Amos 3:2 - Ohiatonhseratokénti

² Tsonhá꞉ʼa khok kwaienterí꞉ne ne tsi niiehwatsí꞉ra tsi ionhontsá꞉te; kwáh ká꞉ti enkwahré꞉wahte tho í꞉kare akwé꞉kon ne sarihwaneraʼáktsheras.

Amos 3:2 ပူးပေါင်းရင်းမြစ်များ

Genesis 10:32

Ne kí꞉ken ne raotitaraʼshón꞉ʼas ne Noah raonekenhteronʼtsheraʼshón꞉ʼas, ne entioianénhawe tsi nienhonthwatsí꞉rine ne raotitióhkwakonʼs; tánon thóh tontáhsawen kí꞉ken onkwehshón꞉ʼas tsik nonwéhson niaʼthonré꞉ni ne tsi ionhwentsá꞉te shonhtóhetste tsi iawenhó꞉tonhkweʼ.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Psalms 147:19

Thóh wis ne raowénhna ne Jacob, ne rahorihonhnienhnítsheras tánon ne raoianerénhseras ne Israeronónke.

Exodus 32:34

Wáhs kíʼ ó꞉nen, sehhéntes nonhkweshón꞉ʼa né tsi tewatenáhtaien tsi ní꞉ioht tsi konhró꞉ri. Sehiárak akeronhiaʼkerónonh enhiaʼhéntenhse, ók ienkáhewe nónen kwáh enkheréwathe kí꞉ken onhkweshón꞉ʼa tsi nihotiriwáneren.”

Isaiah 63:19

Kwáh thóh niʼiakwahiatóthenhne tsi ní꞉ioht ne ronónha né iáh theteseniarotáronhne, kwáh né꞉ne tsi nihá꞉ti né iáh né tehonwatinatónhkwen ne shasénhna.

Jeremiah 1:15

tioríhwa tsi kwáh rathikwékon nonhkweshón꞉a iekhénonks nothoréhke tahthináhkere ne kénthon nahontahónʼne. Ne ronwahthinonhtiʼiósons enhonʼthenitskwaratʼtsherothónnion tsi iotenhenrahkahrónhton ne Jerusalem ó꞉ni nahsontatʼthónties ó꞉ni naktesons tkanahtahiéntons ne Judah.

Jeremiah 10:25

Thóhʼniahásaf ne sanahkwáhtshera tsi nónhwe ne onhkweshón꞉a ne iáh tehieshaʼsénnaiens tánon ó꞉ni ne ónhkwe ne ieshakenrónni. Sahkotinonhwarhiákon ne shonkwetaʼsónha; kwáh tohkénʼen tsi hionkhiʼiatónton tánon nonhkwanahkeʼráhsehra hioriwahiesáhon.

Jeremiah 11:22

Sók káti ne Roiá꞉ner Roshaststenserowánenh wahénron, “Kwáh enkheréwahte! Ne kenʼnithothihiónsa rahonnonhkwetaʼshón꞉a tsi wahterí꞉io nónhwe nenhonwatírhio; ne shaʼkotiʼiohokón꞉a athonkarhiákon enhotírhiote.

Jeremiah 13:21

Onhnahóten enshíron nónen nonhkwesónha tsi niséhron né꞉ne sahterohserahkénʼen kènʼne tánon ne waheshatiathakwení꞉iosthe? Thóh ní꞉ioht tsi ensehronhiáken tsi ní꞉ioht ne iónkwe iohwirahientáhsehre.

Jeremiah 14:10

Ne Roiá꞉ner ráton tsi nòkwah kí꞉ken onhkweshón꞉a, “Rohnonhwésʼkwahni nahionkwahtékwahse, ó꞉ni kwáh iáh tahonthahontaʼtheniaróh꞉tahrohke. Káti kwáh iáh othènenh tewahkerientí꞉ios tsi nòkwah ne rohnónha. Kwáh enkehiárahke ne wahétken tsi nihonahtieráhnion tánon enkheréwahte tioríhwa tsi nihotirihwáhneren.”

Jeremiah 9:25

Ne Roiá꞉ner ráton, “Ienkáhewe nónenh enkheréwahte nonkweshón꞉a ne Egypt, Judah, Edom, Ammon, Moab, tánon ne kahentahkeʼkówa nónwe nihathináhkere, ne ne kénk nisohthinonkwíseres tsi rohnatateʼnónkaron. Onhkwetahkwékon tsi iáh tehonatewarahkwétaron, tánon tsi niaʼtekanonhsáhkes ne Israel ne rahonerhianéson tsi iáh tehonatewarahkwétaron.”

Ezekiel 5:9

Ne tsi nihioteriwahtéhat ne shaʼhiatonhnisónhas, kwáh tohkénʼen sénha í꞉se enkonhréwahthe tsi ní꞉ioht tsi kherewáhthon nakorénhsons ne tiotserénhton ne꞉ne iáh nonhwénhton shé꞉kon ètho tahonshá꞉tiere.

Ezekiel 9:6

Sehnonwarhiákon ne rotiksténhas, nithohtiʼiónhsa, nitiotihiónsa, kanisténseras, tánon ratiksahokónhas. Ók tó꞉sa kén niasèier nónhka ne tehonaʼtenkwaʼrenhiáton. Kénʼen Akenonhsatokentiʼkówahne iasathá꞉sawenh.” Sók kíʼ ne tahontashawénhkwe ne sakothihéntenseh ne thóh ronhnéthonkwe NʼOnonsatokentiʼkówahne.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Hosea 2:13

Kwáh entréwate tsi nihonnenhtanorónsthas ne Baals, nó꞉nen eniakotatʼtse ne kaienkwahrákons tánon ne enwatstánion nahonisnonsawishón꞉as tánon ne kawistanoronshón꞉as, tánon wahakoseréhson naoskareshón꞉as, tánon onhtsatanikónhren ní꞉i, rá꞉ton ne Roiá꞉ner.

