Amos 4:10 - Ohiatonhseratokénti

¹⁰ Kahnratarinéhtsheras iaʼkwatenniéhten kwáh ne shá꞉ka tsi iekheiateniehtén꞉ni ne Egypt; khenonhwariá꞉kon ne kenʼnitotiión꞉sas tsonkweʼtaʼó꞉kons ashareʼkó꞉wa wakátston; é꞉ren kheiaʼtenhawíhton ne satshenenʼó꞉kons kohsá꞉tens tánon ne waʼkónniaʼte ne wenseráksen ne tsi satená꞉taien tsi tehseʼnionká꞉ronte aontahsatonriseratihéntho; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Amos 4:10 ပူးပေါင်းရင်းမြစ်များ

2 Kings 10:32

Né shikaháwi ne Roiá꞉ner sonthahatásawen wahatʼhó꞉te tsi níwaskwe ne Israerʼró꞉nonke aonakeʼrá꞉sera. Né Ronnontí꞉io Hazael ne Syriaʼne nón꞉we waʼsakosenhniónko kwáh tsi niwatenáskwa ne Israerʼró꞉nonke kanakeraseráien

2 Kings 13:3

Káti ne Roiá꞉ner waʼsakonákwahse Israerʼró꞉nons, tánon waʼhoríhon ne Ronnontí꞉io Hazael ne Syriaró꞉non tánon ne roʼiénha Benhadad né kwáh tiókonte tsi ashakosénhniensehke Israerʼró꞉nons.

2 Kings 13:7

Né Jehoahaz iáh kíʼ othènen tesahonkwetaʼiénthakwe ne ronterí꞉ioskwe nek khók ne wísk-niwásen niháti ne rotisátens ronterí꞉ios iateshonathaténhron, oiéri nikaserétakes otsónkwahs, tánon oiéri tewenhniawehetsherásen niháti ne také꞉sons nienhónhne tsi ní꞉ioht tsi ronhterí꞉ioskwe, tsoríhwa ne Syriaró꞉non ronontí꞉iokwe tsi ratikwékon sakotónhton ne ronátiakes, tánon tesakoskwáhseron tsi ní꞉ioht nokénhra.

2 Kings 8:12

“Onʼnontiéren tsi tesaséntʼthos, sénshie?” ne Hazael waharihwanónton. “Tsioríhwa tsi wakateriéntare tsi niwahét꞉kens tsi nenhseiérase nonkweshónʼas Nisraeʼró꞉nonke,” ne Elisha watharihwaseráko. “Entsirotónhnion ne watenhenró꞉tons, enseiawenhthóʼseron ne kén nithotiʼiónsas, ensenonwenhserário ne sakotihiohokónhas tsi nióre ienhonhníheʼie, tánon ensehiataratsónko ne rahonathonwisenhtseraʼsónhas ne kontíhawe nahiotiwiraiéntaʼne.”

Exodus 10:27

Ne Roiá꞉ner wahoʼnontsisʼthanírahte ne ronhnonhtí꞉io, tánon iáh thasakoríhon niasakótʼkaʼwe.

Exodus 10:3

Káti ne Mahís ó꞉ni ne Aaron ronhnonhtí꞉ioʼke niahá꞉ne tánon wahonwénhase, “Ne Roiá꞉ner, ne sakoʼNí꞉io ne Hebrews, ráton, ‘Tóhʼshékon nikaríwes ensehsaterahiáʼtaʼkwe nʼaskewénhnarahʼkwe? Sehiátʼkáf nʼakonkwetashón꞉ʼa, ne káti nahónton nahionkʼsénhnaien.

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Exodus 8:19

tánon káti ne tehontierónhnions wahonwénhase ne Ronhnonhtí꞉io, “Rawenni꞉io kí꞉ken thóh nahása!” Ók ne Ronhnonhtí꞉io roʼtenontsisthaʼniráhton tánon, kwáh kíʼ tsi niháwen ne Roiá꞉ner, ne Ronhnonhtí꞉io iáh seh tasakothahónsaʼtaʼte ne Mahís ó꞉ni ne Aaron.

