Amos 2:5 - Ohiatonhseratokénti

⁵ Katíʼ kwáh ó꞉tsire ienkatenniéhten ne Judah, tánon ne enwatshaʼáhte ne tsi watenʼenhró꞉tons ne tekanatahnáktonʼs ne Jerusalem.

Amos 2:5 ပူးပေါင်းရင်းမြစ်များ

2 Kings 25:9

Wahatenonkwatetʼte ne Ononsatokentikó꞉wa, ne tsi kanontiʼiotseráien, tánon ne tsi rotinonshótons ne thó natonkwetaʼtónhnions ne Jerusalem,

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Amos 1:4

Ká꞉ti ó꞉tsire ienkaténniehte tsi thonónhsote ne Hazael, tánon kwáh enwátshaʼahte ne tsi roteʼèn꞉rote ne Benhadad.

Amos 3:11

Né katíʼ aorí꞉wa ráton ne Roiá꞉ner Rawenni꞉io: ne rotswèntskon kwáh tenhahwáhnhake ne tsi iohʼhontsá꞉ien, tánon enhiaʼshatstenhseráhkhwah; tánon ne sewanonhskónhsons enkanenhskwenhá꞉tonke.

Amos 3:15

Kwáh Enkerihwenthóhseron ne kohseraʼkéhkhas ó꞉ni ne akenhnhaʼkéhkhaʼs kanonhsó꞉tonʼs; Ne kanonhsaʼshón꞉ʼahs tsi ne karaʼsestánions ne kanaʼkareʼhó꞉konʼs tsi kwáh enkarihwénkthonke, tánon ne kanonhsowá꞉nenʼs kwáh kíʼ enwató꞉kten, ráton ne Roiá꞉ner.

Amos 7:4

Ken kí nahó꞉ten ne Roiá꞉ner Rawenni꞉io wahakenatonhase: ne Roiá꞉ner Rawenni꞉io ótsire iehénnonks né꞉ne ahonttsiraténi, tánon né ontsáhate ne nà꞉kon ionhontsá꞉te ne kaniatarakeʼkowáhne tánon ne thontasawákwe onhtsáhate tsi ionhontsá꞉te.