Amos 4:13 - Ohiatonhseratokénti

¹³ Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Amos 4:13 ပူးပေါင်းရင်းမြစ်များ

Job Tánon ne Raoronhiakensera 9:7

ónhka raró꞉ris ne karáhkwa, né tó꞉sa ahontakarakwí꞉nekenhne; ónhka sakoró꞉roks ne tsi iotsistohkwarón꞉nions;

Psalms 135:7

Rahónha seh rónhnis nahontontʼtsaʼtakaráthate ne tsi iehiotonhontiót꞉te; rónhnis ne tahonhninekarahwá꞉nion nó꞉nen eniokénhnore tánon thawerihnekénstha tsi nón꞉we nihateweienthónkwah.

Psalms 139:2

Sateriéntare nó꞉nen enkátien tánon nó꞉nen ténkʼtaʼne; ahí꞉non nió꞉re tsi tientéri nakanontonhniónhtsera.

Psalms 147:18

Tateniétha ne raowenhnaókons, tánon nówise wakawistanáwen; tánon iehotewerónhtses ne rahonhnísera, tánon nonékanos watnékines.

Psalms 65:6

Né꞉ne sashaststénhsera sáston tsi sahnontonhniánion; né tsatontákwen ne kashaststénhsera.

Exodus 10:22

Ne Mahís iahanentʼtsakétsko ne tsitʼkaronhiáte, tánon kwáh íken tsi tahioʼkarahʼwe tsikʼnonhwéson ne Egypt né꞉ne áhsenhʼniwenhniseráhke nikaríwes.

Exodus 14:20

tsi natehóntere ne Egyptró꞉nons tánon ne lsraerʼró꞉nons. Nʼotsáta tahiaʼkoʼkarásten ne Egyptró꞉nons, ók waʼtsakoswaʼthéʼten nènhʼneʼe ne lsraerʼró꞉nons, né káti ne ronhterí꞉ios né tó꞉sa ahónton ne ákta niahónʼne tsi natehón꞉teʼres ne tsi niwasónhtes.

Isaiah 40:12

Rahónha roteniénhten ne kaniaʼtarakhekówa thóh ratsaná꞉kon tánon wahaierónhnitsʼte ne tsi karonhiáʼte tsi wathaʼtirónhten, wahatiénawasʼte nokénra ne tsi ionwenhtsáte tsi wahakontseríharen, tánon wahakontseríharen ne tsi ionhnontaʼrónhnions tánon ne tsi ionhniaʼrónhnions kwáh satahiótsʼteke?

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Isaiah 47:4

Né sheʼshonkwahiatákwen—né꞉ne Sakoiá꞉ner ne ratiʼronhiaʼkeró꞉nons né ronwá꞉iast— Rahonhatsíwaʼkhok ne Roiatatokénti í꞉ken NʼIsraerʼronónke.

Isaiah 48:2

Asèken né rontatenatón꞉kwah tsi niʼiosenhnó꞉ten ne ionatatokénti, tánon ne ronwaniahésen ne sakoʼNí꞉io NʼIsraerʼronónke; né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Isaiah 5:30

Kwáh enhontonráien ne thóh enwenhniseráteke, kwáh tsi ní꞉ioht tsi iorákare ne kaniatarakhekowàne. Tánon ne tseiáta iahiontkátho tsi tionhontsá꞉te— kwáh nènhneʼe nek khók tsi wakaronhióroke. Tánon ne teioswát꞉the né꞉ne tahiokarásthen tsi niʼiotsatarónhnions.

Jeremiah 10:13

Nónen enhatewenhnátesʼte enwatnekahkarénisʼte ne tsi karonhiátes; tánon rónnis nahioháweiasʼte ne tsi iehiontonhontiotʼtaníhon Tánon rónnis ne tahonnihnekarahwáhnion nónen iokennóron tánon tahtheniétha nòwerah thóh nitewèhtha tsi nónhwe nihaientákwa.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 46:18

Í꞉ih, ne Watiá꞉ner Keshastsʼtenseroʼwáhnen, Wakenonhtí꞉io. Í꞉i ne konnhehónwe Ní꞉io. Tsi ní꞉ioht ne tsi ionónhte Tabor tiehiononhtakéthoʼte ne tsi ionnonhthénions ó꞉ni ne tsi ionónhte ne Carmel éhnheken ionónhte ne kaniatarahkhekówa, káti ehniháshastsʼte ne ienhiatiatónti.