Exodus 9:12

Ók kíʼne Roiá꞉ner rahonhniénni ne ronhnonhtí꞉io nahonhʼnontsistaʼníronhʼke tánon, kwáh kíʼ thóh niháwenh ne Roiá꞉ner, ne ronhnonhtí꞉io iáh kíʼ tasakotahonsatá꞉te ne Mahís ó꞉ni ne Aaron.

Exodus 9:17

Kí shé꞉kon sahtenikonhrakʼshá꞉ton ó꞉ni iáh tesatʼthóntats nasehiát꞉kaʼwe nakonkwetashón꞉ʼa.

Isaiah 34:3

Tsi ronwatiʼnonwarhiákon átste khók tsewátsion, tánon tsi niʼwenhserátsen ne raotiʼierónhta kwáh tewenhserateníhons; ne tsi ionontarón꞉nions kwáh ne tenwatnáwenhte ne raoʼtinekwénhsa.

Isaiah 50:11

Ók sewakwé꞉kon kí sewahtekátha nó꞉tsire, sewaienthóntos tánon ne tesewatsiaʼtháton ne waʼtsiratónhkwas. Thóh sathénti notonkókon ne sátsire, tánon thóh tsi waʼtsiratónkwas ne satekàton! Né kí꞉ken ensèhna tsi nentká꞉tkaʼwe ne katsanáke: thóh ensatsatiónhnite ne karonhiakenserákon.

Isaiah 9:12

né꞉ne Aramró꞉nons ne tsitʼkarakwínekens nokwáhti ratinákere tánon ne Philistines ne tsi iatewatʼsénhtos nokwáhti ratinákere, tánon tsatehonatskaráwen tsi iakonwatsatanékwahne ne Israel. Asèken akwékon kí꞉ken raonhakwáhtshera iáh tateʼtsiotkaraténion; ne ratsanáke shé꞉kon kíʼ iateótsate.

Isaiah 9:13

Nonkweshón꞉has iáh kí rahonháke nòkwah tseshonénon tsi rahónha sakokónhre, khés nahonwaiatiʼsákon ne Roiá꞉ner ne kwáh èhʼneken thót꞉te ne ratironhiakeró꞉nons.

Isaiah 9:17

Ne káti aoríhwa ne Roiá꞉ner iáh kí tehatonnhahéhra rononháke ne kén nithonihionsas raononkwetashónʼahs, khés nasakotenikonkátsthate ne tehiontonhnakárias tánon ne ionateréhons; asèken kwáh onkwetaʼkwékon tsi iáh teotiniʼioseráien tánon ne rotiʼióte ne karihwahetkénhsera, tánon kwáh iateieshá꞉ke ne tsi tsakowenhninekénʼen ne teiotenonwaroríhtonhte. Asèken akwé꞉kon kí꞉ken ne raonhakwáhtshera iáh sèh tatetsotkaraténion, shé꞉kon kí iatehó꞉tsate.

Jeremiah 11:22

Sók káti ne Roiá꞉ner Roshaststenserowánenh wahénron, “Kwáh enkheréwahte! Ne kenʼnithothihiónsa rahonnonhkwetaʼshón꞉a tsi wahterí꞉io nónhwe nenhonwatírhio; ne shaʼkotiʼiohokón꞉a athonkarhiákon enhotírhiote.

Jeremiah 15:3

Í꞉i, ne Watiá꞉ner, iaʼtewahkeriwahiénthaʼse kaiéri nihiorihwáke tsi nenhotihiátahwen: aterihiosehráhke nónhwe nenhonwahtinonhwahrhiákon; ne raothiʼierontahsónha érhar enhathisehréson; otsitenhokónha enhónnheke ne rahothihierónta, tánon ne karahkónha konhtírhio enkonhtetʼkwísa tsi niaʼtenhiothaténronke.

