Amos 2:6 - Ohiatonhseratokénti

⁶ Né katíʼ kí꞉ken aorí꞉wa ne Roiá꞉ner rá꞉ton: Asè꞉ken áhsen nieioterátston iorihwanéren ne Israel, tánon ki ne kaieríhaton iáh nenʼneʼeh thaʼtaonsonkaterihwaténien ne kahrewahtáhtshera; tiorí꞉wa tsi shakonatenhní꞉nons ne tionkweʼtaié꞉ris kahwistará꞉ken ronwatikariákʼtén꞉nis, tánon ne iakotenhténion tsoiá꞉na áhta neʼ tehontatawístha tsi shakonatenhní꞉nons—

Amos 2:6 ပူးပေါင်းရင်းမြစ်များ

2 Kings 18:11

Né Assyriaró꞉non rakórahkwe Assyria niashakoiaténhawe Nisraeʼró꞉nons tsi ní꞉ioht ne ratinó꞉tons í꞉ken tánon ótiakes tsi kanatowanénhke ne Halah nón꞉we nasakó꞉teron, ótiakes ó꞉ni ákta ne tsi Konrahrós꞉tha Kaniatarahtátie né tsi watonhontsáien ne Gozan, tánon ótiakes tsi kanatowanénhke ne Media.

2 Kings 18:12

Ne Samaria wakonwasénhni tsioríhwa Nisraeʼró꞉nons iáh tehonwawenhnaráhkwah ne Roiá꞉ner Raotíní꞉io, ók kíʼ tehotiʼiákons ne sakoianerenhseʼrihshenhénhni tánon iáh tehonatewenhnaráhkwen akwékons ne kaianerénhseras ne Mahís thó꞉wi, né raʼonhatserakénʼen ne Roiá꞉ner. Iáh tehonatahonsatháton iáh ó꞉ni tehonatewenhnaráhkwen.

Isaiah 10:2

ne nehrenhakahawítonke ne raotiʼianerénhseras ne teionkʼkárias tsi nahó꞉ten ne ronón꞉ha raonáwenk, tánon nashenénsko nakonkwetashón꞉has ne rotítenh raotiʼianerénhsera, nètho ionaterèhons nahón꞉ton ashenenskwenháton, tánon né nahón꞉ton ne asehiaterhiotónhniaʼte ne tehiontonhnakárias!

Isaiah 29:21

nón꞉ka neh aiakoriwahióten nón꞉kwe aiakó꞉ti ne kaianerenhseràke, nón꞉ka ne ronhwateristaiénhni ne rarihwénhtha ne tsi iothenhenrakáronhte, tánon né iáh othènon tahontakarihónhniaʼte ahiontonhníhen ne karihwakwahrihshiónhtshera tsi nikáien ne tseiérits.

Ezekiel 22:13

“Kwáh enkhetsíkwenhte ne sonkwetashón꞉ʼas ne ratinénhskwas ó꞉ni ne sakonahséhtas.

Joel 3:3

rontsánake wahónste ne kanenhiatokenhá꞉tons onhontsà꞉ke wahonatséseron né꞉ne akatókenhne ónhka ienhonwatihiaʼténhawe ne ronwatihiénen. Ratitsahokón꞉as ó꞉ni kontitsahokónhas wahonwanatkéron né꞉ne shonatakwahkaréni nahónton, akonhwatikarhiase oni ne ahatininonhthákwe nonenharákeri, nahontonwesénhtakwe.

Joel 3:6

Waseiathenhní꞉non ne ratitsahokón꞉as ne Judahró꞉nons tánon ne ratitsahokón꞉as ne Jerusalemró꞉nons, tsi nokwáh ne Greek, ahí꞉non nió꞉re tsi é꞉ren washeiathenhá꞉wite ne tsi ronateristhatátie.

Zechariah 11:5

Ne kwáh rahothitshenenhó꞉konhs konhwanahwénhthos tánon iáh thé꞉nen tehonwahthirewáhtha. Ronhtewahrahní꞉nonhs tánon rónton, ‘Tetsitewahnonhwerá꞉thon ne Roiá꞉ner! Tsi nihionkwahkwátse!’ Iekaní꞉hare ne kwáh shakotinónhʼne iáh tehotí꞉ien nahkonhwathítenhre.” (