Jeremiah 51:16

Ne nónenh enhatáhti, enkáwehre ne tsi karonhiáte. Enhatsikerahriónhnion éhneken ne tsi ionhwenhtsáte. Enthaʼténieʼte ne tahonninhekarahwáhnion skátʼke nokennorésehra tánon enhanonhtónko ne tsi rahthaʼkwenianientákwahs ne takawehráhthaʼse

Jeremiah 51:19

Ók ne Sakoní꞉io ne Israerʼró꞉nons iáh ne kahiatónhni tèken! Kwáh rahonhatsíwah norihwahkwékons rohshahánion tsi nihiothánions, ne rahonkwetaʼshón꞉a thóh ratiʼhiátareh, kwáh rahónʼa shakokweniénston. Né꞉ne Roiá꞉ner Roshastsʼtenseroʼwáhnen ne raoʼsénhna.

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Daniel 2:30

Nòn꞉wa, kí kariʼwahséhton wahakotáhshiase, iáh tókaʼken sénha í꞉i kateʼnikonhrattókha tsi ní꞉ioht ne akò꞉ren, né kí ne Sanontí꞉io nahseweientéhtaʼne tsi nikéntonhs né satetshénhsera ó꞉ni ne aesaʼnikonhraién꞉taʼne né anonhtonniónhtshera tsi wesaiaʼtó꞉renʼne.

Hosea 12:6

Ók kí ní꞉se, Saní꞉io nón꞉we nionsáse, ne satienawastónhak ne raʼonoronhkwáhtshera tánon ne kaianéren, tánon tasakontakwénhak tsi tsiaterá꞉rat ne Saní꞉io.

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Amos 3:13

Sewathón꞉tek, tánon ietshiiahronká꞉ten tsi ronónhsote ne Jacob, rá꞉ton ne Roiá꞉ner Rawenni꞉io, ne ne Rawenni꞉io roiaʼtatokénhti:

Amos 5:27

nó꞉nenh é꞉tho nón꞉we ienskonhiarekwáthe tsi tiohontsá꞉ien ishiʼnonkwá꞉ti ne Damascus,” ráton ne Roiá꞉ner, ne raoshén꞉na né꞉ne Sakowenní꞉io ne ratironhiakerononhs.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Amos 8:9

Ne thóh entewenhniserá꞉teke, rá꞉ton ne Roiá꞉ner Rawenni꞉io, kwáh enhkhónnien nahonterahkwásehte ne éntie nenhkárahke, tánon ne tsi ionhontsá꞉te entiokaráhwe ne tsi niwenhní꞉sehres.

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Micah 1:3

Awatkátho, ne Roiá꞉ner tahohiakenhenhátie tsi nón꞉we nihèn꞉teron, tánon kwáh entátsnenʼte tánon thenhatekhá꞉hakwe tsi nón꞉we ne kwáh tiotenón꞉tates ne tsi ionwenhtsá꞉te.

Habakkuk 3:19

Rawenni꞉io, ne Roiá꞉ner, seh nakeshatsténhsera í꞉ken; ne ronhniátha ne kasitàke kwáh thóh natahonkekhatónhke tsi ní꞉ioht noskenónton, tánon ratiatanónstats ne tsi ionontahrónhnions. Ne Raterenhnathentsatha: né áhonste né karenshó꞉taron waterenhnót꞉tha.

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Matthew 9:4

Rotorientaratsihon ne Iesos tsini thotinikonraȣens, ȣasakaȣenhase; ȣahenron: oh niiotieren tsi ȣanon tonniontseraksen seȣanontonnions.

John 2:25

Nok oni tsi iah teresakskȣe onka nonkȣe ahonȣariȣaniratse: aseken akȣekon raienteri tsini iakaȣeriasotens nonkȣe.

John 3:8

Ok ȣahi tenȣanonton kah niienkaȣerenhaȣe tsi iahote, nok sathonte tsi iorakare, iah tanon tesaterientare kah nontaȣe, iah oni tsi niiahaȣenonhatie; etho kati niiot tsiniiakon nʼonikonrake iakohnakeraton.

Deuteronomy 32:13

“Washakorí꞉hon nahontkorásthe tsi nón꞉we tiothonhontsaténions ne Canaan nón꞉we tánon ne wahón꞉neke tsi nahó꞉ten tkánios ne kahentà꞉kes. Wahatitshénri ne otsinaʼkontahkwà꞉ne otsikhé꞉ta ne tsi teiosthenhrénion; ne rahothironhthashón꞉as ne iakeniewá꞉thas wahotiianerásten nónhne tsi natekanenhiothárons nonwenhtsà꞉ke.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.