Jeremiah 16:4

Tehionranónhiani enhotírhiote, tánon iáh ónhka tahonwahnatʼtsiónnionse iáh ó꞉ni tahonwahtihiatháta. Ne rahothihieróntas enkakerónthake nonhwenhtsáke tsi ní꞉ioht ne óhtha iothonhióton nonhwenhtsáke. Kwáh ateriʼiosehráhke enhonwatiʼnonhwahrhiákon tó꞉ka ó꞉ni athonkarhiákon enhotírhiote, tánon ne rahothihieróntas né kákkhwa enhonatónnien ne otsitenokónhas ó꞉ni ne konhtírhios.

Jeremiah 18:21

Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

Jeremiah 48:15

Ne Moab tánon nahonahtowáhnenhs kariwahthónton; ne kwáh tsiahonkwetí꞉iosʼkwe nithotiʼhiónsas ronwahnahwénhtʼthon. Í꞉i ne Wahkenonhtí꞉io, ne Watiá꞉ner Waʼkeshastsʼtenserowáhnenh, tánon wahkatá꞉ti.

Jeremiah 49:26

Ne thóh enwenhnisehráhteʼke nahonkwetashón꞉a nithonihiónhsa enhonwahtinonhwahrhiákon ne tsi tekanatoken꞉hátons, tánon ratikwékon ne ahonkwetashón꞉a ne ronterí꞉ios enhonwahnáhthonte.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 6:11

Ne shanakwáhtshera tsi nòkwa ne ronónha tiotétsʼnonh ní꞉i nahkonháke, Saiá꞉ner, tánon iáh tatkwéni ne sénha akahthakátsthate.” Ethò꞉ne ne Roiá꞉ner wahakénhase, “Tasáweron nakenakwáhtsera rononhà꞉ke ne ratitsaokónhas thóh tsi kanatʼtathátse tánon thóh tsi ronatsataró꞉ron ne kenhnithotiiónsa. Ne rotiʼiakʼkons one ne iotiʼiákʼkons kwáh ki ienhkonwatiʼtenháhseron, tánon iekaníhare ne kwáh tsakóions kwáh iáh tashionthatenónstate.

Jeremiah 9:22

Kwáh tsík nonwéhson tsi tewenheiontohʼtháron, tsi ní꞉ioht ne ótha iothonhióton ne kahentáhke, tsi ní꞉ioht ne onátsa kaiá꞉kon tánon ék wahonáhti ne ratinahtsí꞉iaks, nonátsa ne iahónka tehiakohrónkwas. Ne kí꞉ken tsi nahó꞉ten rakró꞉ri ne Roiá꞉ner akíron.”

Hosea 11:5

Kwáh thóh nón꞉we ienshón꞉ne tsi tiohonsá꞉ien ne Egypt, tánon kwáh Assyria ensakonontí꞉ioke, tiorì꞉wa tsi iáh tehonathontá꞉ton nakonhà꞉ke natahontahonénonke.

Joel 2:20

Kwáh é꞉ren ensehkhehiaʼtenhá꞉withe nothoreʼkeró꞉nons ronterí꞉ios ahinonhkó꞉wa enkénhake tsi nón꞉we ní꞉ses, tánon thóh iekheiató꞉ri tsi tsahonwenhtsiatʼthénhake tánon nahonhontsóskonk í꞉ken, Tsi niká꞉ien ne ohén꞉ton rónhnete enhontè꞉ko thóh nienhatitátke kaniatarakeʼkowá꞉ne ne tkarahkwí꞉neken nokwá꞉ti, tsi niká꞉ien ne onà꞉ken ronhnè꞉te thóh nokwá꞉ti nienhónhne kaniatarakheʼkowá꞉ne tsi iatawatʼtséntos nón꞉we; nahonsheratsénhtshera tánon ne wenhseráksens entewatharátate. Asè꞉ken ken tsi nihotierá꞉nion tsi nihiorihowá꞉nens!

