Amos 4:3 - Ohiatonhseratokénti

³ Tsi teiohsontahrí꞉ʼon nón꞉we nenhsatóhetste, shatiiaʼtátshons thóh nón꞉we nenhontóhetste; tánon kwáh Harmon nón꞉we ieniesaiaʼtón꞉ti, rá꞉ton ne Roiá꞉ner.

Amos 4:3 ပူးပေါင်းရင်းမြစ်များ

2 Kings 25:4

né tsi watenhenró꞉te né tekanathanákton tsathonʼnótkaʼwe. Iáh othènen tetsiorá꞉kwen ne Babyloniaró꞉nons tsi tehotinathánenʼne, ratikwé꞉kon ne ronterí꞉io tsi niwaʼshón꞉tes shonatékwen. Eh ronathohétston ne kanontiʼiótsera ahohéthakon, iathonʼnót꞉kaʼwe ne tiotenhenrakáronʼte né tekákʼken ne tewaʼthenhénrakes, tánon thó nòkwah niahontekwáhsen tsi nieʼiawénon ne Jordan Ahonráhkwahkon.

2 Kings 7:15

Né ronnón꞉kwe tsík nió꞉re ne Jordan niahónʼne, tánon kwáh tsi nihiohá꞉hes wahontkatóseron niatʼtserónhnias ó꞉ni tsi nihonsthasónhas ne Syriaró꞉nons ronatsakwahríshions tsi nihonatèkwen. Ethóhʼne thontahónʼne tánon sahonwaró꞉ri ne ronnontí꞉io.

Isaiah 2:20

Nètho enwenhniseráteke nonkweʼó꞉kons kwáh ne ienhonwanatiéten notsiniónkaron tánon ne tsikerawístiks ne raotiʼiatonhnisónhas ne kawistarákens ó꞉ni nowistanó꞉rons, ronahtatsenhénhni né꞉ne akonwasenhnaiénseʼke,

Isaiah 31:7

Asèken nètho entewenhniseráteʼke kwáh sewakwé꞉kon tsi íh꞉seh ienhsewá꞉ti ne sewahiatonnisónhas ne kawistarákens ó꞉ni nowistanórons, tsi nikáien ne sewatsanàkes kariwanerahaktsherákon sewatatʼtsenhénhni.

Jeremiah 52:7

Ethóhʼne watsioriwénhtehne ne tsi wahtenhénroʼthe ne tekanahthanátʼthon ne kanahtoʼwáhnenh, tánon rathikwékon ne ronhterí꞉ios wahontenikonhrónhni nahonshahontèko ne kanahtowahnénhʼne. Ók kíʼ ne Babyloniaró꞉non tehotinahthánenh ne kanatowá꞉nen. Ratikwé꞉kon ne ronterí꞉ios sahatiniá꞉kenhne tsi niwashontéskwe. Thóh iahontóhetste tsi rothetáien ne rononhtí꞉io. Thóh wahontóhetste tsi natekháken ne tewashontákes, tánon sahotéko tsi nieiawé꞉non ne Jordan Ahonráhkwakon.

Ezekiel 12:12

Ne rononhtí꞉io ne tesakoniaró꞉taronh kwáh enhatnenhshá꞉renh ne rahóiare ne tsi tetiókaras enhaniákenhne thóh enható꞉hetste ne ronhwashontaʼkarónhtani. Kwáh tenhatkaráhsehte tánon iáh tahatkáto tsi niahawenonhátie.

Ezekiel 12:5

Tsi náhe rohnahteró꞉ron, shasonthakarónhten ne tsi shanónhsohte tánon thóh iatsákenf ne sathókwah.

Amos 6:7

Káti í꞉se enteshiatié꞉rente nahsenakeráhko. Káti tsi nisateʼnikonhró꞉ris tánon tsi nisathenhnió꞉tha watót꞉tane.

Zephaniah 1:18

Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

Matthew 16:26

Nahoten naha oni ahatsennonniatakȣe ne ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?

Judges 5:17

Ne rahotitsiókwah ne Gad thóh wahontatíteron nákonh nokwáhti ne Jordan, tánon ne rahotitsiókwah ne Dan tsi konraróstha né kahonwehiakówas nónhwe nahonthatíteron. Né rahotitsiókwas ne Asher atsakʼthónhtse ne nónhwe nahonthatíteron; thóh ratiterónhthakwe natsakʼthóntse.