Amos 4:5 - Ohiatonhseratokénti

⁵ táshaf tsi naʼtenhsatenonhwerá꞉ton ne iottenʼkwá꞉on kaná꞉taro, tánon sathró꞉ri tsi kwáh thóh nisaʼnikonhró꞉ten tsi táhshieste, tesataterènhsaron; asè꞉ken thóh ní꞉ioht tsi senón꞉wes, O tsón꞉kwe NʼIsraelronón꞉ke! rá꞉ton ne Roiá꞉ner Rawenni꞉io.

Amos 4:5 ပူးပေါင်းရင်းမြစ်များ

Psalms 81:12

Ká꞉ti waʼkhehiatsakwarísi né tsi nihotinontsistaníron, tánon thóh nihatí꞉ier kwáh tsi nithonskáneks.

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Isaiah 1:11

Nahó꞉ten nènhneʼe kástha nakerihwáke thóh nahkonhá꞉ke ahietsiʼiatsiatátʼtsahate ne kontitshénenhs? Rá꞉ton ne Roiá꞉ner; Kwáh ísiʼnónhwe tsi iatewatserihse tsi nihsehiatsiaʼtátʼtsahatha ratiʼiathakwékon ne tehotinakaronhtónha ratítsinn tánon ne ióresens ne ietsiʼiarehsénston katshénens; Iáh ne tekhatsenhnonhniá꞉tha ne raotinekwénhsas ne kenhnithotiʼiónsas tionhnónskwarons ratítsinn, khés ne teiotinakaronhtónhas, khés ne kaiatákeras.

Jeremiah 7:10

Né et nishé꞉rah tsi nahó꞉tens ne íksons, ó꞉ni táhse akʼkénton wahtésthaʼne, ne kwáh í꞉i akenonhsatokentíke, tánon sáton, ‘Ionkwaniakénʼen!’

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Hosea 9:1

Tó꞉sa satónhnare, O Israel! Tó꞉sa satatʼtsenhnakarátat nashatatonhkwetowá꞉nate tsi nihatiié꞉ra ne thihononhontsá꞉tes; asè꞉ken ne satswathákwen tsi satʼthokhóktha, éhren satatsiathenhawí꞉ton tsi nokwáh ne Saní꞉io. Ne sanonwéhon ne tsothakwahkaré꞉ni tsi nikonhwakariakséhakwe tsi nón꞉we nikaswenhkarakwénhtare ne tsi rathithetáhkwa.

Hosea 9:10

Kwáh tsi ní꞉ioht ne karakónha onénhare, thóh ní꞉ioht tiatatʼtsénhron Nisrael. Tsi ní꞉ioht ne tontiérenhte onhiári ne tionhnionwarontonhakó꞉wa, ne tontiérenhte ionhianihiónten, khéken ne sesothonkonhkén꞉en. Baal-peor nón꞉we niahónhne, tánon ne wahonterenhnaiéntakwe tsi nahò꞉ten ne atehénsera í꞉ken, tánon thóh ní꞉ioht tsi wathontatsatatiónste kwáh tsi ní꞉ioht tsi nahò꞉ten ratinón꞉wes.

Leviticus 23:17

Skawatsirát꞉tions entiéhaʼwe tekanatháraʼke tánon enthónhion ne Roiá꞉ner né꞉ne katokénston athatawítshera. Ne skanatarátʼtshons ónenk tsi kaiéri nikakonhtseráke othèsera tenkaiéstonhke ne watʼthenkwátha tsi enwatenatharónhthake tánon ónenk tsi Roiá꞉ner entʼthónhion né ienwatkáwenhke tsi né thontsiérenhte kaientwákwen nonátsia.

Amos 5:21

Íksons, kwáh ítsons tsi nisewatenhnióktha, tánon iáh othé꞉nen tewakerienʼtí꞉ios tsi ní꞉ioht tsi sewatkenhnísahas.

Amos 5:22

Iawerohátien tsi takwahtá꞉ti ne tsi sewateskóntʼtha tánon nonátsas tsi nitisewaiéstha, kwáh kí iáh thatié꞉na; tánon tsi nitisewaiéstha ne kwáh ionatakarí꞉tes ne ietsiiarehsénston sewatsenenhó꞉kons kwáh kí iáh takhehiatkáto.

Matthew 15:9

Akȣa tanon ok seȣatieren oni kariȣaiesatonke tsi ionksennaiens; aseken neok sakorihonnienni tsini hotirihoten, tsioni nihotiriȣataton ne ronnonkȣe.

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Matthew 6:2

Tosa kati seȣateȣennoton nʼonen enhiotsitenre; tsinihatiierha ne Kaianeren ronatkonȣaroron ratirihoȣanatha tsi ronterennaientakȣanionkȣa oni tsi tekanatokenhaton ne tahonȣatirensaron nʼonkȣeokon Oriȣiiotsi kȣarori akȣa iehatiiatentatha.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.