Leviticus 26:16

Kwáh kíʼ enkwahréwaʼte. Enthékhaʼwe ne karihwaieshá꞉tsheras ne tsionháke—né iáh tetieiewénhtas kannratarihné꞉tsheras tánon ne iakohtonkwahroskó꞉wa né꞉ne enkarihónhni tasehrónhweke tánon ne enkarihónhni ne tsi shónhne káiaʼse ahónhton. Enhshiéntʼto ne saientʼthó꞉tsheras, ók iáh kíʼ thènen thasehniáheʼse, tsioríhwa ne tesewatát꞉tsions enieshasénhni tánon né enhónhneke tsi nahó꞉tens shaiénthonʼne.

Leviticus 26:25

Aterihrihiósera enthékhaʼwe ne sonháke ne nakonhréwaʼte tsi watéshiaʼke naʼterihwaseronhniátshera, tánon tó꞉ka tsi kanatowanénhke nienhénse nashatekwáhsen, kwáh kíʼ ienkaténieʼte né꞉ne iáh tetieiewénhtas kannratharihnétsheras ne tionháke, tánon kíʼ entietsihianónhtonse nahisewaniaʼtarakétsko rahotihénton ne tesewatátʼtions.

Amos 4:6

Í꞉ʼi tewákha natonhkariá꞉kon akwé꞉kon tsi ní꞉kon sanataièn꞉tons, tánon wahsatekhókten akwé꞉kon tsi nón꞉we nisanakerahserá꞉ien, nek kiʼk shá꞉ka iáh akonhá꞉ke thaʼtetisé꞉non, rá꞉ton ne Roiá꞉ner.

Amos 8:3

Ne konhnónkwe ne tekontirihwákwas tsi kanontiiotserá꞉ien enkontskwarahrónhnion né꞉tho entewenhniserá꞉teke,” rá꞉ton ne Roiá꞉ner Rawenni꞉io; “nawenheióntas kwáh thóh tsi nenhiawetowánenhke, tsitnonhwésons átste tewátsion. Sak tasatatónhni!”

Haggai 2:17

Kwáh wakonhkarón꞉ni tánon akwé꞉kon ne saienʼthó꞉tsheras ó꞉ni tsi nisahiothenʼen ne iakaténiehte ne kwáh ioweraʼtaríhen tánon takakher꞉fonten ó꞉ni wahonenʼón꞉ti; nek kík sá꞉ka iáh thetsisatatrewáton, rá꞉ton ne Roiá꞉ner.

Deuteronomy 28:21

Tsienhionhnonterátseson ne kannratariné꞉tsheras tsi enʼthaténieten tsi nió꞉re ne kwáh iáh ónhka tsiatahonsehsewathaténhronke ne tsi ionhontsá꞉ien ne ó꞉nen thóhwa iahisewatié꞉nawatste.

Deuteronomy 28:22

Ne Roiá꞉ner ne enhiaiénte ne iohnrarátskons, ó꞉ni nashatiáto ó꞉ni nahisenhtonhkwárho, enthaténiethe nahionhontsà꞉then ó꞉ni ne kwáh ioweratharí꞉hen nakariwaiéshathe ne saienʼthótsheras. Kí꞉ken kariwaieshátsheras ensehnikwekonhátiesehke kwáh tsi nió꞉re ienshathonhnókten.

Deuteronomy 28:60

Kwáh shé꞉kon énska ienseraterátsthe tenʼthaténiehte ne shonhà꞉ke ne iotenhrátʼtherons ne sariwaienteráhon ne Egypt nón꞉we, tánon iáh nonhwénton tahonshashiewénhtane.

Deuteronomy 7:15

Ne Roiá꞉ner enhiaiaʼtanónhstate tsi nokwáh ne kanonhwakténtsheras, tánon iáh tahontahá꞉hawe thé꞉nen ne tehiohranónhianis tsi ne sewahiá꞉tawen ne Egypt nónhwe, ók ki akwé꞉kon tesewatà꞉ʼtsons enteshaká꞉wen.