Amos 3:13 - Ohiatonhseratokénti

¹³ Sewathón꞉tek, tánon ietshiiahronká꞉ten tsi ronónhsote ne Jacob, rá꞉ton ne Roiá꞉ner Rawenni꞉io, ne ne Rawenni꞉io roiaʼtatokénhti:

Amos 3:13 ပူးပေါင်းရင်းမြစ်များ

2 Kings 17:13

Né Roiá꞉ner iehoteniéton ne rahonkwéʼta rarihwakaré꞉nies ó꞉ni ne rotó꞉kense nashakoronhkáten Nisraeʼró꞉nons tánon ne Judah: “Sewatsakwahríhsi tsi nisewaweienhnáksens tánon takwahwénhnarak, tsi thóh nón꞉we niwatá꞉rons ne kaianerenhserákons ne tekheiáwi ne sewasókʼtseras tánon tsi nitkwahwíʼons rahonháke nakenáhtseras ne rotiʼtó꞉kense.”

2 Kings 17:15

Iáh tehonatʼthontháton nahonatewenhnaráhkwen ne rahorihonhnienhnítseras, iáh tehonatsenawáston ne kaianerénhsera tsi nihó꞉son skát꞉ke ne sakotisokʼthonkonhkénʼen, iáh karíhwa tehonnónhni tsi nishakoronhkaténhniskwe. Né wakonwasénhnaien ne iáh othènen tekariwásthas kaiatonhnisónhas tánon ronón꞉ha ó꞉ni iáh othènen teshatirihwásthakwe, tánon ne rahtísere tsi nihotiʼianerenserótens né aktóntses ratinakerénion, iáh tehonwawenhnarahkwenhátse ne Roiá꞉ner tsi nisakoróri ne tó꞉sa tahontahonwatinákeren.

2 Chronicles 24:19

Né Roiá꞉ner iashakoteniethánion ne rotitokenhséhakwe nahonwanaronhkáten rahónha nòkwah niesónhne, ók kíʼ nonhkweʼshón꞉as iáh tehiakáweron nahionhtahónsathate.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Ezekiel 2:7

Kwáh ónenhk tsi enteséhion nakateriwahnhothátshera tó꞉ka kén enhontahonshá꞉tahte khés ne iáh. Ók iáh kíʼ tahontahonsháthaʼte. Asèken kwáh kíʼ ronhteriʼioserahnónhwe!

Amos 3:14

Nentewenhniserá꞉teke nó꞉nen enkhehré꞉wahte ne Israerʼró꞉nons ne ne raotirihwaneraʼáktshera entkarihón꞉ni, kwáh enkerihwáhtonʼte ne ietsenhahráhkhwaʼs ne Bethel, kwáh tsi ní꞉kon tekahiohsaké꞉ronʼs akwé꞉kon ne ietsenhahráhkhwa kwáh kiʼenkaiá꞉khonke tánon kwáh ohontsá꞉ke ienkaièn꞉taʼne.

Amos 5:27

nó꞉nenh é꞉tho nón꞉we ienskonhiarekwáthe tsi tiohontsá꞉ien ishiʼnonkwá꞉ti ne Damascus,” ráton ne Roiá꞉ner, ne raoshén꞉na né꞉ne Sakowenní꞉io ne ratironhiakerononhs.

Acts 2:40

Tiér wasakoretiáron, tánon wéso oʼiáshon nikawenʼnótens wárasʼte tsi wasakóreʼke, rathonhákwe, “Sasewathateniákent tsi nòkwa ne karewathátshera neh rothirásere kí꞉ken ionkwetahétkens!”

Acts 20:21

Ne Sitaeró꞉nons ó꞉ni ne iáh tehatiʼsitaeʼró꞉nons kwáh ne sáka tsi kawennasátsthe tsi ní꞉ioht tsi kheretiáronskwe kwáh shontatʼréwat rahonháke ne Ní꞉io tánon thonʼwétat ne Sonkwaia꞉ner Ié꞉sos.

Ephesians 4:17

Rahosénʼnakon ne Roiá꞉ner, nekáti wahkwaretiáron; tóhsa iasewathasónteren ne thoʼní꞉ioht tsi atsionnheke tsi ní꞉ioht ne iáh tethonethákwen, ne rahonahnionthonnióntsera iáh thènen tesástha.

Deuteronomy 8:19

Akwáh tó꞉sa nonhwénton tsisewahiataʼnikónhren ne Roiá꞉ner sewaNí꞉io tó꞉ka ó꞉ni ne tahisewatkaraté꞉ni tsi nokwáh ne oiáhson nihioʼokónhas naietsisén꞉naien tánon naieʼtsihiótenhse. Tó꞉ka thóh nenhsewá꞉iere, ó꞉nen ki wakwaronhkà꞉ten nón꞉wa wenhniserá꞉te tsi kwáh oriwihioʼón꞉we tsi ensewahiathá꞉ton.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

Joshua 22:22

“Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!