:7 - Ohiatonhseratokénti

⁷ Tánon káti ó꞉ni takónʼneke nokennoréhsera ne shonhá꞉ke nó꞉nen shé꞉kon áhsen niwenhní꞉take sitiotatèn꞉ron naieienthó꞉ko; skaná꞉ta khók tsi nón꞉we ienkaténniehte nokennoréhsera, tánon iáh ne ó꞉ia tkaná꞉taien; skahèn꞉tak khók tsi nón꞉we neniokèn꞉nore, tánon tsi nón꞉we ne iáh teiokennó꞉ron ionatáten nenhné꞉e;

Amos 4:7 ပူးပေါင်းရင်းမြစ်များ

Exodus 10:22

Ne Mahís iahanentʼtsakétsko ne tsitʼkaronhiáte, tánon kwáh íken tsi tahioʼkarahʼwe tsikʼnonhwéson ne Egypt né꞉ne áhsenhʼniwenhniseráhke nikaríwes.

Exodus 10:23

Ne Egyptró꞉nons iáh tesehwátonsʼkwe ne tahonsaʼhontatʼkénsehron, tánon iáh ónhka tehiohiá꞉kenʼen ne tsi rotiʼnonsóhton né nikaríwes. Ók kíʼ ne lsraeró꞉nons teioswátʼtheʼkwe nènhʼne tsi nónhwe nihatináhkeʼreʼkwe.

Exodus 8:22

Ók kíʼ enkenónsthate nènhne tsi kanakerahseráien ne Goshen, tsi nónwe nihatináhkere nakonhkwetashón꞉ʼa, kwáh káti nènhne nʼotsíʼks iáh thóh tsakonhne. Kwáh kíʼ thóh nénhtiere ne káti nahiʼsaterién꞉tarahʼne tsi Í꞉i, ne Watiá꞉ner, tsi wahtió꞉the né kènʼen ionhwenhtsàte.

Exodus 9:26

Nahontonhontsàke ne Goshen, tsi nónhwe ne lsraeró꞉nons nihatinahkeréhnion, kwáh èhtho khók nónhwe iáh tehiowisónhtsion.

Exodus 9:4

Kwáh tenkhetí꞉haʼse tsi naʼtehóntere ne katʼtshénens né lsraerʼró꞉nons tánon ne Egyptró꞉nons rahotitʼtshenenʼókons, tánon né lsraeró꞉nons rahoʼtitshenenhó꞉kons kwáh ne iáh takonhníheʼie.

Isaiah 5:6

Kwáh ne enkatonhontsatsesate; kwáh iáh tahontkwiraseronhníhake khés nahionthontháiake, tánon kwáh ne thentsoróhronʼke nonionhwáras tánon ohíktas; kwáh enkenane ne tsi otshataʼókons ne tó꞉sa ahonsaiórane ne thóh nón꞉we nihiokwénhraʼre.

Jeremiah 14:22

Kwáh iáh ne kahiatonnisónhas ne ónhkwe konhwatisénnaiens tahkonhthikwéni nahonthakonhténieʼthe nokennorésehra; ne iatekahiáti tsi iotsikerahrónnions iáh thakahkwéni naonhstharahténiaʼte. Isèhke nónhwe nihionkwáhien nonhkwahrahrátʼtshera, Ó Saiá꞉ner onhkwahNí꞉io, tioríwa tsi sonhatsíwak khók kí꞉ken eh nisheránions.

Jeremiah 14:3

Ne rohtikwahtsénion iashakonathóri ne rahotináhtsheras nahatinekahkóha onékanos; tsi tsionáhwerohʼte niahónʼne, ók iáh tehothinekatʼtsénrion; shaʼhónnewe iáh thènenh tekanekahráhtse ne rahotitʼtseshón꞉a. Wathonnikonhróh꞉ko tánon wahthonanithónnien, wahontʼkonhsáhsete.

Jeremiah 14:4

Né tsioríwa tsi iáh tehiokennóres tánon iostatʼténʼen nonhóntsa, ne ratiʼiéntʼthos tsi nihonahthehénʼen; ranatkonshaséhton.

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Joel 2:23

Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

Zechariah 14:17

Ne niateiakahontiákes ne iáh thahontʼthontátʼthe ne thóh iáhien nahonwashenhnaiénhna ne Roiá꞉ner Roshatstenhserowá꞉nen tsi ronhnonhtí꞉io í꞉ken, iáh ki tahonsahhiokén꞉nore ne rahononhontsá꞉ke.

John 4:35

Iah kenh naha teseȣaton, sekon kaieri niȣennitake onen ienkaheȣe tsini ieienthokȣas? Nok nii kȣarori katon: Seȣatarakestsko, nok seȣakaenhion, onense iohnorarihonhatie, onen oni ieiohe nakaientȣakȣen.

1 Corinthians 4:7

Ónhka ietsihionniénni ne sénha ahontesewátʼtehke tsi ní꞉ioht nahkorénshon? Iáh kén Rawenni꞉io tetʼhiáwi tsi nahoténshon sháh꞉ien? Ánion, káti, onhʼní꞉ioht tsi askwéni tahshahtaterénsaron, tsi shí꞉ken ní꞉ioht nahóten sáien ne iáh taiesháh꞉wi?

Deuteronomy 11:17

Tó꞉ka thóh nenhsewá꞉iere, ne Roiá꞉ner entsisewanáhkwase. Iáh tahakenhnó꞉retste, tánon ne tsohontsà꞉kes shó꞉tsi enwastatʼten ne sewaienʼtótsheras nahontakhánio. Ethò꞉ne ki kwáh iostó꞉re thóh nón꞉we nenhsewénheie, iawerohatiénhak tsi nihiohontsí꞉io tetsisewá꞉wis.

Ne꞉ne Sák Rohiaton 5:17

Neh Elijah kwáh neh sehtiónʼnha kèn꞉ne. Kwá hiathatátsiahate tsi nahaterénʼnaien neh꞉ne tóhsa ahiokénnore, tánon iáh kíʼ thetiokenʼnóron neh꞉ne ásen tsiaʼtesewasénʼnon nihioseráke nikaríwes.

Revelation 11:6

Rothikweniatsherá꞉ien nahninhó꞉ton tsi karonhiá꞉te, ne káti iáh thaiokennhó꞉reh tsi nikarí꞉wes ienhniriwakénsheke, ó꞉ni rotishatstenhserá꞉ien tsi nokwá꞉ti nonekasónhas né꞉ne anón꞉niate oʼnekwénhsha, ó꞉ni nanikarehwá꞉te tsi ionwenhtsá꞉te ne kwák tsík niatekanhrotensons, kwáh tsi niiót꞉kate tsi nenhiaská꞉neke.