Amos 3:10 - Ohiatonhseratokénti

¹⁰ Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Amos 3:10 ပူးပေါင်းရင်းမြစ်များ

Job Tánon ne Raoronhiakensera 20:21

Kwáh iáh thahó꞉ten tsiatetsotathénhraskwe ne ará꞉ke; ne káti aorì꞉wa ne raokwahséhtshera iáh kíʼ thatakawisátsteke.

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

Proverbs 1:13

Niaʼté꞉kon entewatshén꞉ri ne kakwahtshéhsera tánon tentitewá꞉rahte nonkwanonhskónhshon nahoʼtén꞉shon entewanenhskohá꞉ton!

Proverbs 11:16

Iakón꞉kwe ne iakotonkweʼtatkwénienhs tánon tiakorihwaié꞉ri enhshekweniénhste kiʼ. Iotéha ne iakón꞉kwe iáh teiakotonkweʼtatkwénienhs. Nónhka iakentóhrha iáh ki nonwén꞉ton thaiakohwistaièn꞉take, nok nón꞉kwe iakohskehnhá꞉se eniakokwáhtsheʼne.

Proverbs 28:5

Nón꞉kwe ne ionkweʼtáksenʼs iáh tehatiienté꞉ri nahò꞉ten nen né꞉ʼe aterihwakwarihshiónhtshera, nok nón꞉kwe ronwahsèn꞉naiens ne Roiá꞉ner kwáh tokén꞉ʼen nen né꞉ʼe rotiʼnikonhraién꞉taʼs.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 5:4

Eʼthóhʼne wahkanonhthónnionwe, “Kí꞉ken nek khók ne tehonthonnakárhias tánon ne iáh tehonahtheriénthare. Ononhwahroríhta íken; iáh tehonahtheriénthare tsi niharihwanónhtons ne Ní꞉io, tsi natehothonwenhtioni ne Roiá꞉ner tsi nahóntiereh.

Ezekiel 18:7

Iáh tehanikonhráhtha iáh ó꞉ni ónhka teshakonénhskwas. Iesatʼkáwas nónhka thènenh iakokʼkarahienthá꞉kwen nahsakoníhenke; shakonónhtens ne ionhthonkárhiaks tánon shakówis natʼtsherónhniat ne iáh tehiakoktsheronhniakwáhien.

Ezekiel 22:29

Ne rotikwáhtses ratinikonhráhtha ó꞉ni ratinénhskwas. Sakonahtiéskwahni ne iakóten sakothitesténhni ne thihiakahontsáte.

Ezekiel 8:17

Ne Roiá꞉ner wahakénhase, “Rónhkwe iaiénha, satkáthos kén tí꞉ken? Kí꞉ken nonhkweshón꞉ʼa ne Judah iáh tehonerientí꞉ios tsík nihonahtieráhnion ne hioteriwahtehasónhas ne wasatkathóseron kénʼen tánon tsi natehiorenihonhátie ne kariwaksenhokónhas tsi nikanahkeráhsehra. Iáh, ónenk tsi entʼthónʼne tánon kwáh tsík tienhatiʼieráhnion kwáh kénʼen kanónhskon NʼOnonsatokentiʼkówa tánon ónenh sénha enhionkenahkónhni. Satkátho tsi ní꞉ioht tsi wahonkenikonhrahkaréwahte ne꞉ne kwáh tsi nahiotónhon nahionkeriwahientháten!

Hosea 7:1

né nó꞉nen ensketsiénte Nisrael, nahoriwahetkénhsera ne Ephraim enkarihotáshionke, tánon ne ahoweienhnatʼkénsera ne Samaria; asè꞉ken ne tewareniá꞉tha nonhó꞉wen, ne ratinénskwas tehatinoharíhtha tsi iehontawehiá꞉tha, tánon ne ratinénskwas atstésons ó꞉ni nón꞉we nisakotinenhrakárias.

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 5:7

Ah, í꞉se ne tionhniáton ne kaianéren tsi ní꞉ioht ne tehionhontahió꞉tsis, tánon ohontsá꞉ke sewátion ne kariwakwahrishóntshera!

Amos 6:12

Ne koshá꞉tens kontsakarónhtses ken nosthénrakes? Ónhka ken ietarakarát꞉tos ne kaniatarakeʼkowáhne ne tehotikákeres tionhnónskwahron ahónste? Ók kí ní꞉se ne washón꞉niate ne kaianéren kanonkwahtserát꞉sen hiahónton tánon ne karihwakwahrihshóntshera ne kahontátsen iahónton—

Amos 6:3

O í꞉se ne iáh tesathóntats nasehrihwanirá꞉te ne tewenhniserónhte ne kakahronhniá꞉tshera tsi tá꞉wese, tánon ákta iawetonhátie nahontsiaʼtakwení꞉ioste ne iáh othé꞉nen tahonsakanakerahseraiéntake?

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Micah 6:10

Shé꞉kon ontè꞉ken ken ne kanorónsons ne karihwahetkénhseras iotaténron ne tsi kanónshote ne ronhnonkweʼtahétkens, tánon ne iekontseriharáhkwa ne rónstha nahatinikonráhte?

Zephaniah 1:9

Ne thóh enwenhniserá꞉teke kwáh enkheréwate ratikwé꞉kon ne iáh tsiahatiratane ne tsi tekanoháronkwe nó꞉nen ienhontawehiate, ne rotinenskwenhaton oni rotinikonraton tanon ne wahatinonsitkon ne tsi rotinonhshotons ne raotikoswetsera.

2 Tiér 3:5

Kwák tahónnethe wahontarónti ne kwáh wahónnise tsi náhe Rawenni꞉io thóh tenʼnáhon, ó꞉ni neh tsi karonhiáte ó꞉ni ne tsi ionwentsiáte onthé꞉sa. Tsi ionthonwentionʼníʼon awènke nón nitsawénon tánon onékanos nahóten ionniáton,