Hosea 5:3

Tsienté꞉ri ne Ephraim, tánon ne Israel iáh ne tewakatasehthénhni; asè꞉ken nón꞉wa, O Ephraim, ne wasatswatákwe ne kanakwaiesátshera; ne Israel kwáh tekonwaiathatiónston.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Amos 2:4

Ne katíʼ aorí꞉wa ne Roiá꞉ner rá꞉ton: Asè꞉ken áhsen nieioterátston iorihwaneraʼáts꞉kon ne Judah, tánon ne kaieríhaton, kwáh ki nenhnè꞉e iáh thaʼtaonsonkaterihwaténien ne kahrewahtáhtshera; tiorí꞉wa tsi wahatikèn꞉ron ne raoianerénhsera ne Roiá꞉ner, tánon iáh tehonatienawáhston ne raorihonnienníhtseras, ók ne wahonathaharákwahte ne kwáh ne shá꞉ka nonó꞉wens tsi ní꞉ioht ne shakotihsothonkonhkén꞉en rotiioʼtén꞉ʼen.

Amos 3:3

Skát꞉ne kenʼh iahténtieʼs ne tehniiáhse nek tó꞉kaʼ kenh thonaterihwahserón꞉ni?

Amos 6:1

Ionikonráksat tsi nihiá꞉kon ne tsakoterákare ne Zion nón꞉we, tánon tsi niiá꞉kon ne ihiénhreh iakontaní꞉ron ne tsi Ionónhte ne Samaria, í꞉se ne sewasenhnowá꞉nens ne ietsihénthenhse ne kí꞉ken kentiohkowá꞉nen Nisraeró꞉nonke, tionháke nieiéntha nonhkweshón꞉as naieʼtsiié꞉nawaʼse!

Micah 2:3

Ne káti aorì꞉wa rá꞉ton ne Roiá꞉ner: Ó꞉nen, kíʼ wakateʼnikonronhnihátie tsi nokwáh kí꞉ken kawatsiratsénskwah né꞉ne iáh taskwé꞉ni tashateniaróhetste ne satsienhthaniátsthakwa; tánon iáh tahonshasathatónhnike, asè꞉ken kwáh karihwahétken enkénhake ne nenhkahá꞉wike.

Nahum 3:4

Tiorì꞉wa tsi iáh tewaʼséhton tsi tsatehiorahtiéton ne tsiothakwahkaréni nakahiató꞉ten, tehiorenhkénhniat tánon titʼkáhere ne tewatkónston ne iakorió꞉tha, iakonikonrathénhnis nonkweshón꞉has ne tsi tsatehiorahtiéton, tánon tehiakorenhkénhnies nonkweshón꞉has ne tsi niwatenhénhnaras,

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.

Romans 2:9

Enkaiéntake neh karonhiakénsera ó꞉ni ne kanonwakténtsera tsi niháti neh꞉ne enhotihióte ne kariwáksen, Nehʼne Sitaeró꞉nons entatihénte tánon ó꞉ni neh iáh tehatisitaerónons.

1 Corinthians 8:3

Ónk ne ónkwe ne ronkwahnorónkwah ne Rawenni꞉io tsi shakoientéri.

Deuteronomy 10:15

Ók ne Roiá꞉ner rahonoronhkwátshera tsi nikashátsteʼkwe tsi nokwáh ne sewasoʼtsheraokonhkén꞉en í꞉se watsisewahiaʼtará꞉ko tsi ní꞉ioht ne akóren nonhkweshón꞉a, tánon nón꞉wa shé꞉kon ki í꞉se rahonkweʼtashón꞉as í꞉ken.

Deuteronomy 26:18

Ón꞉wa wenhniserá꞉te ne Roiá꞉ner watsisewaié꞉na tsi kwáh raónha rahonkweʼtashón꞉as í꞉ken, kwáh ki tsi nitsisewarahratstén꞉ni; tánon tsi sewahró꞉ris akwé꞉kon sewatewénhnarak ne raohianerénhseras.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Deuteronomy 4:32

“Sewariʼrísak tsi nitiawè꞉non, nohénton sehsewanakerà꞉te, thonió꞉re onà꞉ken shá꞉sewet né nó꞉nen ne Rawenni꞉io shasakohiaʼtón꞉ni nonhkweshón꞉as ne tsi ionwentsá꞉te. Kwáh ohontsakwé꞉kon tsi sewariwísak. Nonwenhtónken neknahò꞉tenk né nihiorihowánen nahiawénhon ne tiotierénhton? Nonwenhtónken nónhkak ahiakoriwarónhkenke né nataiotenonhianiʼtónhake tsi ní꞉ioht kí꞉ken?

Deuteronomy 7:6

Tó꞉ki naʼsewáhier ne tsi Roiá꞉ner sewaNí꞉io ní꞉se rahonkweʼtashón꞉as. Tsi nihiakotióhkwa nonhkweshón꞉as ne tsi ionwenhtsá꞉te í꞉se watsisewahiatará꞉ko ne kwáh ahionkweʼthatokénhake raonkwè꞉ta ahisewá꞉ton.

1 Tiér 4:17

Ónen iakáhewe ne kaiatoretátsera nahonthontasáwake, tánon nehne Rawenni꞉io rahonkwetaʼsónha entatihénte ne tahonwatihiatórete. Tóhkaʼ I꞉i entitewatiérente onhní꞉ioht tsi ienwatókten tsi niʼiákon ne iáh tetiakawetákwen ne kariwí꞉ios tsi Rawenni꞉ióke nonwe tiohawiton?