Amos 3:12 - Ohiatonhseratokénti

¹² Né katíʼ aorí꞉wa rá꞉ton ne Roiá꞉ner: tsi ní꞉ioht ne teiotinaʼkarontón꞉ʼa rá꞉nonhne tekahsí꞉nake khok enshahnhontá꞉ko ne kèn꞉reks tsi iawé꞉kon khehs sewahònhtaʼ khok ne kenʼk nísewa, ne katíʼ nonkwehó꞉konʼs Israerʼró꞉nons tsi nihá꞉ti iehatinákere ne Samaria tsi enshonwatiʼniá꞉kenhte, enkenikwekonhátie ne teionitskwahraʼtsherahrí꞉ʼon tánon ne kenʼ ná꞉ʼonske ká꞉nakte.

Amos 3:12 ပူးပေါင်းရင်းမြစ်များ

1 Kings 20:30

Né iathonathátere kanatowanénhke Aphek né nónhwe iahontekwáhsen, thóh nónhwe ne tsi wathenhenró꞉the ne tekanathanákton né wahotirénienhne tewásenh-tsáta tewenhniawehetserásen niháti wahotírio. Ben-hadad ó꞉ni rotékwen, tánon iahanatárane ne kanatowanénke nahataséte.

1 Kings 20:34

Né Benhadad wahawénhase, “Ensetkwahthakwenháton ne kanatowanénkes né rakenikénʼen ró꞉kwen ne ianikénʼen, tánon enwáton nashathenhninonhseróten né satekanatíhen ne Damascus, kwáh kíʼ tsi nihoiéren ne rakenikénʼen ne Samaria.” Né Ahab watharihwaseráko, “Kén kíʼ kí꞉ken ní꞉ioht, ethòne khók, enskonhiátkaʼwe.” Wahiatsanerenhserónhni tsi natehiátere tánon sahó꞉kaʼwe.

1 Kings 22:25

“Kwáh ensherihwatsénhri nó꞉nen kák nónhwe nonàken tsionákʼthaien nienhénse nashathashethána,” ne Micaiah watharihwaseráko.

2 Kings 16:9

Né Tiglath Pileser, tsi watorihwaserákwahse ne Ahaz; iahanénhrihne ne raoʼtsiókwah ne ronterí꞉ios niasakotiatónhti ne Damascus, wahaiéna kíʼ, wahononwariákon ne Ronnontí꞉io Rezin, tánon nonkweʼshón꞉as Kir nón꞉we niashaʼkoiaténhawe tsi washakonóton.

Esther 1:6

Raoteʼèn꞉rakon kanatahserón꞉ni ne oròn꞉ia tánon karà꞉ken ioʼarenʼtónnion, kahwanerénkhon arihwawaʼkonhnéha ne kwáh kaniaʼtarí꞉io tánon kahwistarà꞉ken teiotweʼnonniánion eʼthó iotiienawá꞉kon karontó꞉ton kanenʼiarà꞉ken. Wanitskwahraʼtsheré꞉sonʼs ohwistanó꞉ron tánon kahwistarà꞉ken ionniá꞉ton eʼthó wahatiké꞉ron ateʼèn꞉rakon, tánon kwáh eʼthó kanenʼiarà꞉ken kéntsʼkaron, teiohstarátheʼs onekwènhtara kanenʼianó꞉rons, tsi naʼteiohterón꞉rote ne kaʼnistenhsherakweʼní꞉io ne onekórha tánon oròn꞉ia nikanenʼiò꞉tens.

Esther 7:8

Iahatatiaʼtón꞉ti tsi iétskote ne Esther shakoʼnekén꞉ni tsi rónhnhe, ó꞉nen tontahatáweiaʼte ne ronontí꞉io wahonehrá꞉ko tsi nahò꞉ten wahatkáhtho, kanaʼkwenhserá꞉kon waʼthohén꞉rehte, “Kí꞉ken rón꞉kwe í꞉rehre kenʼ iakonontí꞉io thaʼontahshakonónhtonse akhén꞉ton tánon akenónhskon?” Á꞉re khok tshiehóhson tsi róhthare ne ronontí꞉io sók ne ronwatikwatakwén꞉ni raohnhá꞉tshera tahatihrhó꞉roke ne Haman ranontsì꞉ne.

Psalms 132:3

“Kwáh iáh tiaʼkatáwehiaʼte nakenónskon khés nákarate nakenát꞉take;

Isaiah 17:7

Né thóh enʼtewenniseráteʼke nonkweókons iathenhonwatkáneren ne sakohiatí꞉son, tánon ne ratikará꞉kes iaʼthenhonwakánerake ne Rohiatatokénti khók í꞉ken NʼIsraerʼronónke;

Isaiah 31:4

Asèken ne kí꞉ken aoríwa ne Roiá꞉ner wahakénhase, Kwáh tsi ní꞉ioht ne kènreks khés ne kenʼnithohiónha kénʼreks rotatenakónhni tsi nihotherhiotakéken, tánon—nó꞉nen ne raotiʼtsiókwah ne teiotinakaronhtónha sakotiʼnikónhrare ienhonwatinón꞉ke nahonʼsahonwaseré꞉son— káti ne Sakoiá꞉ner ne ratironhiakeró꞉nons kwáh kí enhtáts꞉nenhte nahaterí꞉io thóh tsi Ionónte Zion tánon thóh tsi ionhniáhere.

Isaiah 8:4

asèken nohénton ne raksá꞉ha ahoteriéntarahne nahénron “Rákeni” khés “Nisténha,” nahokwahséhtsheras ne Damascus tánon tsi nikanenskwenháton ne Samaria kwáh kí ienhá꞉hawe ne Assyria ronnontí꞉io.

Amos 6:4

Iakothentásehre tsi niiá꞉kon ne kanáktake iehiatiónhni ne kanakarahrá꞉ken nahóthen ionhniáton, tánon tsiakoteráhkare nakonitskwáhrane, tánon teiotinakaronhtónha rotiwarákon ne ronónha ronatawénkton, tánon ne tionhnónskwahron owí꞉ra ne ionarésens;

Amos 9:8

Tesakokánere ne Roiá꞉ner Rawenni꞉io tsi nihotirihwaneraháts꞉kon kí꞉ken kanakerahserá꞉ien, tánon kwáh enkerihwátonhte tsi niiohóntsa —nek khók iáh kwáh takhehiátonhte nonhkweshón꞉as Nisraeró꞉nonke, rá꞉ton ne Roiá꞉ner.