Amos 2:8 - Ohiatonhseratokénti

⁸ Enhontiaʼtión꞉nite ákta ne ietsenhahrahkwà꞉ke ne ronatsheronniá꞉ton ne iakotenhténion shakotíhkhwen ne iakotkaraientahkwèn꞉ne; tánon tho raonónhskon ne raotiní꞉io rotihnekí꞉ren nonenharákeri ne rotihninón꞉ton tsi nihshakotikaraièn꞉ni.

Amos 2:8 ပူးပေါင်းရင်းမြစ်များ

Exodus 22:25

“Tó꞉ka enshewísthani tsík ónhka naʼkonhkweʼtasónhas ne rotíten, tó꞉sa thóh nashatátser tsi shí꞉ken ní꞉ioht ne shewisthaníhas akénhake tánon natsheriwanóntonse nahakárhiake ne watehiárons.

Isaiah 57:7

Thóh né éhʼneken tánon ne tioʼtenón꞉tates thóh washaʼtenákʼtaien, tánon niahá꞉se nasatienkwarón꞉hiate.

Ezekiel 18:12

Shakonikonhraténhnis ne iakóten, ranénhskwas, ratienawástha nahó꞉ten ronatkarahienthá꞉kwenh ne shakoníhen. Hieréhtha ne iatehotiriwiʼióston tsi ronterenhnaienthákwa, rasénhnaiens ne ioteriwahtéhas kahiatonhnisónhas,

Ezekiel 18:7

Iáh tehanikonhráhtha iáh ó꞉ni ónhka teshakonénhskwas. Iesatʼkáwas nónhka thènenh iakokʼkarahienthá꞉kwen nahsakoníhenke; shakonónhtens ne ionhthonkárhiaks tánon shakówis natʼtsherónhniat ne iáh tehiakoktsheronhniakwáhien.

Ezekiel 23:41

Eh entsiátien ne kwáh watsitskwarahtserí꞉io, nahothihénton eh wahtetkwahrahtseró꞉the titkáhere ne iohiáneres, ó꞉ni ne wenhnekeráhkon nahiontsienkwahrónhniate tánon ne iakeniewáhtha kénʼie né꞉ne tetkhehiáwi.

Hosea 4:8

Ne rononnhékwen tsi nihatirihwanérats nakonkweʼtashón꞉as; ronatetʼtsen ne raotirihwaneraháktshera aorihwà꞉ke.

Hosea 7:14

Tsi tehonséntʼtos iáh raoneriáne nón꞉we tetewétha, tsaʼtehotihenrétha ne rahotináktake; rontatrenánions né꞉ne onátsas tánon onenharákeri tkarihónhnis; ionkewenhnón꞉tses.

Amos 3:14

Nentewenhniserá꞉teke nó꞉nen enkhehré꞉wahte ne Israerʼró꞉nons ne ne raotirihwaneraʼáktshera entkarihón꞉ni, kwáh enkerihwáhtonʼte ne ietsenhahráhkhwaʼs ne Bethel, kwáh tsi ní꞉kon tekahiohsaké꞉ronʼs akwé꞉kon ne ietsenhahráhkhwa kwáh kiʼenkaiá꞉khonke tánon kwáh ohontsá꞉ke ienkaièn꞉taʼne.

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 6:4

Iakothentásehre tsi niiá꞉kon ne kanáktake iehiatiónhni ne kanakarahrá꞉ken nahóthen ionhniáton, tánon tsiakoteráhkare nakonitskwáhrane, tánon teiotinakaronhtónha rotiwarákon ne ronónha ronatawénkton, tánon ne tionhnónskwahron owí꞉ra ne ionarésens;

Amos 6:6

Sathetsetateniáton shanekirenháties nonenharákeri, tánon ne satatsiatokástha ne kwáh tewenhserá꞉kons iontsiatakonhonstháhkwa, ók iáh kí nenhné꞉e tesanikonrátsens tsi nihiorihwenhtáhon ne Israerró꞉nonhke!

1 Corinthians 10:21

Iáh thahónton ne asnekírahthe ne Roiá꞉ner rahótshe tánon; sók rahtinesonrónons rahotíʼtse ahonshahsnekírahthe; iáh ó꞉ni tánon ne Roiá꞉ner rahothekwáhrahne tahshaskáhon tánon ó꞉ni sók rahtinesonrónons rahonatekwáhrahne iatahonshasatskáhon.

1 Corinthians 10:7

Tóhsa ó꞉ni tewahsénnaien ne kahiatónnis, ne nótias tsi nihotiʼiéren. Tsi niwáhton ne oriwahtokénti, “Nonkwesónha wahóntien ne tahonskáhon né iatewatʼkaraténi ne ononwahrorítha ó꞉ni wahatinekírah ó꞉ni wahontenonwahrórisʼthe.”

1 Corinthians 8:10

Tóhka nónwah nónkwe ne iáh teienikonrahshástsʼte nèki nahorihóten iesháh꞉kens, ne rohtíʼien akénhake “atʼthohkhátshera,” iaʼtehiakotskáhon ne kahiatónni ahonnonsatokentíke; iáh kén né kí꞉ken tahiakonikonráhreke nahiéke ne kákʼkhwa ne kahiatónni konwahtáti?

Judges 9:27

Ratikwékon tsi rotinenharaientʼthóserons niahónhne tánon wahatinenharáko, né wahontnekónhniaʼte ne onenharatasehontserákeri, tánon wahontenikonhró꞉ri. Ethò꞉ne ononsatokentikowáhne niahón꞉ne ne raotiní꞉io, wathonská꞉on ó꞉ni wahatinekí꞉ra, tánon thahonwaié꞉ron ne Abimelech.